1 «ﭑ تَن لُمَ نّ عَلْ سَنسِ قُفٍ تٌقَنيِ،

نَشَن مْولِ تٌمَ سَرْن فُلُنبَ يِرٍ.»

2 «عِ تَن لُشِ نّ عَلْ سَنسِ قُفٍ تٌقَنيِ تُنبٍيٍ يَ مَ.

عِ تٌقَن فِنّدِ مّيٍ بِرِن بّ.»

3 «ﭑ شَنُنتٍنيِ لُشِ نّ عَلْ مَنفٌي بِلِ وٌندِ كُي.

عَ قَن سّفّتَلَيٍ بِرِن بّ.

ﭑ بَرَ وَ لُقٍ عَ شَ نِينِ بُن مَ،

عَ شَ قٍ رَقَن ﭑ مَ عَلْ مَنفٌي رَقَنمَ مِشِ مَ كِ نَشّ.

4 عَ بَرَ ﭑ شَنِن عَ شْنيِ،

عَ شَ شَنُنتٍيَ بَرَ قِندِ حّلّشِنيِ رَ ﭑ بّ.»

5 «دٌنسٍ حْشُنمّ سٌ ﭑ يِ، ﭑ كِ مَنفٌي،

بَرِ مَ شَنُنتٍيَ نَشَن نَ ﭑ بْحّ كُي،

عَ بَرَ ﭑ سّنبّ بَ ﭑ يِ رَ.

6 ﭑ شُنيِ نَ ﭑ شَنُنتٍنيِ بّلّشّ،

عَ نَ ﭑ مَقُرُكُقٍ عَ يِرٍقَنيِ رَ.»

7 «دَرِ سَلَمُ فِنّدِ مّيٍ، ﭑ بَرَ وٌ مَيَندِ،

تْوكّ نُن شٍلِ شِلِ رَ نَشٍيٍ نَ وُلَ عِ،

وٌ نَشَ شَنُنتٍيَ رَشُنُ، وٌ نَشَ عَ رَكٍلِ،

بٍينُ عَ وَ مَ عَ شْن مَ تّمُي نَشّ.»

8 «ﭑ شَنُنتٍنيِ شُي نَ عَ رَ،

عَ نَ قَقٍ عَ فِ رَ فٍيَيٍ قَرِ.

9 عَ فِمَ عَلْ تْوكّ، عَ تُفَنمَ عَلْ شٍلِ.

عَ نَ بٍ وٌن مَ تّتّ شَنبِ رَ،

عَ نَ بٍ مَتٌقٍ وُندّرِ رَ.

10 عَ نَشَ عَ قَلَ ﭑ بّ،

‹ﭑ شَنُنتٍنيِ تٌقَنيِ، كٍلِ، عِ شَ قَ،

11 بَرِ مَ حّمّ تّمُي بَرَ دَنفِ،

تُنّ مُ بِرَ مَ سْنْن.

12 سَنسِ نَ بٌفِقٍ دَاشَ،

حّلّشِن وَشَتِ بَرَ عَ لِ،

شْنِيٍ نَ عٍ شُي رَ مِنِقٍ وٌن مَ بْشِ مَ.

13 شْرّ بِلِ نَ بٌفِقٍ،

وّنِ بِلِ نَ قُفَقٍ، عَ شِرِ قَن.

ﭑ شَنُنتٍنيِ، كٍلِ، عِ شَ قَ.

14 ﭑ مَ فِنّ، عِ نَشَ عِ نْشُن

عَلْ فَنبّ عَ نْشُنمَ فّمّيٍ لٌنفٌرِ رَ كِ نَشّ.

مِنِ، ﭑ وَ مَ عِ شُي حْشُنمّ مّقٍ،

ﭑ وَ مَ عِ يَتَفِ تٌقَنيِ تٌقٍ.›»

15 «وٌ شُلُمَسٍيٍ سُشُ،

نَشٍيٍ وَ مَ مُشُ شَ وّنِ بِلِ قُفَشِيٍ كَنَقٍ.»

16 «ﭑ شَنُنتٍنيِ قِندِشِ ﭑ فبٍ نَن نَ،

ﭑ قَن قِندِشِ عَ فبٍ نَن نَ.

عَ عَ شَ شُرُ سٍيٍ دّ مَدٌنمَ سَنسِ قُفَشِيٍ يَ مَ.

17 ﭑ شَنُنتٍنيِ، بٍينُ كُيٍ شَ عِبَ،

عِ شَ فبِلٍن، عِ شَ عِ فِ عَلْ تْوكّ،

عِ شَ عِ فِ فٍيَيٍ قَرِ عَلْ شٍلِ.»