នាវកោរាញឞ្រាសងើយនាវតឹមរាង្លាប់មហែ កោរាញអ៝សម៝ន 1

ការមពោលកោរាញអ៝សម៝ន

នាវឞោកអ៝ន់ឞូគឹតល៝រ

ឆ៝ម់បុតអ្យាលូកា ញចីស ពាង់ដ៝ង់អីនាក់ញចីសឆ៝ម់បុត«នាវមហែមហានអ្វែសអីលូកា ញចីស»។ ទាន់អ្វាញ់តានាវឞោកអ៝ន់ឞូគឹតតាឆ៝ម់បុតអីនៃមានាវខ្លៃតាពាង់។ ពាង់ម៝ប់មាពោល អីកោរាញអ៝សម៝ននោកពោល តាប៝នត្រោអាស ជេសរីនហ៝មាហាន់នទ្រែលពោល យ៝រលាសតាៈឞើសឆ៝ម់បុតការមពោលកោរាញអ៝សម៝ន ១៦:១១ ជឹតនាប់ជឹតពាង់ងើយមា«ហេន»។

ឆ៝ម់បុតអ្យាថ៝យតាៈឞើសនាវមហែមហានអ្វែសលូកា ញចីស នតើមឞើសឞ្រាសយេឆូ ហាវតាកាលើត្រោក។ ជេសឞើសនៃងើយមាឞ្រាសហ្វេងអ្វែសវាច់គុតាមពោលកោរាញអ៝សម៝ន ជេសរីងើយមាឞូមឞើសងក៝ចនាវមហែមហានអ្វែសលើមាងាយឞើសប៝នយេរូឆាលឹម តាឞ្រីយូដា តាឞ្រីឆាមារី លើងាយលាមឞ្រីទាកនហ៝មាត៝ត់តាប៝នរោម អីប៝នទុតខ្លៃតារានោកខាន់ពាង់នៃ។ ឞូមឞើសងក៝ចនាវមហែមហានអ្វែសអ៝ន់មាផូងអីឆ្រាអែល ល៝រ ជេសរីលើមាអ៝ក់អ៝ន់មាផូងអីមោទីផូងអីឆ្រាអែល ដ៝ង់។ តាឆ៝ម់បុតអ្យា នតើមឞើសងកោៈ ១-១២ ងើយអ៝ក់មានាវពេត្រោស ជានការ នតើមឞើសងកោៈ ១៣ ងើយមានាវពោល ជានការ។ ឞូអាបាៈមឹនលាសទីដ៝ង់ក្វាល់ឆ៝ម់បុតអ្យា«ការឞ្រាសហ្វេងអ្វែស» យ៝រលាសគែសអ៝ក់លូកា មឞើស នទើអីគែសជានជេងតាៈឞើសឞ្រាសហ្វេងអ្វែស។

ឞូមឹនលាសលូកា ញចីសឆ៝ម់បុតអ្យាតានាម់ ៦០-៦៥ តាប៝នរោម នោកពាង់គុនទ្រែលដាសពោល អីគែសនទ្រូងតាប៝ននៃ(ការ ២៨:១៦-៣១)។

តារានោកនៃកោរាញកាដាច់តាប៝នរោម គែសនាវទើយម៝ត់អ្វាញ់តាឞ្រីអីឆ្រាអែល នទ្រែលមាគែសនាវទើយម៝ត់អ្វាញ់អ៝ក់តាឞ្រីអេងៗ។ នោកនៃឞូកើបខ្លៃអេងឞាល់ផូងរោម ដាសមាទឹងលែៈផូងអេង ឞូម៝សអីផូងរោម មោអោសទីរាពាត់អេល៝រមាផាតទោយ្ស(ការ ១៦:២២-៣៩; ២២:២៤-២៩) លាសកោរាញក្វ៝ង់ផាតទោយ្សមាទូហ្វេផូងរោម ទីមាពាង់អីនៃហាវអោបនាវពាង់នើមត៝ត់មាកោរាញកាដាច់តាប៝នរោម (ការ ២៥:១១)។

