2
ឞ្រាសហ្វេងអ្វែសជុរ
1 ត៝ត់នារញេតបុន ៥០ នារផូងអីឆ្រាអែល * ២:១៖ «បុន ៥០ នារ» ជេងទូនាវបុនតាផូងអីឆ្រាអែល ។ បុនអីនៃខាន់ពាង់ជានលោចជេសបុននហ៝តត៝ត់ ៥០ នារ។ បុនអ្យារាញា«បុនជេសរែកឞាព្រាង់ »ដ៝ង់។ លែៈមពោលកោរាញអ៝សម៝ន ខាន់ពាង់គុនទ្រែលតាទូមល៝ម់ជៃតាប៝នយេរូឆាលឹម ។* ២:១៖ ការ ១:១៣-១៥ 2 ទូនទ៝ម់តានៃ ទោមាតាង់នតែសងគារ់តាៈឞើសកាលើត្រោក តឹមឞានមាឆ្យាលខោមមព្រាតទុតហោតាត្រោមជៃខាន់ពាង់គុរាបុនរី។ 3 ទោលនៃមពោលកោរាញអ៝សម៝នឆៃតឹមឞានមាមព្យាត់អុញហីត ជេសរីមព្យាត់អុញអីនៃតឹមងខាសគុតាអាប់ឞោកខាន់ពាង់ទូហ្វេទូហ្វេរី។ 4 ឞ្រាសហ្វេងអ្វែសអីក្ល៝សអ្វែសគុតាឆាក់មពោលកោរាញអ៝សម៝នទូហ្វេទូហ្វេនៃងាន់ អ៝ន់ខាន់ពាង់ទើយមឞើសងើយនាវងើយអេងៗ ជេងនាវងើយអីខាន់ពាង់មោអោសវៃឞ្លាវងើយអាល៝រនើស។* ២:៤៖ ការ ៤:៣១; ១០:៤៤-៤៦; ១៩:២-៦; យហ ១៥:២៦; ១កោ ១៤ 5 នោកនៃគែសមពោលអីឆ្រាអែល ជេងមពោលអីអ្យាត់នាវកោរាញឞ្រាសអ៝ក់ងាន់តាយេរូឆាលឹម គៃមាញេតបុន ៥០ នារអីនៃ។ ខាន់ពាង់តាៈឞើសអាប់ងគ៝រឞ្រីលាមនែសនតូអ្យា។ 6 ខាន់ពាង់អីនៃញច្វាត់រានអ្វាញ់តារីទាទេ យ៝រមាតាង់នតែសឆ្យាលអីនៃ។ ត៝ត់តានៃខាន់ពាង់ឆៃមពោលកោរាញអ៝សម៝នទូហ្វេទូហ្វេឞ្លាវនាវងើយឞូ ជេងនាវងើយទីមាមពោលអេងៗខាន់ពាង់នើម។ ខាន់ពាង់ឆៃកើតនៃនទ្រ៝ត់ញហីសទាទេងាន់។ 7 ខាន់ពាង់មោវ៝ត់អោស ខាន់ពាង់តឹមលាស៖ “លែៈមពោលអីងើយនៃ អើមមោទីលាសមពោលឞ្រីកាលីលេ ហ្យាស? មពោលអីនៃមោអោសឞ្លាវងើយមាឞ្រីអេង។* ២:៧៖ លក ២៣:៤៩ 8 លាសនទ្រីមើមទឹងឞ៝ន់តាង់ខាន់ពាង់ឞ្លាវងើយទឹងលែៈនាវងើយឞ្រីឞ៝ន់? 