56
Pou direktè koral la. Yon powèm David lè Filisten yo te sezi li Gath.
Chante pa melodi “Toutrèl San Chanson Nan Peyi Lwen An”
1 Fè m gras, O Bondye, paske lòm fin foule m anba pye;
Nan goumen tout lajounen, li vin ✡ Sòm 17:9oprime mwen.
2 Lènmi m yo vle vale m tout lajounen.
Yo anpil! Tout sila ki goumen ak ògèy kont mwen yo.
3 Lè mwen pè, mwen va mete konfyans nan Ou.
4 Nan Bondye, mwen fè lwanj pawòl Li!
Nan Bondye, mwen te mete konfyans mwen.
Mwen p ap pè.
✡ Sòm 118:6Kisa lòm ka fè m?
5 Tout lajounen, yo ✡ II Pi 3:16tòde pawòl mwen yo.
Tout panse yo kont mwen se pou mal.
6 Yo atake, yo kache, yo veye pa mwen yo.
Y ap ✡ Sòm 71:10tann pou rache lavi m.
7 Akoz mechanste sa a, ✡ Sòm 36:12jete yo deyò.
Nan kòlè Ou, fè desann moun sa yo, O Bondye!
8 Ou te byen konte tout egare mwen fè.
Mete tout gout dlo ki sòti nan zye m yo nan boutèy Ou.
Èske yo tout pa ekri nan ✡ Mal 3:16liv Ou a?
9 Konsa, lènmi mwen yo va vire fè bak nan jou ke m rele a.
Men sa m byen konnen: Bondye pou mwen.
10 Nan Bondye, ma louwe pawòl li.
Nan SENYÈ a, ma louwe pawòl li.
11 Nan Bondye, mwen te mete konfyans mwen.
Mwen p ap pè. Kisa lòm ka fè m?
12 ✡ Sòm 50:14Ve Ou yo mare sou mwen, O Bondye.
Mwen va rann ofrann remèsiman a Ou menm.
13 Paske Ou te delivre nanm mwen soti nan lanmò.
Ou te anpeche ✡ Sòm 116:8pye mwen glise tonbe,
pou m ta kab mache devan Bondye
nan limyè a moun vivan yo.