1 Jekhvar dok o Isus ačhelas ko galilejako jezero* Genisaretsko jezero si aver alav palo Galilejako jezero., o them spidelaspe pe leste te ašunen o alav e Devlesko. 2 O Isus lijasama e duj čamcurija kaj ačhenas pe obala, andar save inkljistine e ribarja thaj thovenas pire mreže. 3 Thaj dija ande jek katar o čamco savo sas e Simonesko, thaj zamolisardas les te spidenles cara majdur katar e obala. Bešlo andre thaj počnisardas te sikavel e theme andar o čamco.

4 A kana ačhilo te ćerel svato, phendas e Simonešće: “Otplovisar ande dubine, thaj čhude e mreže ćire thaj lovisar.”

5 A o Simon phendas lešće: “Sikavneja! Sasti rjat trudisajlam, thaj khanči či astardam, ali ako tu gajda phenes, čhudava e mreža.” 6 Kana ćerdine godova, astardine but mačhe, gajda kaj pharjonas e mreže lenđe. 7 Dine znako pe drugorenđe ando aver čamco te aven te pomažinenlen. Kana von aviline, pherdine e liduj čamcurija gajda kaj gata potonisardine.

8 A kana dikhlas o Simon Petar, pelo pe pire koča angle Isusešće pungre thaj phendas: “Džatar mandar, Gospode! Me sem bezehalo rom (manuš) (manuš).” 9 Thaj sas ando čudo vo thaj sa save sas lesa zbog e bute e mačhe kaj astardas. 10 A gajda vi o Jakov thaj o Jovano sas ando čudo. Von sas e čhave e Zevedeješće thaj e drugarja e Simonešće. A o Isus phendas e Simonešće: “Nadara. Katar akana e manušen lovisareja.”† Katar akana e manušen lovisareja. O Isus akate phendas e Petrešće kaj katar akana inđareja o alav e Develsko e manušenđe.

11 Thaj crdine e čamcurija pe phuv, mukline sa, thaj teljardine pale leste.

12 Kana sas o Isus ande jek gav, dijas pe jek rom (manuš) savo sas sa ande guba. Dikhla e Isuse thaj pelo angle leste e mujese pe phuv, thaj zamolisardale alavenca: “Gospode! Te kames šaj te šlavesman katar e guba.”

13 Vo čhuta po vas pe leste, thaj phendas: “Kamav, šlavtu!” Thaj e guba odma peli lestar. 14 Thaj o Isus zapovedisadas lešće te na phenel khonikašće, nego dža thaj sikavtu e rašaješće, thaj prinesisar ćiri žrtva palo ćiro šlaipe, sar zapovedisarda o Mojsije. Godova avela sago dokazo e manušenđe. Lev 14,2–32.

15 O glaso pale leste još majbut buljolas, thaj but o them ćidelaspe te ašuneles thaj te sastarelen andar lenđe nasvalimata. 16 A vo đelotar ande pustinja te molilpe e Devlešće.

17 Jek đes dok vo sikavelas, bešenas lesa e fariseja thaj e sikavne e Mojsiješće zakonestar save aviline andar e sa e gava galilejske thaj e judejske thaj andar o Jerusalim, a e sila e Gospodešći sas lesa te sastarel e nasvalen. 18 Askal aviline varesošće roma (manuša) save inđarenas pe nosilje e rome savo sas lino‡ O manuš bango katar o šoro đi ke pungre., rodine te anenle andre thaj te čhonle anglo Isus. 19 Kana zbog o but o them naštik dine lesa andre, linepe po krovo e ćheresko thaj kroz o krovo muklinele tele zajedno e nosiljasa maškare anglo Isus. 20 A vo kana dikhla o paćipe lengo, phendas lešće: “Romeja (Manuđeja***)! Jartime si tuće će bezeha.” 21 E fariseja thaj e sikavne e Mojsiješće zakonestar počnisardine te gndisaren thaj ande peste te phenen: “Ko si akava kaj hulil po Del? Ko šaj te jartosarel e bezeha osim o jedino Del?”

22 A o Isus džangla lenđe gndimata, thaj phendas lenđe: “Sostar gajda gndin ande tumare ile? 23 So si maj loće te phenelpe: 'Jartime si tuće će bezeha' ili te phenelpe: 'Ušti thaj phir'?§ Maj loće si te phenelpe “Jartime si tuće će bezeha” zato kaj e jartime bezeha naštik te dićhenpe. 24 Nego te džanen kaj e Čhave e Romešće si vlast pe phuv te jartosarel e bezeha...” Askal phendas e linešće: “Tuće phenav: 'Ušti, le će nosilje thaj džatar tuće ćhere!'” 25 Vo odma uštilo angle lende, thaj lija pe soste pašljolas, thaj đelotar pire ćherešće thaj hvalilas e Devle. 26 Savora sas ando čudo, thaj slavinas e Devle, thaj pherde dar phenenas: “Čudurja ađes dikhlam!”

27 Pale godova o Isus inkljisto, thaj dikhla e careniko alavesa Levije kaj bešel pe carina, thaj phendas lešće: “Ajde pale mande.” 28 O Levije mukla sa, uštilo thaj teljarda pale leste.

29 Pale godova o Levije pripremisarda lešće ande piro ćher bari gozba. Leja pale sinija bešenas but carenikurja thaj vi aver manuša. 30 Askal e fariseja thaj lenđe sikavne e Mojsiješće zakonestar počnisardine te mrmljan pe leste thaj phendine lešće učenikonenđe: “Sostar han thaj pijen e carenikonenca thaj e bezehalenca?”* E fariseja phenenas pale sa okolo save či inćerenas e Mojsijesko zakono kaj si bezehale.

31 A o Isus phendas lenđe akaja izreke: “'Či trubun e saste doktore nego e nasvale'. 32 Gajda vi me či avilem te akharav e pravednikonen, nego e bezehalen te boldinpe katar lenđe bezeha ko Del.”

33 Von askal phendine lešće: “Sostar e Jovanešće učenikurija često postin thaj molinpe, isto gajda vi e farisejenđe učenikurija, a ćire či postisaren nego han thaj pijen?”

34 A o Isus phendas lenđe: “Šaj traden e svaturjen te postisaren kana si o džamutro (mladoženja) lenca? 35 Nego avela o đes kana otmina lendar e džamutre (mladoženja), thaj askal postina ande godola đesa.

36 O Isus phendas lenđe još jek usporedba: “Khonik či čhinel e kotora katar o nevo gad te suveles pe purano. Ako godova ćerel, o nevo gad čhindola, a e purane gadešće či ačhel o kotor katar o nevo gad.

37  Thaj khonik či čhol e nevi mol ande purani morćhaći trijasta, kaj e nevi mol pharavela la, thaj e mol čhordola, a e morćhaći trijasta propadnila.† Kana e drak delas vras te ćerdo e nevi mol askal buljolas, thaj pharadas e purane morćhani trijasta kaj von majbut našti buljonas.

38 Nego e nevi mol ande nevi morćhaći trijasta trubul te čholpe.

39 Thaj khonik ko pijel e purani mol, čikamel e nevi, kaj phenel e purani mol si majlačhi.”‡ Akaja metafora čhol ando kontrast purano sikavipe vjerske vođengo e neve Isusošće sikavipeja. Poanta si e rome save sićile po purano sikavipe, von čikamen e Isusesko nevo sikavipe.