8
Iit tamtamon tamin saa kaut poia ta Maaron maata iŋgalŋgal ghiit?
1 O Yoova, Tiina tsiei, yo utotoi ezam tiina irau taan isov.
Yo upabood taum pa mbonarim tau tiina kat. Iliiv gabua isov to sambam saamba.
2 Yo ughur yes geegeu ve yes tau siŋsiŋaiŋazi to tipait ezam ve titotoi tapirim.
Leso ugham koiamŋa tineneeŋ, ve upoon yes zeran to taliiŋzizi avozi. * Mt 21:16
3 Matag izala pa sambam saamba, ve naghita nimam muuri ighengheen.
Yau naghita kaiyo ve pitum tau yo taum ughur zi tila niazi na, * Gnp 1:14; Mbo 19:1+
4 ve naghe: “Yei tamtamon to taan, nimin saa kaut poia, ta yo matam iŋgalŋgal ghei?
Mindai ta yo matam payei? * Mbo 144:3+; Hib 2:6
5 Yo ughur ghei nizi rigmon pa yes aŋela ve yo taum.
Ve upakur ghei, ve ugham ezamai ivot imin tiina. * Hib 2:6-7
6 Yo ughur ghei to niŋgin yo nimam muuri,
ve ughur gabua isov ila yei sambamai: * Gnp 1:28, 9:2
7 Ŋgai maata maata to nughei,
ve gabua tisov tau tileep izi su,
8 man tisov tau tirovroov ila taitai saamba,
ve iigh tisov tau tilaghlaagh ila te loolo.
9 O Yoova, Tiina tsiei,
yo utotoi ezam tiina irau taan isov.