उत्‍पत्ती
ब्रेक्ब मुर: यहूदी आन ब्रेक्‍ब मुर नु थमा सुइक्‍ब आन ग्रुम्‍तीकेमी मेको किताब ब्रेक्‍ब मोसा बाक्‍ब, देंनीम। येसु ख्रीस्‍तमी यो मोसा आ ब्रेक्‍शो आ पर्बम लोव़ पशो बाक्‍त। यूहन्‍ना ५:४६; लूका २४:२७
गेना दुम्‍शो: एको किताब परमप्रभु यावेम नेल्‍ल सेला रे योसेफ आ बेक्‍ची ना सम्‍म ङा लोव़ बाक्‍ब।
मार ब्रेक्‍शो: उत्‍पत्ती किताब आ शेंशो
१. परमप्रभु यावे रागी सेल्‍ब बाक्‍ब उत्‍पत्ती १:१-२:३
परमप्रभु यावे मुर कली सेल्‍ब बाक्‍ब उत्‍पत्ती २:४-१५
२. ङोंइती सेल्‍शो मुर आस पशो ब्रेक्‍शो बाक्‍ब उत्‍पत्ती ३:-११:-
मुरुम परमप्रभु यावे आ देंशो मटितीके उत्‍पत्ती ३:-
काइन नु हाबील उत्‍पत्ती ४:१-२४
हाबील रे नोआह सम्‍म उत्‍पत्ती ४:२५-५:३२
रागी नेल्‍ल कली ब्‍वाक्‍कुम सुम्‍शो उत्‍पत्ती १०:-
बेबीलोन सहरम लाइश्‍शो खिं सेल्‍शो उत्‍पत्ती ११:१-९
किकी पिपी आन नें उत्‍पत्ती ११:१०-३२
३. यहूदा आ किकी पिपी उत्‍पत्ती १२:-५०:-
अब्राहाम उत्‍पत्ती १२:-२३:-
इसहाक उत्‍पत्ती २४:-२६:-
याकूब उत्‍पत्ती २७:-३६:-
योसेफ उत्‍पत्ती३७:-५०:-
1
ङोंइती ङा लोव़
उत्‍पत्ती २:४-२५; भजन संग्रह १०४
नेल्‍ल क्‍येङा ङोंइती परमप्रभुमी सरीङ नु रागी दुम्‍पदा बाक्‍त। मिनु खप, फश, ब्‍वाक्‍कु नेल्‍ल खाल्‍सीशा, मारेइ मवाशो बाक्‍माक्‍त। मिनु मेको तारी छिङछिङ बाक्‍माक्‍त। परमप्रभु आ सोक्‍त ब्‍वाक्‍कु तारी फिल फिल पा हिम्‍सीशा बाक्‍बाक्‍माक्‍त।
परमप्रभुमी मारेइ मारेइ सेल्‍शो
उत्‍पत्ती ४-२५; भजन संग्रह १०४
मिनु परमप्रभुमी “छेङछेङ दुमो” देंमेनु, छेङछेङ दुम्‍माक्‍त। भजन संग्रह ३३:९; हिब्रू ११:३; यसैया ४५:७ मेको तशा “रिम्‍शो दुम्‍त” देंमाक्‍त। मिनु छेङछेङ नु छिङछिङ फ्रादीम्‍सी बाक्‍त। मिनु परमप्रभुमी छेङछेङ कली नाक्‍ती नु छिङछिङ कली नाक्‍दो, दे नें वोदा बाक्‍त। मिनु नां रिक्‍शा, नां सोव़शा, मेको ङोंइती ङा नाक्‍ती दुम्‍माक्‍त।
मिनु परमप्रभुमी “ब्‍वाक्‍कु आ दातेमी फ्रातीक दुमो। ब्‍वाक्‍कु ब्राशा बाक्‍मल” देंमाक्‍त। मोपा परमप्रभुमी सरीङ आगा ङा ब्‍वाक्‍कु नु सरीङ तारी ङा ब्‍वाक्‍कु फ्रादीम्‍सी बाक्‍त। मिनु ब्‍वाक्‍कु बुक्‍शा बाक्‍मा बाक्‍त। भजन संग्रह १९:२; भजन संग्रह १३६:६; भजन संग्रह १४८:४ परमप्रभुमी मेको फ्रातीके कली सरीङ, दे नें वोदा बाक्‍त। मिनु नां रिक्‍शा, नां सोव़शा, मेको निक्‍शी नाक्‍त दुम्‍माक्‍त।