9 ផូងឞ៝ន់តាអ្យាគែសឞូនុយ្សតាៈឞើសឞ្រីផាថុស ឞ្រីមេដី ឞ្រីអេលាម់ ជេសរីគែសអាបាៈតាៈឞើសឞ្រីមេឆោពោតាមៀ ឞ្រីយូដា ឞ្រីកាពាដោកៀ ឞ្រីពុនតុស ឞ្រីអាឆី 10 នទ្រែលមាឞ្រីព្រីកៀ ឞ្រីពាមផីលៀ ឞ្រីអេឆីប ឞ្រីលីបី អីទាច់មាប៝នក្វ៝ង់កីរេន ជេសរីគែសដ៝ង់ឞូនុយ្សអីតាៈឞើសប៝នក្វ៝ង់រោម ហាន់ខ៝ល់តាអ្យា។ 11 តាមពោលអីនៃគែសមពោលអីឆ្រាអែល គែសមពោលឞូអេងអីមហែលាប់ជេងផូងអីឆ្រាអែល គែសក៝សនតោ យ៝រមាញឆីងមាកោរាញឞ្រាសដ៝ង់ គែសឞូនុយ្សតាៈឞើសគោលទាកក្រែត នទ្រែលមាឞូនុយ្សតាៈឞើសឞ្រីអារាប់ ។ ឞ៝ន់តាង់ខាន់ពាង់មឞើសងក៝ចនាវខ្លៃកោរាញឞ្រាសទុតនាវងាន់តឹងនាវងើយឞ៝ន់នើមទូហ្វេទូហ្វេងាន់”។ 12 លែៈមពោលអីនៃមោវ៝ត់ហោងាន់ មោហោមអោសឞ្លាវមឹនដ៝ង់ ខាន់ពាង់តឹមអោបនទ្រាង់ខាន់ពាង់នើម៖ “ម៝សនាវខ្លៃអីនៃហ្យាស?” 13 យើនមាគែសឞូនុយ្សអាបាៈមឺចលាស៖ “មពោលអីនៃញុលនទ្រាញ់ទើម”។
នាវងើយពេត្រោស
14 ជេសរីពេត្រោស ទ៝ក់នទ្រែល ១១ មពោលកោរាញអ៝សម៝ននៃ ពាង់ងើយទាង់មាផូងឞូនុយ្សអ៝ក់នៃ៖ “ហើយអ៝សនោកោញវាផូងអីឆ្រាអែល នទ្រែលមាអ៝សនោកោញវាទឹងលែៈអីគុតាប៝នយេរូឆាលឹម អ្យា ទាន់អ្យាត់ហ៝ម់នាវគ៝ប់គៃមាគឹតនហេលនាវអ្យា 15 យ៝រលាសទឹងលែៈខាន់ពាង់អ្យាមោគែសអោសញុលនទ្រាញ់កើតនាវខាន់មៃមឹននៃ អាបៃអ្យាញចោមាម៝ងឆឹនអោយទើម! 16 នាវអ្យាជេងទីងាន់ដាសនាវយូអែល អីឞូនុយ្សនតើយ្សនាវងើយកោរាញឞ្រាសកាល់អែនើស ពាង់លែៈញចីសលាស៖
17 «កោរាញឞ្រាសលាស៖ «នារងគ្លែៈទុតជឹតនាប់តៃ
គ៝ប់ងខុតឞ្រាសហ្វេងអ្វែសគ៝ប់អ៝ន់គុតាទឹងលែៈឞូនុយ្ស។
ជេសរីហ្វេងគ៝ប់អ៝ន់ក៝នឞូអូរឞូក្លោខាន់មៃនតើយ្សនាវងើយគ៝ប់ នទ្រែលមាងក៝ចល៝រ។
មពោលទ្រោសនទាម់ខាន់អៃមៃគឹតឆៃនហេលមាមាត់នទើអីគ៝ប់អ៝ន់ឆៃ
ជេសរីមពោលឞូឞុញឞូរាញខាន់មៃគឹតឆៃនទើតាៈឞើសគ៝ប់តានាវមឞើយ។
18 ឞ៝លលាសទឹកឞូអូរទឹកឞូក្លោអីញឆីងមាគ៝ប់
គ៝ប់ហោមងខុតឞ្រាសហ្វេងអ្វែសគ៝ប់អ៝ន់គុតាខាន់ពាង់ដ៝ង់តានោកនៃ
ជេសរីខាន់ពាង់នតើយ្សនាវងើយគ៝ប់ នទ្រែលមាងក៝ចល៝រ។
