1 «Жуқириға чиқиш нахшиси»

Чоңқур йәрләрдин Саңа пәряд көтиримән, и Пәрвәрдигар;

2 И Рәб, авазимни аңлиғайсән;

Қулақлириңни йелиниш садайимға салғайсән;

3 Әгәр Сән Яһ, қәбиһликләрни сүрүштүрүп санисаң,

Әнди Рәб, ким тик туралайду?■ Зәб. 142:2

4 Бирақ Сәндә мәғпирәт-кәчүрүм бардур;

Шуңа Сәндин әйминишкә болиду.■ 2Сам. 24:14

5 Пәрвәрдигарни күтүватимән;

Җеним күтүватиду;

Униң сөзигә үмүт бағлидим.■ Зәб. 26:14; 39:2; 61:1-2; Һаб. 2:3

6 Түн җесәкчилириниң сәһәргә болған тәшнасидин артуқ,

Бәрһәқ, түн җесәкчилириниң сәһәргә болған тәшнасидин артуқ,

Җеним Рәбкә тәшна болуп күтмәктә.■ Зәб. 5:4; 118:147; 122:1, 2

7 И Исраил, Пәрвәрдигарға үмүт бағлаңлар;

Чүнки Пәрвәрдигарда өзгәрмәс муһәббәт бардур;

Униңда зор ниҗатлиқларму бар;

8 У Исраилни барлиқ қәбиһликлиридин бәдәл төләп қутқузиду.