मिनु परमप्रभुमी “सरीङ आगा ङा ब्‍वाक्‍कु काथा दुमीन। सोव़शो रू ग्रूङो” देंमाक्‍त। मेको यो दुम्‍माक्‍त। अय्‍युब ३८:८-११; भजन संग्रह २४:२; २पत्रुस ३:५ 10 मिनु परमप्रभुमी सोव़शो रू कली रागी नु ब्‍वाक्‍कु देम्‍शा लीशो कली समुन्‍द्र, दे नें वोदा बाक्‍त। मिनु मेको आ सेल्‍शो तशा “रिम्‍शो दुम्‍त” देंमाक्‍त।
11 मिनु परमप्रभुमी रागी ङा खप कली “घांस, फू नु रवापुकी दुम्‍मल। घांस नु फूपुकीम वांचेर बाक्‍मल। फल फुल सिप्‍ब रवापुकी वाशा, आंम आंम फल सिम्‍मल। मेको आन वांचेर चहिं आन फलपुकीम बाक्‍मल” देंमाक्‍त। मिनु मोदेंशो दुम्‍माक्‍त। 12 रागीम घांस नु फूपुकी वाशा, आन वांचेर यो वामा बाक्‍त। फल फुल रवापुकी वाशा, आन वांचेर यो वामा बाक्‍त। मिनु परमप्रभुमी आ सेल्‍शो तशा “रिम्‍शो दुम्‍त” देंमाक्‍त। 13 मिनु नां रिक्‍शा, नां सोव़शा, मेको सां नाक्‍ती दुम्‍माक्‍त।
14 मिनु परमप्रभुमी “नाक्‍ती नु नाक्‍दो फ्राचा कली सरीङमी छेङछेङ पा ब्राइबपुकी दुमीन। मेको ब्राइबपुकीम हिंउद नु बर्खा, नाक्‍ती नु बर्स कली फ्रातीक गेय पामेक्‍ल। ब्‍यवस्‍था ४:१९; भजन संग्रह ७४:१६; यसैया ४७:१३ 15 मिनु मेको सरीङ ङा ब्राइबपुकीम रागी कली छेङछेङ गेचा माल्‍नीम” देंमाक्‍त। मिनु मेको दुम्‍माक्‍त। 16 मोपा परमप्रभुमी ठेयब बत्ती निक्‍शी सेला बाक्‍त। शुश छेङछेङ पा ब्राइब नाक्‍त कली नु इच्‍का छेङछेङ पा ब्राइब बत्ती नाक्‍दो कली वोदा बाक्‍त। सोरुल यो सेल्‍मी बाक्‍त। भजन संग्रह १३६:७-९ 17 परमप्रभुमी रागी छेङछेङ बाक्‍ल, दे मेको नेल्‍ल आन कली सरीङमी वोइक्‍मी बाक्‍त। 18 नाक्‍त नु नाक्‍दो कली फ्राचा नु छेङछेङ छिङछिङ रे फ्राचा कली सरीङम वोदा बाक्‍त। परमप्रभुमी मेको तशा “रिम्‍शो दुम्‍त” देंमाक्‍त। 19 मिनु नां रिक्‍शा, नां सोव़शा, मेको ४ नाक्‍ती दुम्‍माक्‍त।
20 मिनु परमप्रभुमी “ब्‍वाक्‍कुमी मारेइ मारेइ ब्रोंइशा बाक्‍बपुकीम ब्रीमल। रागी तारी मारेइ मारेइ चिक्‍ब सरीङम बेरमल” देंमाक्‍त। 