19 គ៝ប់ញហើនាវខ្លៃអីឞូមោវៃឆៃតាកាលើត្រោក
នទ្រែលមានាវមឞេនអេងៗតានែសនតូអ្យា
គែសមហាម គែសអុញហីត នទ្រែលមាគែសញហូកអុញ។* ២:១៩-២០៖ លក ២១:២៥
20 នារព្លាច់រាលឹជេងង៝
ខៃជេងចាង់តឹមឞានមាមហាម
អេល៝រមាត៝ត់នារកោរាញឞ្រាស ជេងនារច្រេកលើបទុតក្វ៝ង់អីនារគ៝ប់ផាតទោយ្សទឹងលែៈឞូនុយ្ស។
21 អេល៝រមានារអីនៃឞូម៝សអីក្វាល់វើលកោរាញឞ្រាសគៃមារាក្លាយ្សឆាក់ពាង់នើម ឞូនុយ្សអីនៃគែសក្លាយ្សរ៝»»† ២:២១៖ យោអ ២:២៨-៣២។
22 ហើយអ៝សនោផូងអីឆ្រាអែល អ៝ន់ខាន់អៃមៃអ្យាត់ហ៝ម់នាវអ្យា កោរាញយេឆូ អីតាៈឞើសប៝ននាឆារែត នៃ លែៈកោរាញឞ្រាសញហើអ៝ន់មាខាន់អៃមៃពាង់តាៈឞើសកោរាញឞ្រាសងាន់។ កោរាញឞ្រាសអ៝ន់ពាង់ទើយជាននទើក្វ៝ង់ ជាននទើនាវងាន់ នទ្រែលមានាវមឞេនអេងៗជឹតតាផូងខាន់អៃមៃ។ ខាន់អៃមៃលែៈគឹតជេសមានទើអីនៃ* ២:២២៖ លក ២៤:១៩ 23 តីសមាខាន់អៃមៃញុបញជុនពាង់អ៝ន់អាតីផូងអីមោអ្យាត់នាវកោរាញឞ្រាស គៃមាងខឹតព៝ង់អោឞាល់តាឆីតឹមរាកាង់។ យើនមាកោរាញឞ្រាសលែៈគឹតល៝រនទើអីនៃ នហ៝មាអុចគែសកើតនៃដ៝ង់។* ២:២៣៖ លក ២២:៤៧-៥៣; ២៣:៣២-៣៨ 24 ជេសរីកោរាញឞ្រាសអ៝ន់ពាង់ទ៝ក់រេស រាក្លាយ្សពាង់ឞើសនាវជេរជ៝ត់តានាវខឹត។ នាវខឹតមោអោសទើយក៝ន់ពាង់។* ២:២៤៖ លក ២៤:១-៧; ហេឞ ២:១៤; នតម ១:១៨ 25 កាល់អែនើសកាដាច់ដាវីត លែៈងើយលាសនទើអីនៃមាកោរាញយេឆូ ពាង់លាស៖
«គ៝ប់លែៈគឹតជេសកោរាញឞ្រាសគុទាច់មាគ៝ប់បាបើ
ពាង់គុឞើសមាតីគ៝ប់គៃមាកើលគ៝ប់ កើតនទ្រីទឹងគ៝ប់មោអោសក្លាចរាវៃមាទឹងលែៈនតីលនទើ។
26 នូយ្សនហ៝ម់គ៝ប់នហ៝មារាម់មអាក ឞ៝រ់មឞូងគ៝ប់ងើយរានេមាពាង់
ឆាក់ជាន់គ៝ប់គុតានាវរានើមដ៝ង់
27 យ៝រលាសមៃមោអោសអ៝ន់ហ្វេងគ៝ប់ខានងក្រែតាឞ្រីផាននតុកឞូនុយ្សខឹត។
អើកោរាញឞ្រាស គ៝ប់អីឞូនុយ្សក្ល៝សអ្វែស មៃមោដ៝ង់អ៝ន់ឆាក់ជាន់គ៝ប់អោម។
