ኔ ዒሼ ዎዚም ዓኣዼይ?

ዒ ዴንዴ ባንፆ ኔ ኑም ኬኤዜ።

ሚዛጶ ቡኖ ዔካኒ

ዱማ ዱማ ሳውቃ ዼኤሻ ቱኪንቴ ቤዞ ዓኣዼኔ።

ዒዚ ሚዛጶ ቡኖ ባኣካ ቆልሞ ሄንቃኔ።

ዬሩሳላሜ ካታማ ኮሽካሢጉዲ ኔኤኒ ኮሽካኔ፤

ዓውካራ ኔኤሲ ዓሲ ዲቃሣያኬ።

ዬይ ዓኣፓ ኔኤኮ ታና ዲዒ ዔኪ ቱኡሲ ዓሲ ማሄኔ።

ጎዒ ኬዳ ዋኣሪጉዲኬ።

ሜንቴ ሜንቴ ሾዓያና ዋኣሢና ማስቴ

ቦኦሬ ማራይጉዲ ዎዛሳያኬ።

ዓኣፖ ካሮ ካንቆና ባኮ ባኣኪና ጴዻኣና

ላምዖ ፓቂንቴ ሮኦማኔ ዓኣፒ ማላኔ።

ፓይዳ ዔርቱዋያ ማዔ ሚዛጲ ዉዱሮ ናይ ዓኣያ ማዓኒ ዳንዳዓኔ፤

ዒዛ ሃይማ ፓጬኔ ጌይንታ ባኣዚባኣ

ዶኦሌጉዲ ሚዛጳያኬ፤

ዒዞ ሾኤ ዒንዳ ቢያፓ ዑሣ ዓኣሢ ዒዞ ናሽካኔ፤

ጌኤሾንሢንታ ሜሌ ሌጎንሢ ማዔ ካኣቲ ላኣላ ዒዞ ሄርሻኔ።

ዓጊኒ ዖይዺ ፖዓያጉዲ ፖዓዛ

ዓቢጉዲ ፖዒ ጴዻዛ

ዖሎ ባንዲሮ ዓርቂ ኬስኬ ዖሎ ዓሶጉዲ

ዓውካራ ዒጊቻያ ማዔዛ

ሃና ዖናዳይ?

ዎይና ቱሼቴ፥ ሮኦማናኣ ቡኔቴ ዛጋኒ

ሌውዞ ጎዦ ታኣኒ ኬዴኔ፤

ሳርጌሎ ዖይቶይዳ ካኣቲ ናይጉዲ ዔኪ ዴይሤኔ።

ኔና ኑ ኮሺ ዛጎም ሃዳራ ማዔቴራ።

ሱላሜ ዓሴሎ ዒንሢ ዓይጋ ዛጋይ?