1 O Isus, pherdo Sveto Duhosa, boldape katar e reka Jordan, thaj inđardale o Sveto Duho e pustinjava, 2 thaj štarvardeš đes probilasle o beng, thaj khanči či hala pale godola đesa a kana pherdile godola đesa vo bokhajlo.

3 A o beng phendas lešće: “Ako san Čhavo e Devlesko, phen akale barešće te postanisarel mangro.”

4 A o Isus phendas lešće: “Ando Sveto lil ačhel ramome: 'Či trail o rom (manuš) samo katar o mangro.'”* Akava si citato andar 5. Moj. 8:3 † Ando Matej 4,4 ačhel: “Ramome si či trail o rom (manuš) samo katar o mangro, nego katar svako alav savo inkljel andar e Devlesko muj.”

5 Inđardale o beng pe vuči gora thaj sikada lešće sa e carstvurja akale themešće ando treno e jakhako. 6 Thaj phendas lešće o beng: “Tuće dava sa akaja vlast thaj e slava lenđi, kaj si manđe predaime, thaj me šaj te davala kašće me kamav. 7 Ako peres pe koča angle mande thaj slavisman, avela sa ćiro.”

8 A o Isus phendas lešće: “Ando Sveto lil ačhel ramome: 'De koča thaj slavisar samo e Gospode ćire Devlese, thaj jedino lešće služisar.'”‡ Akava si citato andar Pnz 6:13

9 Thaj o beng inđardale ando Jerusalim, thaj čhutale po vrho e Hramosko, thaj phendas lešće: “Ako san Čhavo e Devlesko, huti katar tele, 10 kaj ando Sveto lil ačhel ramome: 'Pale tute kaj pire anđelenđe zapovedila te len sama pe tute'

11 thaj: 'pe vas inđarenatut te či pećes varekaj će pungresa ando bar.'” § Akava si citato andar Psalam 91,11, 12

12 A o Isus phendas lešće: “Ramome si: 'Na probisar e Gospode e ćire Devle.'”* Akava si citato andar Pnz 6:16

13 Thaj kana o beng završisarda te probilasle, đelotar lestar pale vasesošći vrjama.

14 O Isus boldape ande e galilejako krajo pherdo e Sveto Duhošće silava thaj o glaso pale leste buljardape pe sasto godova krajo. 15 Sikavelas pe lenđe sinagoge, thaj savora šukar mothonas pale leste.

16 Thaj avilo ando gav savo akhardolas Nazaret kaj barjilo, thaj pe piro običajo ando savato dija ande sinagoga, thaj uštilo te čitol. 17  Dinele e knjiga† svitak*** katar o prorok Isaija, putarda e knjiga thaj arakhla o than kaj si ramome:

20 Phandada e knjiga, dijala ko sluga thaj bešlo te sikavel, a savora save sas ande sinagoga dićhenas pe leste. 21 Thaj počnisarda te phenel lenđe: “Ađes akava Lil savo ašundine tumare kanence pherdilo.”* O Isus akate objavisajlo kaj avilo sago o Mesija.

22 Savora phenenas sa maj šukar pale leste, thaj divinaspe e šukar alavenđe kaj inkljenas andar lesko muj, thaj phenenas: “Naj li a kava o čhavo e Josifesko?”

23 Askal phendas lenđe: “Tumen manđe bi sumnjako mothona akaja poslovica: 'Doktorina! Sastar korkoro tut!' Ćer vi akate ande ćiro gav kaj barjilan so ašundam kaj ćerdan ando Kafarnaum.” 24 Askal nastavisarda te mothol: “Čačes phenav tumenđe: 'Nijek proroko či lačhe avilo ande piro gav kaj barjilo.'” 25 A čačes phenav tumenđe: 'But udovice sas ando Izraelo ande vrjama kana saso Ilija proroko, askal o nebo phandadilo pe trin brš thaj šov čhon thaj sas bari bok pe sasti phuv e Izraelsko. 26 Ali nijećhaće lendar nas bičhaldo o Ilija osim varesošće udovicaće ando gav Sarepto, savo sas ande Sidonsko krajo. 1 Kr 17. 27 Thaj but gubavcurja sas ando Izraelo pale vrjama kano sas o Jelisej proroko ali ni jek lendar či šladilo nego samo o Nemano Sirijco.'” 2 Kr 5,1–14.

28 Thaj savora ande sinagoga zurale holjajle kana ašundine akava. 29 Uštile thaj tradinele avri andar o gav, thaj inđardinele po vrho e gorako kaj sas sazidome lengo gav te čudenles opral. 30 Ali vo nakhlo maškar lende thaj đelotar.

31 Thaj avilo ando galilejsko gav savo sas akhardolas Kafarnaum, thaj sikavelas len savatone. 32 A von čudinaspe lešće naukaće kaj lesko svato sas pherdo sile. 33 Ande sinagoga sas varesosko manuš ande savo sas nečisto duho e benđesko, vo čhutas muj zurale glasosa: 34 “So kames amendar, Isuse Nazarećanona? Avilan te upropastis amen? Džanavtu, ko san. Tu san o Sveco e Devlesko.” 35 A o Isus zapovedisarda lešće: “Umuknisar thaj inklji andar leste!” O beng haradale angle savorende, inkljisto andar leste, thaj ni cara či naudisardas lešće.”

36 Savora sas začudime thaj phenenas jek avrešće: “Sosko si godova svato, te e vlastosa thaj e silasa zapovedisarel e nečiste duhonenđe, thaj von inkljen avri?”

37 Thaj o glaso pale leste buljilo pe sa e okolne thana.

38 Kana inkljisto andar e sinagoga, dija ande Simonesko ćher. E Simonešće sokra astardas e bari groznica, pa zamolisardine les te sastarel lat. 39 Vo banđilo pe late thaj zapovedisardas e groznicaće te mućelat thaj e groznica nestanisarda. Voj odma uštili thaj počnisarda te služilen.

40 Kana nakhlas e savatosko đes, † Doslovno ramome: “A kana pelo o kham” sa e nasvalen katar razne nasvalimata, anenas len leste, a vo pe savorende čholas pe vas, thaj von sastonas. 41 A vi e benga inkljenas andar e but e manuša thaj čhonas muj thaj phenenas: “Tu san Čhavo e Devlesko!” A vo pretilas lenđe thaj zabranisardas lenđe te na ćeren svato, kaj von džanenas kaj si vo o Hristo.

42 A kana avilo o đes, inkljisto thaj đelotar po pusto than. A o them rodasle, avile leste thaj kamline te ačhaven les te na džaltar lendar. 43 A vo phendas lenđe: “Vi aver gavenđe trubul te anav e bahtali nevimata pale Devlesko carstvo, kaj zato o Del bičhaldaman.” 44 Thaj nastavisarda te propovedisarel pe sinagoge e judejske.