ኔኤኮ ዼኤፖ ዻጎና ታጊዳ ሜቶ ዓጊፖ።

ኔኤኮ ዶዶ ኩጮና ኔ ታና ጳርቄኔ።

ታ ጎማፓ ዔቄያና ዒቢሊ ታኣኮ ባኣሴ።

ዬይ ታኣኒ ኬዳኒ ዳንዳዓሢፓ ዑሣኬ።

ኪፃ ታኣኮ ጊኢሽኪ ዛዓኔ።

ኬሎ ቢያ ዖዪሢና ታ ፔኤቄኔ።

ዑስካኣ ታኣኮ ኮሽኩዋሴ።

ዒና ታኣኮ ሜታዼያታሢሮ ታ ዚኢሊንታኔ።

ታኣኮ ዚኢሊንቲፃ ኔኤም ዓኣሺንቴያቱዋሴ።

ዓኣፓ ታኣኮ ዛጎ ዒፄኔ።

ታ ዒጊና ታ ኮራፓ ሃኬኔ።

ፑርታና ታና ሜታሳኒ ማላዞንሢያ ባይዛኒ ታኣም ዚርቃኔ፤

ሮኦሮ ጉቤ ታና ባይዛኒ ጌኔ ማሊሢ ሱካኔ።

ጌስታኒያ ዳንዳዑዋያ

ዻንጋ ባይቄ ዓሲጉዲኬ።

ዻንጋ ቡሊንቲ ጌስቱዋ ዓሲጉዲ ታ ማዔኔ።

ናንጊና ናንጋ ጎዳ ማዔ ታ ፆኦዛሢዮ! ኔ ታኣም ማሂ ኬኤዛንዳኔ።

ቶካ ታኣኮ ሃሊፄም ፔና ዔያታ ጎኦቢሣንዳጉዲ ማዺፖ!»

ታኣኮ ዋኣዪፆይዳፓ ፔቴታዖ ታ ኬስኪባኣሴ።

ጎማ ታኣኮ ታና ሜታሴኔ።

ታ ዔኤቢ ዎኦቲባኣንቴ ታና ዒፃዞንሢኮ ፓይዲ ባኣሴ።

ዬያ ኮዦ ማዾ ዛሎ ፑርታ ታኣም ማዺ ማሃ ዓሳ

ታኣኮ ሞርኬ ማዒ ዔቄኔ።

ታ ፆኦዛሢዮ! ታ ኮራፓ ሃኪፖ።

ታና ዑካዺ ማኣዴ።