100
Sasa ema bedewe apana Iawe God auwasai
1 Apana uduudu tawo osowe wanwanlala,
mukaitane Iawe God mampe sasaitana!
2 E winlene nuaeu mampe me wadaposisana,
e me danawe nuaeu mampe sasaitana.
3 E insene ateitana Iawe ipa God.
Me no dewanen; no ipa me apanawa onianedio wainitana,
gamo onionia sipsipwa oniamodia rua.
4 E me duwa kakaiwa bedewe aitane me auwasana,
e sape aitane me wadaposisana.
Me ebowa debamasane ita auwasana,
5 ipawa Iawe God me ipa eudida.
Me nuawadawadawa apana baibu ipa winakasalala!
Me saualena rua, mo mampo euda dewawa mai eipona.