28 មៃញហើអ៝ន់គ៝ប់គឹតនាល់ត្រ៝ងហាន់ត៝ត់តានាវរេសនហ៝រ៝
29 ហើយអ៝សនោ! គ៝ប់មឞើសអ៝ន់មាខាន់អៃមៃគឹតនហេល កាដាច់ដាវីត នៃអីចែឞ៝ន់កាល់អែនើសពាង់លែៈខឹតជេស ឞូត៝ប់ពាង់តាមោច ជេសរីអីមោចពាង់ហោមអែតាប៝នអ្យាត៝ត់អាបៃអ្យាដ៝ង់។ 30 នទ្រីទឹងឞ៝ន់គឹតនហេលដាវីត មោអោសងើយមាឆាក់ពាង់នើមតាត្រ៝ងអីនៃ យើនមាពាង់នើសជេងឞូនុយ្សនតើយ្សនាវងើយកោរាញឞ្រាស។ កើតនទ្រីទឹងពាង់គឹតកោរាញឞ្រាសត៝នមាពាង់ អ៝ន់គែសទូហ្វេឞូនុយ្សតារាន៝យទែសពាង់ហាវជេងកាដាច់ ជេងឞ្រាសក្រីស អីនើមរាក្លាយ្សអីកោរាញឞ្រាសទែញជ្វាល់ដ៝ង់។ 31 យ៝រលាសលែៈកាដាច់ដាវីត ឆៃនាវអីនៃល៝រនទើអីកោរាញឞ្រាសអុចជាន ទឹងពាង់ងើយមាឞ្រាសក្រីស ទ៝ក់រេសលាស៖
«ហ្វេងពាង់មោអោសខានងក្រែតាឞ្រីផាននតុកឞូនុយ្សខឹត
ឆាក់ជាន់ពាង់មោអោមដ៝ង់»។† ២:៣១៖ នម ១៦:១០
32 កោរាញយេឆូ អីនៃកោរាញឞ្រាសរាទ៝ក់អ៝ន់ពាង់ទ៝ក់រេស លែៈហេនអ្យាលែៈឆៃពាង់ទាទេ។* ២:៣២៖ ការ ១:២២; ៣:១៥; ៤:៣៣ 33 កោរាញឞ្រាសនហាវកោរាញយេឆូ អ៝ន់ជេងកោរាញម៝ត់អ្វាញ់នទ្រែលពាង់ឞើសមាពាង់នើម។ កោរាញយេឆូ ទើនឞ្រាសហ្វេងអ្វែសអីក្ល៝សអ្វែសតាៈឞើសអីឞឹ តឹងនាវពាង់លែៈត៝ន ជេសរីកោរាញយេឆូ ងខុតឞ្រាសហ្វេងអ្វែសអ៝ន់គុតាទឹងលែៈផូងហេន។ នទើអីនៃជេងនទើអីខាន់អៃមៃឆៃខាន់អៃមៃតាង់តាអ្យា។* ២:៣៣៖ លក ២២:៦៩-៧០ 34 កាដាច់ដាវីត មោគែសអោសហាវកាលើត្រោកតានតុកកោរាញឞ្រាស ពាង់លាសមាឞ្រាសក្រីស កើតនអា៖
«កោរាញឞ្រាសមឞើសមាកោរាញគ៝ប់លាស៖
«អ៝ន់មៃកោរាញម៝ត់អ្វាញ់នទ្រែលគ៝ប់ គុឞើសមាតីគ៝ប់អ្យា
36 លាសនទ្រីទឹងលែៈផូងប៝នលានអីឆ្រាអែល អ៝ន់គឹតនាវអ្យានហេលនានេៈងាន់ យ៝រលាសកោរាញយេឆូ អីខាន់មរែងខឹតលើយពាង់តាឆីតឹមរាកាង់នើស លែៈកោរាញឞ្រាសទែអ៝ន់ពាង់ជេងកោរាញម៝ត់អ្វាញ់ នទ្រែលមាជេងឞ្រាសក្រីស ដ៝ង់”។* ២:៣៦៖ ការ ៥:៣១; លក ២:១១
