1 Mago'a kafua agateretegeno Anumzamo Abrahamu areheno ke'ne. Anumzamo'a amanage hu'ne, Abrahamuo higeno ama mani'noe huno Abrahamu hu'ne. 2 Anumzamo asmi'ne, magoke mofavre, kvesi kvesi hunentana mofavrea Aisakina avrenka Moraia vuo. Anantega Nagrama kverisua agonare agrira ahenka tevefi kre sramna vuo. 3 Ame' nantera kerage Abrahamu otino donki afura azeri retro hu'ne. Kre sramna vu tevea ape huno krevare'are enerino, tare eri'za vahe'ane mofavre'a Aisakine zamareno, Anumzamo asmi'nea kotega vu'naze. 4 Tare zgegna agteregeno, anante knarera Abrahamu'a nevuno kesga huno ana asmi'nea koka ke'ne. 5 Eri'za vahetrenku amanage hu'ne, amare donki afura anteta maninekena nagrane, ne'niane vuta mono ome hunteteta ete maninesate egahu'e.

6 Abrahamu kre sramna vu teve erino Aisaki kofinenteno, agra'a hugre tevene, kazine erige'ne vu'na'e. Znagra kantega nevu'ne, 7 Aisaki'a, Abrahamunku, Nfa o higeno, voe nenmofo huno Abrahamu'a hu'ne, Hugre tevene, kre tevene eri'noe, hagi inantegati kre sramna vu lama afura erigahu'e? Huno Aisaki antahige'ne. 8 Abrahamu kenona huno asmi'ne, Anumzamo kre sramnavu lama afura tamigahie huno higene vu'na'e.

9 Anumzamo asmi'nea kaziga unehnati'ne, Abrahamu have erino ita huno teve hnavazine, Nemofo, Aisaki agare azante nofi anakiteno, ana ita agofetu azeri sga humsente'ne. 10 Abrahamu kzima'a erino Aisaki kazi refriza nehigeno, 11 monafinti Ra Anumzamofo ankeromo kezatino, Abraham! Abraham! Higeno ama mani'noe hu'ne. 12 Mofavremofo avufgarera kzana onto, mago'zana huonto huno asmi'ne. Menima kagrima kagentoana Nagrite kamentiti nehunka, Anumzanku kore nehane na'ankure, Nagri'ma nami'zantera mofavreka'a magoke mofavrea azeri usasi oki'nane. 13 Abrahamu kesga huno osi zafa titipafi ve rama afumo pazive'afi rusi hu'negeno ke'ne. Ana ve rama afu ome azerino mofavre'amofo nona'a aheno tevefi kre fnane hu'ne. 14 Abrahamu ana agonagura Ra Anumzamo tamigahie huno agi'a ante'ne. Eno menima mani'nona knafinena, Ra Anumzamofo agonare tamigahie nehaze. 15 Ra Anumzamofo ankeromo Monafinkati Abrahamunku mago ene kezati'ne. 16 Anage hu'ne, Nagrani'a Ra Anumzamo'na avempage nehue, na'ankure ke'nia zafa nehunka ne'mofavreka'a, magoke ne'mofavrea azeri usasi oki'nane. 17 Nagra asomu huneganta'nena kagri kagehe'impintira fore huhakare hu'za monafinka hanafi ene hgerinkena ksepa kna hugahaze, kagehe'moza ha' vahe'zmi mokizmi ranra kumara eri nfa'a hugahaze. 18 Na'ankure kagri kagehe'impinti ama mopafina mika zamageru'ene vahemo'za asomu erigahaze na'ankure, nagri ke'mofo avriri nankure. 19 Abrahamu ene Aisakikea eri'za netrentega ake'za, maka'mo'za kuma zamirega Bersiba vu'naze. Abrahamu anante Bersiba mani'ne.

20 Henka'a mago'a gna anama hu'nea zana evutege'no, Abrahamu nesamiza Milka enena mago'a mofavre'zga ksente'ne. Hankino Milkana neve'a Nahori'e hanki Nahori'a Abrahamuna nefu'e. 21 Ana mofavremokizmi zamagi'a, Uzi'a pusa nere, Buzi'a agri negna'e, Kemueli'a Aramu nefa'e. 22 Keseti'e, Hazori'e Pildasi'e, Judlaf Betueli'e, 23 Betueli'a Rebeka nefa'e. Milka'a, Nahorintetira 8ti'a ne'mofavre zga zamante'ne. Nahori'a Abrahamuna nefu'e. 24 Hanki henka a'mofo agi'a Reuma'e. eri'za a'a Reuma Nahorin'tetira Teba anteno, Gahamu anteno, Tahasi anteno, Makagizmi zamante'ne.