14 Slava e Devlešće pe visine, thaj pe phuv miro, e them lačhe miljonikonenđe. 15 Čim e anđelurja boldinepe ando nebo, e pastirja phenenas jek avrešće:” Ajde džas dži ko Betlhem, te dikhas so godova kote dogodisajlo so penda menđe o Gospod. 16 Sigo aviline ando than o Betlahem thaj arakhline e Marija thaj e Josife thaj e čhavre sar pašljol ande jasle. 17 A kana dikhlinele, phendine sa so sas lenđe phendo palo čhavro. 18 A sa e pastirja save ašundine divisajle koleše so phendine e pastirja. 19 A e Marija pamtilas sa akala događajurja thaj gndilas pale lende ande piro ilo. 20 Pale godova e pastirja boldinepe palpale, hvalinas thaj slavinas e Devle pale sa so ćerda thaj kaj dikhline sa so sas lenđe phendo. 21 A kana prerdilo o ohtoto đes e čhavrešće thaj trubuine te obrezisarenle, dinele alav Isus, sago kaj phendas o anđeo dok još nas ni ando đi. 22 Kana avili e vrjama te džan pe molitva sago kaj phenel e Mojsijesko zakono, andinele ando Jerusalim te sikavenle e Gospodešće, 23 Sago kaj si ramome ando zakono e Gospodesko:” Svako prvo bijando muško čhavo neka posvetilpe e Devlešće! 24 Thaj prinesisardine e žrtva prema e zakonešći odredba; duj grlice ili duj goluburja. 25 Ande godoja vrjama trailas ando Jerusalim o manuš alavesa Simon, vo sas godova zurale pravedno thaj pobožno manuš; vo ažućarelas, thaj o Sveto duho sas pe leste. 26 O Sveto Duho phendas loešće kaj či dićhela o smrto dok či dićhel e Gospode Kristo. 27 Potaknime katar o Sveto Duho avilo ando hramo; Baš kana o dad thaj e dej anenas e čhavre e Isuse te inđaren pe leste o propis e zakonesko. 28 O Simun lija e čhavres ande pire vas, hvalisarda e Devle thaj phendas:” 29 Akana Gospode šaj mućes ćire slugo te ndžaltar e mirosa sago kaj phendan. 30 Kaj dikhline e Jakha mungre o spasenje ćiro, 31 Savo pripremisa palo sa o them, 32 O svetlo te rasvetlisarel e poganonen thaj e slava ćire themešći e Izraelošći. 33 O Josif thaj e čhavrešći dej e Marija divisajle okolešće so phenelaspe pale leste. 34 O Simun askal blagoslovisardalen, thaj phendas e Marijaće: “Odredime si pale godova te e butenđe ando Izraelo avel palo propast thaj e butenđe palo uskrsnuće butenđe ando Izraelo, znako savešće protivinape. 35 (A vi tuće korkoraće o mačo hvarela ći duša), te razitkrinpes e gndimata e bute ilenđe. 36 Okote sas vi varesošći proročica Ana, e Fanuelovešći čhej, andar o pleme e Aserovesko; voj phurjili, efta brš katar po ternipe trailas e manušeja, 37 A pale godova trailas korkoro sar udovica dži ke ohtovardeš thaj štar brš, voj či mućelas o hramo, služilas e Devlešće đeseja thaj e raćava postilas thaj molilas pes. 38 Ande godova časo vi voj avili, thaj hvalilas e Gospode thaj phenelas palo Isus savorenđe save ažućarenas lesko spasenje ando Jerusalimo. 39 Kana e Isusešći dej thaj leso dad dine gata sa so sas po zakono e Gospodesko, boldinepe ande Galileja ando piro gav Nazaret. 40 A o čhavro barjolas thaj zurjalas ando duho, thaj pherdolas mudrosti, thaj e milost e Devlešći sas pe leste. 41 E Isusesko dad thaj lešći dej svako brš džanas ando Jerusalim andeđesa kana sas e pasha. 42 A kana sas e Isuses dešuduj brš, von avile ando Jerusalim pe praznikosko đes; 43 Kana sas gata kodola đesa, kana boldenas pes ćhere, o čhavro Isus ačhilo ando Jerusalim; a o Josif thaj lešći deje Marija či džangline; 44 Nego gndisardine kaj si e društvosa, anglal thaj počnisardine te rodenle maškar e familija thaj maškar o kola kas džanenas. 45 Sar či arakhlinele boldinepe ando Jerusalim te roden les. 46 Thaj pale trin đes arakhlinele ando hramo sar bešel maškar e učenikurija, thaj čhol kan lende, thaj phučelen, 47 Thaj savora save ašunenas les divisajle lešće razumešće thaj lešće odgovorenđe. 48 Kana dikhlinele začudisajle, a lešći dej phendas lešće:” Sine! Sostar ćerdan amenđe gajda? Ake me thaj ćiro dad e darasa rodastut. 49 a vo phendas lenđe:” Sostar rodineman? Zar či džangline kaj me trubul te avav ando ćher mungre dadesko? 50 Ali von či haćardine e alava so kamlas te phendas lenđe. 51 Askal fuljisto lenca thaj avilo ando Nazaret; thaj čholas kan lende. A e dej lešći araćhelas sa kala alava ande piro ilo. 52 A o Isus napreduilas ando mudrost thaj ando baripe, ande milost anglo Del thaj anglo them.