37 ត៝ត់មាខាន់ពាង់តាង់នាវអីនៃ តានូយ្សនហ៝ម់ខាន់ពាង់រីនុមឞូនត្រោលងាន់ ជេសរីអោបពេត្រោស នទ្រែលមាមពោលកោរាញអ៝សម៝ន៖ “ហើយអ៝សនោ! លាសនទ្រីហេនអ្យាមើមជានហាៈ គៃមាកោរាញឞ្រាសយោៈនអាចនាវតីសហេន?”* ២:៣៧៖ ការ ១៦:៣០; លក ៣:១០ 38 ពេត្រោស អើសមាខាន់ពាង់៖ “អ៝ន់ខាន់អៃមៃរាគ៝ល់ហ៝ម់នូយ្សនហ៝ម់អ្យើស ជេសរីយុកបាប់តែមមាទាកតារាញាកោរាញយេឆូក្រីស នទ្រីទឹងកោរាញឞ្រាសយោៈនអាចមោហោមកើបនាវតីសខាន់អៃមៃ ជេសរីកោរាញឞ្រាសអ៝ន់ឞ្រាសហ្វេងអ្វែសអីក្ល៝សអ្វែសគុតាខាន់អៃមៃ។* ២:៣៨៖ លក ២៤:៤៧, ៤៩ 39 កោរាញឞ្រាសលែៈត៝នកើតនអា ពាង់ត៝នអ៝ន់មាខាន់អៃមៃ អ៝ន់មាក៝នមាឆៅខាន់អៃមៃ នទ្រែលមាទឹងលែៈឞូនុយ្សអីគុងាយៗដ៝ង់ ទាសអ៝ក់ឞូនុយ្សអីកោរាញឞ្រាសក្វាល់មាញឆីងពាង់នើម ពាង់អីឞ៝ន់យើកមឞាសនៃ”។ 40 ជេសរីពេត្រោស រាឞ្លាងមឞើសងក៝ចនាវអ៝ក់ជឹត ពាង់នត្រោលខាន់ពាង់លាស៖ “អ៝ន់ខាន់អៃមៃក្លាយ្សទូលោសតាៈឞើសឞូនុយ្សអ្យើសមហឹកតារានោកអ្យាហ៝ម់ គៃមាលើយអោសអ៝ន់កោរាញឞ្រាសតេៈទោយ្សខាន់អៃមៃនទ្រែលខាន់ពាង់”។ 41 កើតនទ្រីឞូនុយ្សអីអ្យាត់នាវពាង់ងើយនៃ ខាន់ពាង់ងក្រែមាទើននាវបាប់តែមយុកមាទាករ៝ គែសក្លាប់លាស ៣០០០ នុយ្ស ឞូនុយ្សអីមហែឆឹតញឆីង។
42 លែៈផូងអីនៃញឆ្រោយ្សអ្យាត់នាវមពោលកោរាញអ៝សម៝ននតី ខាន់ពាង់គុតឹមរាង្លាប់ឞាល់ជេងអ៝សនោ គុឆោងឆា† ២:៤២៖ មោលាស «គុញេតឆាងកាសក្ល៝សអ្វែស»។នទ្រែល នទ្រែលមាគុមឞើសឆើមនឹងដ៝ង់។* ២:៤២៖ លក ២២:១៤-២០; ១កោ ១១:២៣-២៧ 43 ទឹងលែៈឞូនុយ្សតាយេរូឆាលឹម គែសក្លាចញឆ៝រ់ទាទេ យ៝រមាឆៃនាវទើយមពោលកោរាញអ៝សម៝នជាននៃលែៈនាវងាន់អ៝ក់ដ៝ង់ នទ្រែលមានាវមឞេនអេងៗខាន់ពាង់ជានអ៝ក់ជឹត។* ២:៤៣៖ ការ ៤:១៦; ៥:១២ 