عَننَبِ سُلٍمَنِ، نَشَن نُ قِندِشِ عِسِرَيِلَ مَنفّ رَ عَ بَبَ دَوُدَ دَنفِ شَنبِ، عَ نُ بَرَ كِتَابُي ندٍيٍ سّبّ عَلَ شَ لْننِ شَ قٍ رَ. عَلَتَلَ نُ بَرَ قٍ فبٍفبٍ مَسٍن عَ بّ عَ شَ مَنفّيَ كُي، نَشٍيٍ بَرَ قِندِ لْننِ شُنفبٍ رَ دُنِحَ بِرِن بّ.

يِ كِتَابُي كُي، عَلَ بَرَ لْننِ مْولِ فبّتّ مَسٍن سُلٍمَنِ بّ، نَشَن قِندِشِ شَنُنتٍيَ رَ شّمّ نُن فِنّ تَفِ. تَوُرٍتَ مُنسَ عَ مَسٍنمَ وٌن بّ، عَلَتَلَ تٌ شّمّ دَا، عَ نَشَ عَ تٌ عَ هَيِ نُ نَ فِنّ مَ. عَ نَشَ عٍ قِرِن دَا عَلَكٌ عٍ شَ كَقُ عٍ بٌورٍيٍ رَ، عٍ شَ وُيَ. نَ كُي وٌن عَ كٌلٌنمَ شَنُنتٍيَ نَشَن نَ شّمّ نُن فِنّ تَفِ، عَ قِندِشِ عَلَ سَفٌ نَن نَ. شَ عَ سَ لِ شّمّ، شَ نَ مُ عَ رَ فِنّ، عَ وَ مَ نَ قٍ مْولِ شْن قُتِ مُ نَ نَشَن نَ، نَ تّمُي عَ بَرَ قِندِ يُنُبِ رَ. يّنّ مُ رَقَن عَلَ مَ، كْنْ قُتِ شِرِقٍ شّمّ نُن فِنّ تَفِ، عَلَتَلَ يَتِ نَن نَ يَمَرِشِ.

«سُلٍمَنِ شَ سُوكِ قِسَمَنتٍ» عَ نَ بِرِن مَسٍنمَ تَالِ وْيّنيِ رَ. شّمّ وَ مَ فِنّ شْن، فِنّ قَن وَ مَ شّمّ شْن. عٍ بَرَ عٍ بٌورٍ شَنُ هَن عٍ وَ مَ لُقٍ يِرٍ كٍرٍن تُن. نَ شَنُنتٍيَ مْولِ مُ حَاشُ. عَلَ وَ مَ نَ شْن مِشِيٍ بّ نَشٍيٍ بَرَ نَتّ تٌنفٌ عٍ شَ قُتِ شِرِ. عَلَ قٍ نَشَن دَاشِ، نَ مُ نْمَ قِندِدٍ يُنُبِ رَ شَ عَ رَوَلِمَ عَ رَوَلِ كِ مَ.

عَلَ شَ نَ سّرِيّ مَسٍن وٌن بّ، عَلَكٌ وٌن شَ لُ سّنِيّنيِ كُي عَلْ عَلَتَلَ وَ مَ عَ شْن مَ كِ نَشّ. عَمِنَ.