ታ ሃሢ ናንጋ ጫንጮ ናንጎ

ፔጌና ታ ዋይዚሲ ኬኤዛኔ።

ኔ ታና ዓርቄ ባካ ዓይጎናታቴያ

ፔጋሲ ታኣም ዻዻዋንዳፓዓቴም

ዻቢንቴያኬ ጌይ ዎዎጊፖ!

ኔኤኒ ኔ ኩጮና ማዤ ዓሢ ቶኦቻኒ ኔኤም ኮይሳ?

ፑርቶ ዓሶኮ ጌኖ ማሊፃ ኔና ዎዛሳ?

ኔ ዛጋሢ ዓሲ ዛጋ ጎይሢዳ?

ሃሣ ሌዓ ኔኤኮ ዓሲ ሌዔጉዲ ቃሚሢዳ?

ጎሞዋ ኔ ታኣኮ ኮጲሳሢ ዓይጎሮዳይ?

ዖኦኒያ ዻቂሻኒ ዳንዳዑዋኣሢ ኔ ዔራኔ።»

ዓካሪ ሃሢ ዬንሢ ኔ ኩጮንሢ ጊንሣ ታና ሻሃንዳ?

ሂዳዖ ሃሢ ጊንሣ ኔ ታና ሲላሊ ማሂ ጋኣጫኒዳ?

ሜቄ ዲኢቂ ጉዴያኣ ኔ ታና ሜቂሴኔ።

ሜጌሢና ሻሺና ማሂያ ካንሢ ኔ ኮሼኔ።

ኔኤኮ ካፒፃኣ ዓያኖ ታኣኮ ዶዲሼኔ።

ኔኤኮ ማሊፃ ዬያ ማዔሢ ታ ዔሬኔ።

ታኣኮ ጎሞሮዋ ኔ ፑርታና ዎጉዋዖ ሃሻዓኬ።

ኮሺ ባኣዚ ታ ማዼቴያ ታ ጋላቲንቱዋሴ፤

ኮሺ ታኣኒ ሜታዼም

ቦርሲንቲ ታና ሄሌኔ።

ዞቢጉዲ ኔ ታና ኬሚ ዓርቃኔ፤

ታና ባይዛኒ ኔ ዎልቆና ማዺንታ ዓኮ ባኮ

ላሚ ላሚ ኔ ማዻኔ።

ቢያ ዎዴና ኔ ዴንቃኔ፤

ታ ጊዳ ኔ ዻጋዻ ዻጋ

ቃሲንቲ ቃሲንቲ ዓኣዻኔ፤

ኔ ታና ዖላኒ ቢያ ኬሊ ዓኪ ዓኪ ማሊሢ

ዖልዚ ዓሲጉዲ ኔ ዳካኔ።»

ዖኦኒያ ታና ዛጊባኣንቴ ታ ሃይቄያ ማዔቴ ኮሺታንቴኬ!

ዒንዶ ጎጳፓ ኬኬስካዖ ዱኡፒ ባንሢ ታ ዔውቴቴ ቃራታዖኬ።

ዬማ ቃሚፆ ዎዶማካ ዻካታዎ ታ ዎዛዻንዳጉዲ

ሻኔያ ማዔ ዓጮ ታ ዴንዳንዳሢኮ ቤርታኬ።

ዬካ ዓኣ ፖዓኣ ዹሞጉዴያኬ።»