1 Jekopu'ma Isipi moparega witi me'ne kema nentahino'a, ne'mofavre naga'a zamasmi'ne, Na'a higeta ovufi avufi nehaze? 2 Jekopu anage hu'ne, keho, antahuana Isipi mopafina witi ne'zana me'ne, vuta ana moparegati ome mizaseta eho, ofrita manisunema hanuta. 3 Hige'za Josefena 10ni'a afuhe'za Isipiti witi miza senaku urami'naze. 4 Hianagi Jekopu'a Josefe negna Benjamenina atregeno afuhe'zanena ovu'ne, agra anage hu'ne, hazenke erizanku koro hue. 5 Hige'za zamaga'zamo' a anazanke Kenani mopafinena hige'za Israeli amohe'za ke hiaza hu'za witi ne'za miza senaku ruga'a vahe'ene e'naze.

6 Josefe'a ana knafina ana mopafina kegva kri'ne, agritetike maka ana mopafi vahe'mo'za eme ne'zana miza se'naze. Josefe afuhe'za agrite e'za zamarena reza kepri mopafi hu'naze. 7 Josefe'a afuhe'i zamugosafi nezmageno, onke vahekna nehuno hanve'ane ke huzmanteno, anage hu'ne, Igati e'naze? Zamagra anage hu'naze, Kenani moparegati ne'za miza senaku e'none. 8 Josefe'a afuhe'ina zamageni hianagi, zamagra agrira keni' osu'naze. 9 Josefe'a ko'ma afuhe'inte ava'na kezamte'nea agesa nentahino, anage huno zamasmi'ne, Vahe'mo'za kva osu mopati kenaku tamagra afure vahe e'naze. 10 Hianagi Zamagra anage hu'naze. A'o, rantimoka kagri eri'za vahe'mota ne'za miza senaku e'none. 11 Tagra magoke ne'mofo mofavre nagare, tamage vahe mani'none, eri'za nagaka'mota, tagra mopa afure' vahera ome'none. 12 Anage hzanagi ke'zmi rezmanteno agra anage hu'ne, A'o, kegva osunona mopati kenaku tmagra e'naze! 13 Zamagra asmi'naze, eri'za vahe'kamota mafka 12fu'a mani'none, magoke ne'mofo ne'mofavre naga'a Kenani moparetire, amitenamo'a nerfa'ene mani'ne, hanki magotimo'a hago fri'ne. 14 Hianagi Josefe'a amanage huno rentase hu'ne, Ko'ma neramasmuane, tamagra mopati afure vahere. 15 Ananku hu'na tamagenoka nehue, Fero avufi hanve'ane ke nehue, ama kumara atreta ovu'nesageno neramagna are' etene! 16 Mago'mofo huntenkeno nermagna ome avreno eno, ruga'amota kinafi mani'nesageno, ke timimofo tamagenoka hugeta hzana, tamagra tmagu'areti tamage hu'nafi. Hanki havigema hanuta Fero avufina, tamagra tamage huta mopati afure vahere. 17 Ana mafka mago kepi, taregi magoki zge kinafi zamante'ne.

18 Taregi magoki zge (3) knarera Josefe amanage huno zamasmi'ne, Nagra Anumzamofonku koro nehugu amana'ma hnazana manigahaze, 19 Hagi tamage vahe'ma mani'nesuta, atrenkeno mago nermafu kina huno mani'nena, ruga'amotma witi ne'zantmia erita zamaga zankuma nehaza naga tamirega viho. 20 Hianagi nermagna avreta nagrite ehanatiho, anama nehnageno ketamimo'a tamagesesigeta ofri'gahaze. Hige'za kema zamasmiaza hu'naze. 21 Zamagra zamagra nehu'za, tamage nergnana haviza hunte'none, na'ankure negonkeno agra o'e nehigeta, antahiomuna nona'a ana knazamo'a tagritega ne-e. 22 Rubeni ke nona'a amanage huno zamasmi'ne, Nagra ontmasmi'nofi, Kumira mofavre'mofona huonteho, nehugeta ke'nia antahi onami'nazane. Meni agri koramo nona'a tesiramie. 23 Josefe kezmia nentahino ontahi vahekna hu'ne, na'ankure ke akrehu vahemo amu'nozamifi mani'neno naneke akrehe huzmasmi'ne. 24 Zamatreno vuno zavi ome ate'ne. Huteno eno eme kema hunezmino'a, eri'za vahe'a zamasmige'za Simeon azeri'za zamufi azante nofi anakinte'naze.

25 Huteno Josefe higeza witi ne'za beki ku'zmifi eriri nezmante'za, zgo zimia ana zanke hu'za beki kuzmifi eriri zamante'za, kantega nevu'za nemema vnaza kave'ene eriri zamante'naze. 26 Hige'za donki afu'zmimofo agumpi witi ne'za eri'nazana ante'za anantetira atre'za vu'naze. 27 Kantega umsenaku harega mago'mo donki afu'amofo ne'zama aminaku beki ku'a eriheta huno, keana, beki ku'amofo avazare zgoa me'negeno ke'ne. 28 Afuhe'igizmi anage huno zamasmi'ne, keho, zgonia ete'za nami'naze, beki ku'niafi eriri nante'naze. Zamasumnamo uramigeza, zamahirahi nerege'za rukre hu'za ovufi avufi nehu'za, anage hu'naze, naza ama zana Anumzamo'a hunerante?

29 Kenani mopare Jekopu nezmafante unehnati'za, maka inankna zama fore huzmi'nea zankura asmi'naze. 30 Ana nera, mopare kegva kri'nea ra ne'mo'a hanve kefintike kea hurmi'ne, tamagra mopati afure vahe e'naze huno hu'ne. 31 Hianagi tagra anage huta asmi'none, Tagra tamage vahe mani'none, tagra afure vahera omni'none. 32 Tagra 12fu'a kogna nagare, magoke ne'mofo mofavre nagare, magotimo'a omni'ne, hanki nergana'a nerfa'ene menina Kenani moparega mani'ne. 33 Ana nera, ana mopafi kegva kri'nea ra ne'mo amanage huno tasmi'ne, mago nermafuna nagrite netreta, witi ne'za enerita nontamirega viho. E'inama hanagena, tamage vahe mani'naze huna nagra antahigahue, 34 Hianagi nermagnana avreta enkena negena, tamagra tamage huta mopa afure vahera omni'naze hu'na antahi rami'neno. Nermafuna atranena ama mopafina ketami omnena vute'ete huta ne'zana miza segahaze. 35 Beki ku'zmifinti ne'zama eri'za e'naza herfinaku, nehu'za kazana ana kognamokimi zgo'zmia kona anakinare beki ku'zmifi metere hu'ne, ana zgo nezmafa'enema nege'za tusi koro hu'naze. 36 Nezmafa Jekopu amanage huno zamasmi'ne, Tamagra mofavre onte ne' kna hunenantaze, Josefe fanane higeno, Simeon fanane higeno, Benjamenina ana zanke huta avregahaze, ana maka zamo'a ha' renante. 37 Rubeni nefana asmi'no, Benjameni avre'na omesnugenka tare ne'mofavrenia znahe frio, nagri kvafi antege'na ete'na avre'na eme kamineno. 38 Nehigeno Jekopu'a anage hu'ne, Nagri nenmofo'a kagranena uoramigahie. Nankure nefu'a fri'geno, agrake mani'ne. Kama nevnageno ha'zamo kantega tutagihama hanigeno'a, efe nazokara nazeri ante henkmatesankeno nasuzamo nahe frina (Seol) fri vahe kumapi umanigahue.