1 Kana ćidabe o baro them, gajda kaj jek avrešće uštavenas e pungre, o Isus majsigo počnisarda te phenel pire učenikonenđe:” O farisejsko licemerje buljol sago o kvasco savo šukljarel sasto humer. 2 Kaj avel e vrjama kana sa so si garado avela arakhado thaj sa so si si tajno ašundola angle savorende. 3 Zato, sa so phendine, ande tama ašundola po svetlo; thaj sa so šapućisardine, ande sobe pe krovurja propovedilape.” 4 A phenav tumenđe, mungre drugarenđe: na daran katar okola save šaj te mudaren samo o telo, a pale godova khanči naštik ćeren. 5 Ali phenava tumenđe kastar trubun te daran: daran okolestar savo, kana lel o traju askal čhudel ando pakao. Lestar daran! 6 Zar či bićinenpe pandž vrapcurja pale duj denarja? Pa palem ni jećhe lendar o Del či bistrel. 7 A tumenđe si svako bal po šoro đinadi. Zato na daran! Kaj sen maj vredne nego e but e vrapcurja!” 8 Ko akate pe phuv anglo them priznajil kaj pripadil manđe, pale leste me o Čhavo e Manušesko phenava, angle anđelja e Devlešće kaj pripadil manđe. 9 Ali okova savo odreknilpe mandar angle manuša kate pe phuv, gajda vi me odreknivaman lestar angle anđelurja e Devlešće. 10 Ali ipak kogod mothol alav protiv o Čhavo e Manušeso, jartolape lešće. Ali okolešće ko hulil po Sveto Duho, či jartolape lešće. 11 A kana anena tumen anglo sudo ande sinagoge, angle poglavarja thaj angle vlast, na vodin briga so phenena ande tumari odbranas! 12 Kaj o Sveto Duho ande godova časo sikavelatumen so te phenen.” 13 Vareko maškar o them phendas lešće: “Sikavneja, phen mungre phralešće te podelisarel manca e baština.” 14 Pe godova vo phendas lešće: “Manuša, ko čhutaman te avav tumaro sudco ili deliv maškar tumende? 15 Askal phendas savorenđe: “Lentumen majdur katar svako pohlepa, kaj ni kole kas si maj but lesko trajo naj osigurime lešće barvalipeja,” 16 Askal phendas lenđe e prispodoba: “Varesave barvale manušesće lačhe bijanda e phuv 17 pa ande peste počnisarda te gndisarel: “so te ćerav? kaj najman kaj te uskladištiv sa kava kaj bijanda manđe e phuf.” 18 Thaj phendas: “Ake so ćerava! Haravava mungre žitnice thaj vazdava majbare thaj kote čhava sa mungro điv thaj mungro lačhipe. 19 Askal phenava korkoro manđe ake situ ande zalihe but lačhipe pale but e brš kaj aven dušo mungrije, akana odmoritu, ha, pi thaj veselitu!” 20 Ali o Del phendas lešće: “Dileja! Već arjat ćiri duša manđelape tutar! A sa so ćidan, kasko avela? 21 Ake so avela okolenca kaj ćiden pešće barvalipe, a či barvajlon ando Del.” 22 Askal phendas pire učenikonenđe: “Zato phenav tumenđe: na vodisaren briga palo trajo: so hana; ni palo telo so dena pe tumende. 23 Kaj o trajo si maj vredno katar o habe, a o telo katar e drze. 24 Dićhen pe gavranurja! Či sadin niti ćiden, najlen spremište ni žitnice, pa ipak o Del pravarelen. Kozom sen tumen majvredne nego e čiriklja! 25 A ko tumendar šaj e brigenca te lunđarel po trajo samo pale jek đes? 26 Dakle, ako naštik ni kova so si maj cara, sostar askal vodin briga pale sa aver? 27 Dićhen e ljiljanurja sar barjon! niti trudinpe, niti štrikon pešće drze. A palem, phenav tumenđe: “Kaj ni o Salomon ande piri slava nas majlčhardo katar ni jek lendar. 28 Ako o Del gajda del pe čar kaj si ano polje savi ađes si, a već thejara čhudelpe ando bov te phabol, kozom majbut dela pe tumen, cara paćavalen! 