13
1 Dana oghul atisining terbiyisige köngül qoyar;
Mesxire qilghuchi tenbihke qulaq salmas.
2 Adem durus éghizining méwisidin huzurlinar;
Tuzkorlar zorawanliqqa hewes qilip zorawanliqqa uchrar.■ Pend. 12:14
3 Sözde éhtiyatchan kishi jénini saqlap qalar;
Aghzi ittik halaketke uchrar.
4 Hurunning arzu-tiliki bar, lékin érishelmes;
Lékin tirishchan etliner.
5 Heqqaniy adem yalghanchiliqtin yirginer;
Qebih bolsa sésip, shermende bolar.
6 Yoli durusni heqqaniyet qoghdar;
Lékin gunahkarni rezillik yiqitar.■ Pend. 10:29; 11:3, 5, 6
7 Beziler özini bay körsetkini bilen emeliyette quruq sölettur;
Beziler özini yoqsul körsetkini bilen zor bayliqliri bardur.■ Pend. 12:9
8 Öz bayliqi görüge tutulghan bayning jénigha ara turar;
Biraq yoqsullar héch wehimini anglimas.
9 Heqqaniy ademning nuri shadlinip parlar;
Biraq yaman ademning chirighi öchürüler.■ Ayup 18:5, 6; 21:17; Pend. 4:18
10 Kibirliktin peqet jédel-majirala chiqar;
Danaliq bolsa nesihetni anglighanlar bilen billidur.
11 Ishlimey tapqan haram bayliq beriketsizdur;
Ter töküp halal tapqan gülliner.■ Pend. 10:2; 20:21
12 Telmürginige kütüp érishelmeslik köngülni sunuq qilar,
Lékin teshnaliqta érishkini «hayatliq derixi»dur.□ «hayatliq derixi» — «Éren baghchisi»diki, Adem’atimiz we Hawa’animizning behriman bolushigha teyyarlan’ghan derexni körsitidu (3:18ni körüng). ■ Pend. 13:19
13 Xudaning kalam-sözige pisent qilmighan adem gunahning tölimige qerzdar bolar;
Lékin permanni qedirligen adem yaxshiliq körer.
14 Aqilanining telimi hayatliq bergüchi bulaqtur,
U séni ölüm tuzaqliridin qutuldurar.■ Pend. 10:11; 14:27
15 Aqilanilik ademni iltipatqa érishtürer;
Biraq tuzkorlarning yoli egri-bügri, japaliq bolar.
16 Pem-parasetlik adem bilimi bilen ish körer;
Hamaqet öz nadanliqini ashkarilar.■ Pend. 12:23; 15:2
17 Rezil alaqichi bala-qazagha uchrar;
Sadiq elchi bolsa derdke dermandur.
18 Terbiyeni ret qilghan adem namratliship uyatqa qalar;
Emma tenbihni qobul qilghan hörmetke érisher.
19 Emelge ashqan arzu kishige shérin tuyular;
Lékin exmeqler yamanliqni tashlashni yaman körer.
20 Aqilaniler bilen bille yürgen Dan. bolar;
Biraq exmeqlerge hemrah bolghan nale-peryadta qalar.□ «...nale-peryadta qalar» — yaki «...ziyan tartar».
21 Bala-qaza gunahkarlarning keynidin bésip mangar;
Lékin heqqaniylar yaxshiliqning ejrini tapar.
22 Yaxshi adem perzentlirining perzentlirige miras qaldurar;
Gunahkarlarning yighqan mal-dunyaliri heqqaniylar üchün toplinar.■ Ayup 15:29; 27:17
23 Yoqsulning tashlanduq yéri mol hosul bérer,
Lékin adaletsizliktin u weyran bolar.■ Pend. 12:11; 18:9
24 Tayaqni ayighan kishi oghlini yaxshi körmes;
Balini söygen kishi uni estayidil terbiyilep jazalar.■ Pend. 23:13
25 Heqqaniy adem köngli qanaet tapquche ozuq yer;
Yamanning qorsiqi ach qalar.
■13:6 Pend. 10:29; 11:3, 5, 6
■13:9 Ayup 18:5, 6; 21:17; Pend. 4:18
□13:12 «hayatliq derixi» — «Éren baghchisi»diki, Adem’atimiz we Hawa’animizning behriman bolushigha teyyarlan’ghan derexni körsitidu (3:18ni körüng).
□13:20 «...nale-peryadta qalar» — yaki «...ziyan tartar».