1 Pemume'u Tupàn Tuweharupi Wiko Ma'e ikatu haw nehe.

Pemuzàg zegar haw ipyahu ma'e Tupàn Tuweharupi Wiko Ma'e pe nehe.

Imuwete katu har wazemono'ogaw pe, pemume'u Tupàn ikatu haw nehe.

2 O teko Izaew izuapyapyr wà, penurywete peapo arer rehe nehe.

Penurywete penuwihawete rehe nehe, o teko Zeruzarez pe har wà.

3 Pemume'u ikatu haw pepynyk pà nehe.

Pemume'u ikatu haw imupu pyr imupumupu pà nehe. Pemume'u ikatu haw pewioràwiràn imupumupu pà nehe,

4 ta'e Tupàn Tuweharupi Wiko Ma'e hemiaihu ikatu izupe a'e wà xe.

Umuigo kar ikàg 'ym ma'e wàmàtyry'ymar waneityk arer romo wà.

5 Tuwe Tupàn hemiaihu hurywete wàmàtyry'ymar waneityk awer rehe wà nehe.

Tuwe uzegar urywete haw rupi upynykaw pe wà nehe.

6 Tuwe umume'u Tupàn ikatu haw wahy haw rupi wà nehe,

Takihepuku haime katu ma'e opo pe heraha pà wà nehe,

7 ywy nànànar waneityk àwàm rehe wà nehe,

Teko nànàn uzepyk àwàm rehe wà nehe.

8 Tuwe uzàpixipixi wanuwihawete kyhàhàm pupe wà nehe.

Tuwe kyhàhàm tàtà pupe uzàpixipixi wanàmuz wà nehe.

9 Tuwe uzepyk ywy nànànar Tupàn ze'eg rupi katete wà nehe.

Nezewe Tupàn hemiaihu weityk putar wàmàtyry'ymar wà nehe.

Pemume'u Tupàn Tuweharupi Wiko Ma'e ikatu haw nehe.