មឞើសនាវខ្លៃតាងកោៈតាឆ៝ម់បុតអ្យា

- នាវនទ្រាប់ហាន់មឞើសងក៝ចនាវមហែមហានអ្វែសឞ្រាសក្រីស (១:១-២៦)

- នាវឞ្រាសយេឆូ នតិញងគ្លែៈទុត នទ្រែលមានាវឞ្រាសយេឆូ ត៝ន (១:១-១៤)

- នាវកើយ្សទូហ្វេកោរាញអ៝សម៝នមានត្រ៝ៈយូដាស-អីឆាការីយោត (១:១៥-២៦)

- ផូងញឆីងមាឞ្រាសក្រីស មឞើសងក៝ចនាវមហែមហានអ្វែសតាប៝នយេរូឆាលឹម (២:១-៨:៣)

- ផូងញឆីងមាឞ្រាសក្រីស មឞើសងក៝ចនាវមហែមហានអ្វែសតាឞ្រីយូដា នទ្រែលមាតាឞ្រីឆាមារី (៨:៤-១២:២៥)

- ពោល ហាន់មឞើសងក៝ចនាវមហែមហានអ្វែសតាឞ្រីអេងៗ (១៣:១-២៨:៣១)

- ពោល ហាន់មឞើសងក៝ចនាវមហែមហានអ្វែសត៝ល់ង្វាយ (១៣:១-១៤:២៨)

- រាបុនក្វ៝ង់តាប៝នយេរូឆាលឹម (១៥:១-៣៥)

- ពោល ហាន់មឞើសងក៝ចនាវមហែមហានអ្វែសត៝ល់ឞារ (១៥:៣៦-១៨:២២)

- ពោល ហាន់មឞើសនាវមហែមហានអ្វែសត៝ល់ពែ (១៨:២៣-២១:២៦)

- ពោល គែសនទ្រូងតាប៝នយេរូឆាលឹម តាប៝នឆេឆារា នទ្រែលមាតាប៝នរោម (២១:២៧-២៨:៣១)

នាវត៝នឞ្រាសហ្វេងអ្វែស

1 ទាន់កោសមឞាសលាសអ្វែសមាថេវផីល *អ៝ន់គឹត! តាឆ៝ម់បុតគ៝ប់ញចីសឞើសកើយនើស†ងក៝ចទឹងលែៈនទើឞ្រាសយេឆូ ជាន នទ្រែលមាទឹងលែៈនាវពាង់នតុមនតី ឞើសពាង់នតើមនតុមនតីឞូនុយ្ស‌* 2 នហ៝មាត៝ត់នារកោរាញឞ្រាសឆ៝ៈនហាវពាង់តាត្រោកតានតុកពាង់នើមតាកាលើ។ ជេសទ៝ក់រេសអេល៝រពាង់ហាវតានៃ ពាង់នតិញនាវមាមពោលកោរាញអ៝សម៝នអីពាង់នើមលែៈជេសកើយ្សនើស ពាង់នតិញខាន់ពាង់តឹងឞ្រាសហ្វេងអ្វែសអីក្ល៝សអ្វែសមឞើសមាពាង់។* 3 លោចជេសពាង់ទើននាវជេរជ៝ត់នហ៝មាខឹតនៃ គែស ៤០ នាង់ ៤០ នារពាង់ញហើឆាក់ពាង់នើមអ៝ន់មាមពោលកោរាញអ៝សម៝នឆៃអ៝ក់ងាន់ គៃមាអ៝ន់ខាន់ពាង់គឹតនហេលលាសពាង់លែៈទ៝ក់រេសងាន់ ពាង់ជានអ៝ក់នតីលនទើដ៝ង់។ នោកនៃពាង់ងក្រែមាមឞើសងក៝ចនាវកោរាញឞ្រាសម៝ត់អ្វាញ់ដ៝ង់។ 4 គែសទូតឹទោលឞ្រាសយេឆូ គុឆោងឆានទ្រែលមពោលកោរាញអ៝សម៝ន ពាង់លាស៖ “លើយហ៝ៈអោសទូលោសឞើសប៝នយេរូឆាលឹម ។ គ៝ប់លែៈជេសមឞើសមាខាន់មៃ ឞឹគ៝ប់លែៈត៝នញជុនឞ្រាសហ្វេងអ្វែសលាប់គុតាខាន់មៃ។ ក៝ប់តាអ្យាហ៝ៈ ត៝ត់នាវត៝នអីនៃត្រុយ្សងាន់។ 5 យោហាន-បាប់តែម វៃជានបាប់តែមយុកឞូមាទាក យើនមាហោមដេៈនារជឹតនាប់តៃកោរាញឞ្រាសអុចអ៝ន់ឞ្រាសហ្វេងអ្វែសគុតាឆាក់ខាន់មៃ។ នទើអីនៃតឹមឞានមាខាន់មៃយុកមាឞ្រាសហ្វេងអ្វែសដ៝ង់”។*