44 ទឹងលែៈឞូនុយ្សអីញឆីងមាកោរាញយេឆូ ខាន់ពាង់តឹមទីទូនតោរនាវទើម។ ខាន់ពាង់ឆ៝ៈលែៈទ្រាប់នទើខាន់ពាង់គែស រាគូមអ៝ន់នទ្រែលទាទេ។ 45 ខាន់ពាង់តាច់ទ្រាប់នទើខាន់ពាង់គែស ឆ៝ៈព្រាក់តឹមពាៈឞាល់ម៝សនទើឞាល់ខាន់ពាង់មោត៝ង់។ 46 អាប់នារខាន់ពាង់តឹមទីទូនតោរនាវញឆ្រោយ្សមឞើសឆើមតាជ៝ង់គូងញីសជានឞ្រាស។ ទោលគុតាជៃខាន់ពាង់គុញេតឆាងកាសក្ល៝សអ្វែស នហ៝មាឆោងឆានទ្រែល ខាន់ពាង់មអាកងាន់ នទ្រែលមាគែសនូយ្សនហ៝ម់ល៝ង់ដ៝ង់។ 47 ខាន់ពាង់លែវឞាល់មព្រើរានេមាកោរាញឞ្រាស។ ទឹងលែៈផូងប៝នលានគឹតខាន់ពាង់ជេងឞូនុយ្សអ្វែស។ កោរាញយេឆូ ‡ ២:៤៧៖ មោលាស «កោរាញឞ្រាស» តានាវងើយគ្រែក គែសលាស«កោរាញ»ទើម។ទែនត៝បតៃឞូនុយ្សតាមពោលអីនៃអាប់នារជឹត អីពាង់លែៈរាក្លាយ្ស។
*2:1 ២:១៖ «បុន ៥០ នារ» ជេងទូនាវបុនតាផូងអីឆ្រាអែល ។ បុនអីនៃខាន់ពាង់ជានលោចជេសបុននហ៝តត៝ត់ ៥០ នារ។ បុនអ្យារាញា«បុនជេសរែកឞាព្រាង់ »ដ៝ង់។
*2:1 ២:១៖ ការ ១:១៣-១៥
*2:4 ២:៤៖ ការ ៤:៣១; ១០:៤៤-៤៦; ១៩:២-៦; យហ ១៥:២៦; ១កោ ១៤
*2:7 ២:៧៖ លក ២៣:៤៩
*2:19 ២:១៩-២០៖ លក ២១:២៥
†2:21 ២:២១៖ យោអ ២:២៨-៣២
*2:22 ២:២២៖ លក ២៤:១៩
*2:23 ២:២៣៖ លក ២២:៤៧-៥៣; ២៣:៣២-៣៨
*2:24 ២:២៤៖ លក ២៤:១-៧; ហេឞ ២:១៤; នតម ១:១៨
†2:28 ២:២៨៖ នម ១៦:៨-១១
†2:31 ២:៣១៖ នម ១៦:១០
*2:32 ២:៣២៖ ការ ១:២២; ៣:១៥; ៤:៣៣
*2:33 ២:៣៣៖ លក ២២:៦៩-៧០
†2:35 ២:៣៥៖ នម ១១០:១
*2:36 ២:៣៦៖ ការ ៥:៣១; លក ២:១១
*2:37 ២:៣៧៖ ការ ១៦:៣០; លក ៣:១០
*2:38 ២:៣៨៖ លក ២៤:៤៧, ៤៩
†2:42 ២:៤២៖ មោលាស «គុញេតឆាងកាសក្ល៝សអ្វែស»។
*2:42 ២:៤២៖ លក ២២:១៤-២០; ១កោ ១១:២៣-២៧
*2:43 ២:៤៣៖ ការ ៤:១៦; ៥:១២
‡2:47 ២:៤៧៖ មោលាស «កោរាញឞ្រាស» តានាវងើយគ្រែក គែសលាស«កោរាញ»ទើម។