13
1 Ty fetse nioni’ Iesaià ana’ i Amotse
ty amy Bavele* Bavele: hadabañe; filaroañe:
2 Ampitroaro viloñe am-bohits’abo ey, ipoñafo feo,
mañelahelà fitañe, himoaha’ iareo
an-dalam-bein-droandriañe ao.
3 Fa liniliko o neferakoo
naho kinoiko o manjofakoo,
o mahimbañe naho rototseo
ty amy habosehakoy.
4 Inay ty rehoreho am-bohitse eñe,
hoe ondaty mitozantozañe!
Inao ty fikoraha’ ty fitontona’ o
fifehea’ o kilakila ‘ndatio!
Tehafe’ Iehovà’ i Màroy
o valobohòkeo hihotakotake.
5 Boak’ an-tsietoitane añe iereo,
boak’ am-pigadoña’ i likerañey añe,
—Iehovà, naho o fialiam-pifombo’eo—
handrotsake i tane iabiy† Ies 24:1-23, 34:1-17, 63:1-19, 66:1-24.
6 Mangololoiha;
fa antitotse ty andro’ Iehovà;
toe fandrotsahañe boak’ amy
El-Sadai ty hivotraha’e;
7 Hene higebañe amy zao o fitañeo,
vaho songa hitranake ty arofo’ ondaty.
8 Hangebahebake iereo; hamihiñe iareo
ty hativontivoñe naho ty fisintosintoñe;
le hanahake ty fitsongoan-ampela
ty fanaintaiña’ iareo;
ho veren-draha hifampitorìtotse;
ho tarehe mibelabela-afo ty lahara’ iareo.
9 Inao, antitotse ty andro’ Iehovà,
hasarerahañe, filoroloro
naho fifombo miforoforo,
hampangotomomoke i taney,
vaho hamongotse
o lo-tsereke ama’eo.
10 Le tsy hañomey ty hazavà’e
o vasian-dikerañeo
naho o fitoboroña’eo,
ho maieñe i àndroy te manjirike,
vaho tsy hampaviahe’ i volañey
ty hazavà’e.
11 Ho liloveko ty tane toy
ty amo hakeo’ iareoo,
o tsy vokatseo ty amo tahi’ iareoo,
le haziko ty firengevoha’
o mpiebotsebotseo,
vaho hazevoko ambane ty fireñeta’
o mpamorekekeo.
12 Hanoeko loho sarotse ta ty volamena
hiringiri’e t’indaty;
le ambone’ ty vongam-bolamena’ i Ofirey‡ Ofire: tane kobokara ondatio.
13 Aa le hampiezeñezeñeko o likerañeo,
naho hahifikifike tsy ho amy toe’ey
ty tane toy,
ty ami’ty fifombo’ Iehovà’ i Màroy,
amy andron-kaviñera’e miloroloroy.
14 Ho tondroke amy zay t’ie hanahake
ty farasy rinoake
naho ty añondry tsy amam-pamory
sindre milay mb’an-tane’e mb’eo,
songa himpoly mb’am’ondati’eo.
15 Ho tomboheñe iaby ze zoeñe,
vaho hene hampikorovohem-pibara
ze tsinepake.
16 Ho demodemoheñe añatrefam-
pihaino’iareo o anak’ajaja’ iareoo;
ho kopaheñe ty anjomba’ iareo, vaho
ho vahorañe ty rakemba’ iareo.
17 Eka, ho troboheko am’ iareo
o nte-Madaio§ Maday: fañaranañe; zaka; saroñe,
o tsy mañaom-bolafotio;
ndra volamena tsy ifalea’e.
18 Ho trofatrofahem-pale o ajalahio;
tsy ho ferenaiña’ iareo
ty vokan-koviñe;
tsy ho tretrezem-pihaino’e o ajajao.
19 I Bavele amy zao,
i volonahe’ o fifeheañeoy,
i fisengea’ o nte-Kasdio* Kasdy: hoe kokolampa; ndra malaso fanjakay:
le hanahake ty fandrotsahan’Añahare
i Sedome naho i Amorà.
20 Le lia’e tsy ho amam-pimoneñe,
vaho tsy hañialo ao
o tariratse mifandimbeo;
tsy hañoren-kivoho eo t’i nte-Arabe† Arabe: mihamaro; mitongy fiolàñe;,
tsy hamahetse goloboñe ao o mpiarakeo.
21 Toe ho fandrea’ o fanalokeo;
ho àtseke ty ontsoñontsoñe
o anjomba’ iareoo,
himoneñe ao o voron-tsatrañeo,
vaho hitsinjake ao o lolo miogogoo.
22 Hañaolo añ’anjomba-hara’ iareo ao
o maràmboloo naho o amboa sirasirao
an-toe’ iareo fanjakao;
fa antitotse ty amotoañañe aze,
vaho tsy haesoñe o andro’eo.
*13:1 Bavele: hadabañe; filaroañe
†13:5 Ies 24:1-23, 34:1-17, 63:1-19, 66:1-24
‡13:12 Ofire: tane kobokara
§13:17 Maday: fañaranañe; zaka; saroñe
*13:19 Kasdy: hoe kokolampa; ndra malaso
†13:20 Arabe: mihamaro; mitongy fiolàñe;
DRAFT VERSION