29 Zato vi tumen: na roden so hana, so pijena. Na uznemirintu men! 30 Sa godova roden e poganurja akale themešće. Tumaro Dad džanel kaj sa godova trubultumen. 31 Nego roden o carstvo lesko, a godova sa nadodaila pe tumenđe!” 32 Nadara Stadona cikneja! Kaj si e volja tumare dadešći te deltumen o carstvo . 33 bićinen sogod situmen thaj den sago milostinja! gajda ćidena tumenđe blago ando nebo, kaj o čor či avel thaj kaj o moljco či halales. 34 Čačes phenav tumenđe, kaj si tumaro barvalipe, kote avela vi tumaro ilo.” 35 Aven spremne! len pe tumende thj tumare memelja neka phabon; 36 Aven sago okola kaj ažućaren pire gospodare kana boldelpe andar e svaturja te odma putren lešće čim aresel thaj marel po vudar, 37 Blago o kolenđe slugonenđe saven o gospodari, kana avela, araćhel džungade! Čačes phenav tumenđe, čholalen pale sinija te bešen, thaj korkoro pe peste čhola e kecelja, te poslužisarelen. 38 Šaj te avel ande opaš e rjat ili ande zora. 39 Ali kava džanen: kana džanglasas o domaćino ande savi vrjama avela o čor, či muklasas te del ande lesko ćher. 40 Vi tumen uvek aven spremne kaj o Čhavo e Manušesko avela kana či nadinatumen. 41 Pegodova o Petar phendas: “Gospode, phenes godoja usporedba samo pale mende ili vi pale savorende?” 42 A o Gospod phendas: “Ko si okova verno thaj razumno upravieljo saves o Gospod čhola te vladil pe leše sluge te delen o habe ande prvavo vrjama? 43 Blago okole slugašće saves o gospodari kana boldelape, araćhel kaj gajda ćerel. 44 Čačes, phenav tumenđe, čholales te upravljil lešće saste barvalipeja.” 45 Ali ako godova sluga phenel ande piro ilo: “Mungro gospodari či avela gajda sigo” thaj ačhel te marel pire slugonen thaj e sluškinjen, te hal te pijel thaj te matol, 46 Avela o gospodari godole slugasko ando đes savo či nadilapes thaj ando časo savi či ni slutisarel; strogo kaznilales thaj odredila lešći sudbina maškar e bipaćale.” 47 O sluga savo pindžarel e volja pire gospodarišći, a khanči či ćerda pe lešći volja, avela strogo kaznime. 48 A kova sluga kaj či džangla, a ćerda vareso kaj zaslužisarel e kazna, blago avela kaznime. Kašće god si but dino, lestar but rodelape. Kašće si but poverime, majbut lestar rodelape.” 49 Me avilem te čhudav e ognjosko dudo pe phuv, sar volisardemas te vać počnisardasas te phabol! 50 Ali manđe trubul te bolaman trpljivosa kaj vi gajda sem tjeskobno dok godova či avel gata! 51 Gndisaren kaj me avilem te dav miro pe phuv? Nipošto. Avilem te anav razdor. 52 Kaj katar akana nastanila razdor ande familija; trin džene avena pe mungri ring, a aver duj protiv thaj naopako. 53 O čhavo avela protiv o dad thaj o dad protiv o čhavo, e dej protiv protiv e čhej, thaje čhej protiv e dej, e sokra protiv piri bori thaj e bori protiv e sokra.” 54 A e bute themešće phendas: “Kada dićhen kaj o oblako lelpe po zapado, odma phenen: O bršnd dela!” Thaj gajda si. 55 Kana dićhen kaj phurdel e bavlal katar o jugo, phenen; “Avela tati vrjama thaj gajda avel.” 56 Licemerjalen džanen te prosudisaren o izgled e nebosko thaj e phuvjako, sar askal akaja vrjama či prosudisaren?” 57 Sostar korkoro tumendar či prosudisaren so si pravo? 58 Kana džas ćire protivnikosa ko glavari, još dromesa des sa tutar te nagodbasa rešistu lestar, te či inkaleltu anglo sudo. O sudco delatu ko stražari, a o stražari čhudelatu ande tamnica. 59 Phenav tuće: “Či inkljeja kotar dok či poćines dži ke posljedno denari.