ឞ្រាសយេឆូ ហាវតាកាលើត្រោក

6 ជេសរីមពោលកោរាញអ៝សម៝នតឹមរាបុនឞាល់តាយោកតើមអោលីវ ខាន់ពាង់អោបឞ្រាសយេឆូ ៖ “ហើយកោរាញ អាបៃអ្យាបាសមៃជេងកាដាច់ឞ្រីទាកអីឆ្រាអែល ?” 7 ពាង់អើស៖ “តារានោកម៝ងនារនៃមោអោសអ៝ន់ខាន់មៃគឹត ឞឹគ៝ប់នើមទើមជាននទើអីនៃនោកពាង់នើមអុច។ 8 យើនមាគែសទូនាវគ៝ប់អុចអ៝ន់ខាន់មៃគឹត៖ ត៝ត់ឞ្រាសហ្វេងអ្វែសអីក្ល៝សអ្វែសជុរគុតាឆាក់ខាន់មៃ ខាន់មៃគែសនាវឞ្រាស។ ជេសរីនាវខ្លៃអីខាន់មៃលែៈឆៃលែៈតាង់គ៝ប់នតុមនតីគ៝ប់ជាននើស ខាន់មៃជានតើមមឞើសងក៝ចតាប៝នយេរូឆាលឹម អ្យា តាប៝នអេងតាឞ្រីយូដា តាឞ្រីឆាមារី ជេសរីនហ៝មាលាមនែសនតូអ្យា”។* 9 ជេសឞ្រាសយេឆូ ងើយនាវនៃ ទោលមពោលកោរាញអ៝សម៝នហោមអ្វាញ់ពាង់ កោរាញឞ្រាសឆ៝ៈនហាវពាង់តាកាលើត្រោក ជេសរីគែសតុកងកីងលើយពាង់ ឞូមោហោមអោសឆៃពាង់។* 10 ទោលខាន់ពាង់ហោមអ្វាញ់ងគើររើកហើកឞ្រាសយេឆូ ហាវកាលើត្រោកនតុកកោរាញឞ្រាសនៃ ទោមាឆៃឞារហៃញឆ៝សខ៝អាវងលាងទ៝ក់នទ្រែលខាន់ពាង់តានៃ ឞារហៃខាន់ពាង់អីនៃតោងពារ់‌ 11 ជេសរីខាន់ពាង់លាស៖ “ហើយមពោលឞ្រីកាលីលេ ! ម៝សនទើងគើរអ្វាញ់ខាន់មរែជឹតលើត្រោករី? កោរាញយេឆូ នៃលែៈកោរាញឞ្រាសឆ៝ៈឞើសខាន់មៃនហាវកាលើត្រោក ពាង់មោអោសព្លឹឆឹតតៃតាអ្យាអាបៃអ្យា យើនមាគែសទូនារពាង់មរាព្លឹតៃតឹមឞានមាខាន់មៃឆៃពាង់ហាវកាលើត្រោកនៃនើសដ៝ង់”។*

