ሎ ዼጌ ጫሪንጫ ዓኣ ማዢንታ

ናንጊና ናንጋ ጎዳሢ ጋላቱዋቴ።

ጫሪንጮይዳ ዓኣ ዒዛኮ ዖሎ ዓሳ ቢያ ዒዛ ጋላቱዋቴ።

ጫሪንጫ ፖዓ ዦኦጋሢያ ዒዛ ጋላቱዋቴ።

ዼጌ ቤዞኮ ዑፃ ዓኣ ዋኣፃኣ ጋላቱዋቴ።

ዒዚ ዓይሤም ዬይ ባካ ቢያ ማዢንቴኔ።

ናንጊና ናንጋንዳጉዲ ማዢ ዶዲሺ ዔያቶ ዒ ጌሤኔ።

ኮሺ ዔታዻ ቁልቦ ዋኣፃኣ ቢያ

ሳዓፓ ናንጊና ናንጋ ጎዳ ጋላቱዋቴ።

ዒዛኮ ዓይሢፆ ማዺ ኩንሣ ዼኤፖ ዓልጋሢ ቢያ

ናንጊና ናንጋ ጎዳ ጋላቱዋቴ።

ዓኣፓ ሙይንታ ሚፆንታ

ዴኤሎ ካያ ዓኣ ሚፃኣ ቢያ ዒዛ ጋላቱዋቴ።

ሳዖይዳ ጎቺንቲ ሃንታ ባኮንታ ጋኣዞና ባራና ባካ ቢያ

ናንጊና ናንጋ ጎዳሢ ጋላቱዋቴ።

ቢታንታ ዓኣ ሱኡጎንታ ዎጎ ዎጋ ዓሳኣ ቢያ ዒዛ ጋላቱዋቴ።

ጋርቾንታ ናኣቶንታ ቢያ ዒዛ ጋላቱዋቴ።

ዒዛኮ ቦንቻ ሳዖና ጫሪንጮናፓ ባሼ ዼኤፒታሢሮ

ቢያሢ ናንጊና ናንጋ ጎዳ ጋላቶንጎ!

ዒስራዔኤሌ ዒዚ ዼጊዲ ቦንቺሴኔ፤

ጋላታ ጋላታንዳጉዲያኣ ዒዚ ዔያቶ ማሄኔ።