1 Iso'a 400ti'a vahe'ane ne-egeno, Jekopu'a kesga huno negeno mofavre naga'a refko huzmantege'za, nezmarera Leaki, Resoliki, tare eri'za a'tre zamuga otitere hu'naze. 2 Ana huteno eri'za a' trema'ane mofavre zinine huzmantege'za vugota hu'za vu'naze. Anantera Lea ene mofavre naga'ane vzageno, hanki Resoli ene Josefekea henka vu'na'e. 3 Hianagi Jekopu'a agra vugoteno vugofa nehuno 7ni'a zupa rena ome reno mopafi kepri huteno, vuno nefu tva'onte uhnati'ne. 4 E'ina higeno Iso'a negeno agareno eno Jekopuna azante eme azerino agazafeno, azana anankempi rugagino agazafeno antako hunentege'ne, zavi otente atente hu'na'e. 5 Kesga huno ana a'nene mofavre ramine nezmageno, Zamagra iza'za kagranena neaze? Huno antahigegeno, Jekopu amanage hu'ne, Anumzamo agampu hunanteno eri'za vahekamo'na nami'nea mofavre ramine, huno asmi'ne. 6 Jekopu eri'za a' trene, mofavre zinine vu'za Iso agiafi ome zamarena re'za mopafi kepri hu'naze. 7 Anante Lea'ene mofavre naga'ane ne-eza anazanke hu'za Iso agiafi zamarena eme re'za mopafi kepri hzageno, Josefe ene Resolike henka'a, anazanke hu'ne mopafi eme kepri hu'na'e. 8 Ana hutageno Iso'a amanage hu'ne. Esera afu'zga avre'za e'naza vahe zamage'noana, nahigenka huzmantanke'za e'naze? Higeno Jekopu'a amanage hu'ne, Kagri ranimoka, kazeri muse hunaku e'inara hu'noe. 9 Hianagi Iso'a nentahino amanage hu'ne. Nagna nimoka, nagra hago rama'a feno ante'noanki, kagrama erinka e'nana zanka'a kagragu erio. 10 Jekopu'a amanage hu'ne. A'o, muse (plis) hugantoanki nagri'ma kagu'afinti antahi nenamisunka amama negamua musezana (gift) nazampintira erio, kvugosama koana, Anumzamofo avugosa keankna nehugenka nagrira krimpa naminka nenavrane. 11 Muse (plis) hugantoanki nagrama muse'zama (gift) negamuana eri'nanegu navenesie. Na'ankure Anumzamo avesi nenanteno nza huno hakare'aza nmi'negena, knare hu'nena eme negamue. E'inage huno Jekopu'a hankvetino kehigeno Iso'a eri'ne. 12 Iso'a ana museza (gift) enerino, otinketa vamneno huno Jekopuna asmi'ne. Nagra vugotanena magoka vugahune huno zamasmi'ne. 13 Hianagi Jekopu'a amanage huno Isona asmi'ne, ranimoka kma antahio, mofavrenimo'za hanve oti'naze, afu zgamo'za anuntage nehzagu zamega hugahue. Magoke zgefinke'ma afu kevuma harita zaza kama vanunke'za, ufrigahaze. 14 E'igu muse (plis) hugantoanki kagra ranimoka eri'za nekamona natrenka vugota huo, nagra navesite akohena vugahue, afu kevu zgane, a' mofavre ni'ane kama vnaza avamente nevuta, Seiri (Idom) ranimokare uhnatigahue. 15 Iso'a amanage hu'ne. Muse (plis) hugantoanki mago'a eri'za vaheni'a zamatra'nena kvega hu'za vugahaze nehigeno, Jekopu'a amanage hu'ne. Na'ante anara hugahane? Ko' ranimo'a nazeri so'e hu'ne. 16 Anage higeno Iso'a netreno, ana zupage Seir (Idom) moparega ete vu'ne. 17 Jekopu'a Sukoti kumatega vuno, e'i ana mopare noma'a negino, afu kevu'mokizmi none kine. E'ina hu'negu menina ana kumamofo agi'a Sukotie hu'za nehaze. 18 Jekopu Padan-aramu mopa atreno ne-eno rankuma Sekemu enehnatino, Kenani mopare ra kuma'mofo fegi'a nonkuma (kemi) eme anteno mani'ne. 19 E'i ana mopa miza huno seli noma ki'nea mopa Hamori amohe'impinti, Sekemu nefa mopa, anama'a 100ti'a silva zgoreti miza huno eri'ne. 20 Anante havere ita tro hunteteno agi'a El-Elohe-Israeli'e (Israeli Anumzane) huno antemi'ne.