12 ជេសរីមពោលកោរាញអ៝សម៝នព្លឹឆឹតឞើសយោកនៃ ឆឹតជឹតប៝នយេរូឆាលឹម ។ យោកអីនៃឞូរាញាលាសយោកតើមអោលីវ ងាយឞើសយោកនៃដាសយេរូឆាលឹម ក្លាប់លាសទូកីលោមែត‡។* 13 ត៝ត់តាប៝ននៃ ខាន់ពាង់លាប់តាជៃខាន់ពាង់គុ ជេសរីហាវតាជ្រោកាលើរី។ តានៃគែសពេត្រោស គែសយោហាន គែសយាកើ គែសអ៝ន់ទ្រេ គែសផីលីប គែសថោមាស គែសបារថោលោមេ គែសមាថាយ គែសយាកើ អីក៝នអាល់ផាយ គែសឆីមោន អីឞូក្វាល់លាស«ឞូនុយ្សគើយ្ស » នទ្រែលមាយូដាស អីក៝នយាកោប អាអេងជឹត។* 14 លែៈមពោលនៃតឹមទីទូនតោរនាវគៃមាគុមឞើសឆើមនទ្រែលនឹង។ តានៃគែសដ៝ង់មពោលឞូអូរអាបាៈអេងអីវៃតឹងឞ្រាសយេឆូ ជេសរីគែសមារី អីមេៈឞ្រាសយេឆូ នទ្រែលមាអីអ៝សៗឞូក្លោពាង់ដ៝ង់។*

មាត់ថេស ជេងកោរាញអ៝សម៝ននត្រ៝ៈយូដាស-អីឆាការីយោត

15 នោកនារនៃគែសឞូនុយ្សអីញឆីងមាឞ្រាសយេឆូ គុរាបុនក្លាប់លាសគែស ១២០ នុយ្ស។ ជេសរីពេត្រោស ទ៝ក់តាងក្លាងងគូលខាន់ពាង់រី ពាង់លាសកើតនអា៖ 16-17 “ហើយអ៝សនោ ឞ្រាសហ្វេងអ្វែសអីក្ល៝សអ្វែសលែៈមឞើសជេសមាកាដាច់ដាវីត កាល់អែនើស ពាង់ងក៝ចល៝រមាទូហ្វេឞូនុយ្ស ឞូនុយ្សអីនៃយូដាស ជេងទូហ្វេតាមពោលឞ៝ន់ ជេងឞូនុយ្សជានការនទ្រែលឞ៝ន់ដ៝ង់ តីសមាយូដាស នៃលែវឞូហាន់ញុបឞ្រាសយេឆូ ច្រាវ។ លែៈនាវអ្យាជេងទីងាន់ដាសនាវដាវីត លែៈគែសញចីសតាឆ៝ម់បុតនាវកោរាញឞ្រាសងើយ។* 18 ខាន់មៃលែៈគឹតជេសនទើអ្យា ព្រាក់អីយូដាស គែសតាៈឞើសងខោមជាននទើអ្យើសនៃនើស ឞូឆ៝ៈព្រាក់អីនៃរាវាត់ទូលោកនែសមីរ ជេសរីពាង់ចោតងកុប នហ៝មាព្រីសនទុលលោសព្រ៝ចរាឞ៝ម់។* 19 នាវអ្យាលែៈឞូនុយ្សតាប៝នយេរូឆាលឹម តាង់លឺទាទេ នហ៝មាឞូក្វាល់នតុកនៃតឹងនាវងើយខាន់ពាង់នើមលាស៖ «ហាខែលដាមាស » រាឞ្លាងនាវអីនៃលាស៖ «មីរមហាម»។ 20 តាឆ៝ម់បុតនាវកោរាញឞ្រាសងើយតានាវមព្រើអើមលែៈញចីសលាស៖

