23
Bada taupainiu* Taupainiu me sipu taupainina.
David ana wela
1 Bada taupainiu
ma eḡa aiwai ana voladaḡei.
2 Gidagida majimajiḡai au tepana i vimataveniu,
ma i raveniu waira au raraunairina au adana.
3 Au rewapana e raviravivouni
ma wavana aiaina aubaina etanai jijimaninei i raveniu.
4 Avena da gwagwa waguwaguvareina ana naeni,
wate eḡa aiwai apoapoena ana rovoei.
Aubaina tam au ririvau da am kwapuei ma jiḡonei e gagagaloeu ma e vivinuaubaiu.
5 Aubaiu torela e vokaukauei au ḡavia au naoi.
Oilei kolau u volaḡolaḡoi da tam u vinuavaineu,
ma au kelaka i oa-karagelai.
6 Ee! Riwa kaua da am iviaiai ma am raunuapoapoe maemae nonoana awariu ina mae, da au mara au damona.
Ma Bada ana au numa ana mae-nonoa.