21 मोपा परमप्रभुमी ब्‍वाक्‍कुम बाक्‍ब ठेयब हिंचा ङा जन्‍तु नु मारेइ मारेइ ब्रोंइशा बाक्‍ब सेल्‍मी बाक्‍त। मेको शुश दुम्‍शा, समुन्‍द्र ब्रीशा बाक्‍मा बाक्‍त। चिक्‍ब यो शुश दुम्‍मा बाक्‍त। मिनु परमप्रभुमी मेको तशा “रिम्‍शो दुम्‍त” देंमाक्‍त। भजन संग्रह ७४:१३-१४; १४८:७ 22 परमप्रभुमी मेको नेल्‍ल आन कली आसीक गेशा “सोशा बोशा, शुश दुमीन, समुन्‍द्र ङा ब्‍वाक्‍कु ब्रीङीने” देंमाक्‍त। चिक्‍ब आन कली यो “सोशा बोशा, रागीमी शुश दुमीन” देंमाक्‍त। 23 मिनु नां रिक्‍शा, नां सोव़शा, मेको ५ नाक्‍ती दुम्‍माक्‍त।
24 मिनु परमप्रभुमी “रागीम मारेइ मारेइ ब्रोंइशा बाक्‍ब ग्रूचा माल्‍नीम। मार ग्रूचा माल्‍नीम देंशा हना बी ब्‍यफ, खपीम ग्रेशा गाक्‍ब आइक्‍च जन्‍तु नु मार मार ब्‍वाकी ङा जन्‍तु दुमीन” देंमाक्‍त। मिनु मेको दुम्‍माक्‍त। 25 मोपा परमप्रभुमी मारेइ मारेइ ब्‍वाकी ङा जन्‍तु, मारेइ मारेइ बी ब्‍यफ, खपीम ग्रेशा गाक्‍ब नु मारेइ मारेइ आइक्‍च जन्‍तु सेल्‍मी बाक्‍त। मिनु परमप्रभुमी आ सेल्‍शो तशा “रिम्‍शो दुम्‍त” देंमाक्‍त।
26 मिनु नोले परमप्रभुमी “इं खोदेंशो पा मुर का सेल्‍य। मिनु समुन्‍द्र ङा ङांइ, सरीङम बेरब चिक्‍ब, बी ब्‍यफ, ब्‍वाकी ङा जन्‍तु नु खपीम ग्रेशा गाक्‍ब आइक्‍च जन्‍तु नेल्‍ल आन कली हुकुम पाइब दुम्‍ल” देंमाक्‍त। भजन संग्रह ८:६-९; एफिसी ४:२४; कलस्‍सी १:१५; याकूब ३:९ 27 मिनु परमप्रभुमी आ खोदेंशो तांइसीशो का सेला बाक्‍त। मेकोमी वोंइश मुर का नु मीश मुर का सेला बाक्‍त। उत्‍पत्ती ९:६; मत्ती १९:४ 28 मिनु परमप्रभुमी मुर आस कली आसीक गेशा “सोशा बोशा, तमी तौ थिशा, रागी प्रिंशा, रिम्‍शो पा हुकुम पस। समुन्‍द्र ङा ङांइ, सरीङम बेरब चिक्‍ब, रागीम बाक्‍ब जन्‍तु नेल्‍ल नु खपीम ग्रेशा गाक्‍ब आइक्‍च जन्‍तु नेल्‍ल आन कली रिम्‍शो पा हुकुम पसे” देंमाक्‍त।
29 मिनु परमप्रभुमी “नेनीस, गो इस कली वांचेर सिप्‍ब, गिग खाइ, फल सिप्‍ब नु वांचेर सेल्‍ब रवा गेतन्‍सी। मेको इस कली जचा ब्‍वचा दुम्‍ब। मत्ती ६:२५-३४ 30 मिनु गो रागीम बाक्‍ब जन्‍तु, बी ब्‍यफ, रागी ङा चिक्‍ब, खपीम ग्रेशा गाक्‍ब आइक्‍च जन्‍तु नु मारेइ मारेइ ब्रोंइशा बाक्‍ब आन कली घांस, सुवा ब्‍वचा गेतामी” देंमाक्‍त। मिनु मोदेंशो दुम्‍माक्‍त। भजन संग्रह १४५:१६ 31 मिनु परमप्रभुमी आ सेल्‍शो नेल्‍ल तशा “शुश रिम्‍शो दुम्‍त” देंमाक्‍त। मिनु नां रिक्‍शा, नां सोव़शा, मेको ६ नाक्‍त दुम्‍माक्‍त। मत्ती १९:१७; १तिमोथी ४:४