«អ៝ន់នតុកពាង់គុនៃជេងនតុករាង៝តញជាប់‌

មោអោសគែសឞូនុយ្សគុ»†។

ជេសរីគែសញចីសដ៝ង់

«អ៝ន់គែសទូហ្វេឞូនុយ្សនត្រ៝ៈនាវជានការពាង់»†។

21 កើតនទ្រីអ៝ន់ឞ៝ន់ឆ៝ៈទូហ្វេឞូនុយ្សមានត្រ៝ៈពាង់។ អ្យាត់មាឞូនុយ្សអីនៃអីលែៈគុនទ្រែលឞ៝ន់បាបើ ទោលកោរាញយេឆូ លែវត្រ៝ងមាឞ៝ន់‌* 22 នតើមឞើសយោហាន-បាប់តែម ជានបាប់តែមយុកពាង់មាទាក នហ៝មាត៝ត់កោរាញឞ្រាសឆ៝ៈពាង់លោសឞើសឞ៝ន់គុនតុកកោរាញឞ្រាសនើម។ នទ្រីអ៝ន់ឞ៝ន់កើយ្សទូហ្វេឞូនុយ្សគៃមាជានតើមងក៝ចនទ្រែលឞ៝ន់មានាវខ្លៃកោរាញយេឆូ ទ៝ក់រេស”។ 23 ជេសរីខាន់ពាង់អុចឆ៝ៈឞារហៃអ៝សម៝ន ទូហ្វេរីរាញាយោឆែប ឞូវៃក្វាល់ពាង់បារឆាបាស មោលាសក្វាល់យុសតុស ដ៝ង់ អីទូហ្វេជឹតរាញាមាត់ថេស ។ 24 ជេសរីខាន់ពាង់លែវឞាល់មឞើសឆើមកើតនអា៖ “ហើយកោរាញ! មៃគឹតនូយ្សនហ៝ម់ទឹងលែៈឞូនុយ្ស លាសនទ្រីទាន់មៃមឞើសមាហេន អាសតាៈមៃអុចកើយ្សតាឞារហៃខាន់ពាង់អ្យា‌ 25 គៃមាជានការជេងកោរាញអ៝សម៝ននត្រ៝ៈយូដាស យ៝រលាសយូដាស លែៈនត្លើយនាវការអ្យាលែៈខឹតហាន់គុអានតុកពាង់នើមរី”។ 26 ជេសរីខាន់ពាង់ញុបនទើញច្រ៝សនៃទីតាព្លាង់មាត់ថេស ឆ៝ៈពាង់គុនទ្រែល ១១ កោរាញអ៝សម៝ននៃ។

*1:1 ១:១៖ «ថេវផីល »គែសនាវខ្លៃ«ឞូនុយ្សអីរ៝ង់មាកោរាញឞ្រាស» មោលាស «ឞូនុយ្សអីកោរាញឞ្រាសរ៝ង់»។

†1:1 ១:១៖ ឆ៝ម់បុតអីនៃជេងនាវមហែមហានអ្វែសលូកា ញចីស។

*1:1 ១:១៖ លក ១:១-៤

*1:2 ១:២-៤៖ លក ២៤:៣៦-៤៩; មថ ២៨:១៨-២០

*1:5 ១:៥៖ លក ៣:១៦; យហ ១៥:២៦

*1:8 ១:៨៖ ការ ២:៣២; ៣:១៥; ៥:៣២; ១០:៣៩; ១៣:៣១; ២២:១៥; ២៣:១១; លក ២៤:៤៨

*1:9 ១:៩៖ លក ២៤:៥០-៥១; មក ១៦:១៩; ១តម ៣:១៦

*1:11 ១:១១៖ លក ២១:២៧; មថ ២៦:៦៤

‡1:12 ១:១២៖ តានាវងើយគ្រែក លាស៖ «ងាយហាន់ត្រ៝ងតានារឆាបាត់ » គែសនាវខ្លៃលាសជេងងាយត្រ៝ងនាវវៃផូងអីឆ្រាអែល អ៝ន់ឞូហាន់ទុតងាយតានារឆាបាត់ អីនាររាលូខាន់ពាង់។

*1:12 ១:១២៖ លក ២៤:៥២

*1:13 ១:១៣៖ លក ៦:១៣-១៦; មថ ១០:២-៤

*1:14 ១:១៤៖ លក ៨:១-៣; ២៣:៤៩, ៥៥; មថ ១៣:៥៥; យហ ៧:៣-៥

*1:16-17 ១:១៦-១៧៖ នម ៤១:៩; យហ ១៣:១៨-១៩

*1:18 ១:១៨-១៩៖ លក ២២:៣-៦; មថ ២៦:១៤-១៦; ២៧:៣-១០

†1:20 ១:២០៖ នម ៦៩:២៥

†1:20 ១:២០៖ នម ១០៩:៨

*1:21 ១:២១-២២៖ ការ ១០:៣៧-៤៣; យហ ១៥:២៧