நான் சொல்வதைக் கவனியுங்கள், அறிஞர்களே.

உங்களது காது, அது கேட்கிறவார்த்தைகளைச் சோதிக்கிறது.

எது நல்லதென நாம் ஒருமித்திருந்து கற்போம்.

தேவன் என்னிடம் நியாயமுடையவராயிருக்கவில்லை.

நான் களங்கமற்றவன், ஆனால் மிக மோசமாகக் காயமுற்றேன்’ என்கிறான்.

நீங்கள் அவமானப்படுத்தினால் யோபு அதைப் பொருட்படுத்துவதில்லை.

யோபு கெட்ட ஜனங்களோடிருக்க விரும்புகிறான்.

ஏனெனில் யோபு, ‘ஒருவன் தேவனைத் தவறான வழிகளில் சந்தோஷப்படுத்த முயற்சி செய்தால் அதனால் அவனுக்கு நன்மையேதும் வாய்க்காது’ என்கிறான்.

தேவன் தீயவற்றை ஒருபோதும் செய்யமாட்டார்!

சர்வ வல்லமையுள்ள தேவன் தவறிழைக்கமாட்டார்!

ஒருவனுக்கு உரியதை தேவன் அவனுக்குக் கொடுக்கிறார்.

சர்வ வல்லமையுள்ள தேவன் எப்போதும் நியாயந்தீர்ப்பார்.

உலகம் முழுவதற்கும் பொறுப்பை தேவனுக்கு ஒருவனும் கொடுக்கவில்லை.

தேவன் எல்லாவற்றையும் படைத்தார்.

எல்லாம் அவரது ஆதிக்கத்தின் கீழ் இருக்கின்றன.

அவனது மூச்சை நீக்கிவிட முடிவெடுத்தால்,

எல்லா ஜனங்களும் மீண்டும் மண்ணாவார்கள்.

நான் சொல்வதற்குச் செவிகொடுப்பீர்கள்.

யோபுவே, தேவன் வல்லவரும் நல்லவருமானவர்.

அவரைக் குற்றவாளியாக நியாயந்தீர்க்க முடியும் என்று நினைக்கிறீர்களா?

தேவனே தலைவர்களிடம் ‘நீங்கள் தீயவர்கள்’ என்கிறார்!

தேவன் ஏழைகளைக் காட்டிலும் செல்வந்தரை நேசிப்பதில்லை.

ஏனெனில், தேவனே ஒவ்வொருவரையும் உண்டாக்கினார்.

ஜனங்கள் நோயுற்று மடிவார்கள்.

தெளிவான காரணமின்றி வலிமையான ஜனங்களும்கூட மரிப்பார்கள்.

ஒருவன் வைக்கிற ஒவ்வோர் அடியையும் தேவன் அறிகிறார்.

எதுவும் தீயோருக்குக் கிடைப்பதில்லை.

தேவன், நியாயந்தீர்ப்பதற்குத் தனக்கு முன்னிலையில் ஜனங்களைக் கொண்டுவர தேவையில்லை.

தேவன் அந்த ஜனங்களை அழித்துவிடுவார், வேறு ஜனங்களைத் தலைவர்களாகத் தேர்ந்தெடுப்பார்.

அதனால் விரைவில் தேவன் தீயோரைத் தோற்கடித்து அவர்களை ஒரே இரவில் அழித்துவிடுவார்.

பிற ஜனங்கள் காணும்படியாக அந்த ஜனங்களை தேவன் தண்டிப்பார்.

தேவன் விரும்புகிறபடியே செய்வதற்கும் அந்த ஜனங்கள் கவலைப்படுவதில்லை.

தேவனை நோக்கி அவர்கள் உதவி வேண்டி அழும்படிச் செய்கிறார்கள். ஏழைகள் உதவி கேட்டு அழுவதை தேவன் கேட்கிறார்.

தேவன் ஜனங்களிடமிருந்து தன்னை மறைத்து கொண்டாரானால் அப்போது அவரை ஒருவரும் பார்க்க முடியாது.

தேவனே ஜனங்களுக்கும் தேசங்களுக்கும் அரசர்.

‘நான் குற்றவாளி, இனிமேல் பாவம் செய்யமாட்டேன்.

நான் தவறு செய்திருந்தால், மீண்டும் அதைச் செய்யமாட்டேன்’ என்று கூறலாம்.

ஆனால் நீயோ உன்னை மாற்றிக்கொள்ள மறுக்கிறாய்.

நீ நினைப்பதை எனக்குச் சொல்லு.

ஒரு ஞானி,

யோபு சொல்கின்றவை பொருள்தருவன அல்ல,’ என்பான்.

ஏனெனில் ஒரு தீயவன் பதில் சொல்கிறாற்போல, யோபுவும் எங்களுக்குப் பதில் சொல்கிறான்.

எங்களுக்கு முன்பாக யோபு அமர்ந்திருக்கிறான், அவன் எங்களை அவமானப்படுத்துகிறான், தேவனைக் கேலிச்செய்கிறான்!” என்றான்.