ናንጎ ዎዳ ታኣኮ ጋፓኒ ዑኬኔ፤

ዓካሪ ዱኡፒ ታና ካፔኔ።

ዓኣፓ ታኣኮ ዔያታ ታና ዒፃሢ ዛጋኔ።

ሜሌ ታኣም ዔቄያ ባኣሴ፤

ኔኤኒ ኔኤሮ ታኣም ዋኣሴ ማዔ።

ዒኖ ኔ ዔያቶኮ ዓርቄኔ፤

ዬያሮ ዔያታ ባሻንዳጉዲ ማሂፖ።

ፔ ላጋሢ ዓኣሢ ዒንጋ ዓሲ

ዒ ማዼ ጌና ናኣቶ ሄላኔ።

ዓሳ ፔኤኮ ጩጮ ዒዛኮ ቤርታ ጩታ ዓሲጉዲ ታ ማዔኔ።

ዑፃ ታኣኮ ጉቤ ሺቢጉዲ ማዔኔ።

ጌኤዦ ዓሳኣ ፆኦሲ ጉሙርቁዋ ዓሶይዳ ዻጋዼኔ።

ጌኤዦንሢያ ዶዱሞይዳ ዶዱሞ ቃሳኔ።

ዒንሢ ባኣኮይዳፓ ፔቴታዖ ማሊ ጶቂሣ ዓሲ ታ ዴንቃዓኬ።»

ታ ቱኬ ቱኡዞና ታኣኮ ዒኖ ማሊፆና ጉሪ ማዒ ዓቴኔ።

ሮኦሮ ሃሣ ‹ዹማኒ ዑኬኔ› ጋዓኔ።

ሃይቂ ዱኡኪንቲሢ ሌሊኬ፤

ዒኢካ ዹሞይዳ ሻኣሎ ታኣኮ ታ ሂኢሣንዳኔ።

ታና ሙዓ ዛኣሎ፦ ‹ታ ዒንዴ፤ ታ ጌሮ› ታ ጋዓንዳኔ።

ታኣኮ ሃጊ ማዓ ዎዞ ዖ ታኣም ዴንቃንዳይ?

ሃጊ ማዓንዳ ዎዛ ታኣና ዎላ ኬዳንዳ?

ሃሣ ታኣና ዎላ ዱኡፓ ኑ ጌላንዳ?»