1 Oko o Isus ćidenaspe sa e carenikurja thaj e bezehale te ašunenles sar sikavel. 2 Zato e fariseja thaj okola save sikavenas e Mojsijesko zakon mrmljinas: “Družilpes e bezehalenca thaj još čak vi hal lenc!.” 3 Pe godova o Isus phendas lenđe akaja prispodoba: 4 Ko tumendar, ako sile šel bakhre thaj hasarel jećhe lendar ande pustinja, či đelosas te rodel godole jećhe dok či araćhel les? 5 A kana araćhel les, pherdo bah čhol les pe dume thaj boldel les ćhere 6 thaj čim aresel ćhere akharel pire komšijen thaj pe drugaren thaj phenel lenđe: “Raduintumen manca! Arakhlem mungre hasarde bakrore.” 7 Phenav tumenđe, gajda ando nebo avela još majbari bah pale jek bezehalo manuš savo obratilpe e Devlešće nego pale injavardeš thaj inja pravednikurja savenđe či trubun obraćene.” 8 Savi godoja manušnji ako sila deš rupa, thaj jek hasarel, či del jag e memelji, thaj, či šlavel lačhe o ćher thaj lačhe rodel dok či araćheles? 9 A kana araćheles, akharel pire komšinicen thaj pire drugaricen thaj phenel lenđe: “Raduintumen manca! Ararakhlem o rup savo hasardem.” 10 Phenav tumenđe, kaj gajda si e bari bah angle anđelurja e Devlešće pale jek obratime bezehalo.” 11 Thaj o Isus nastavisarda: “Varesave rome sas duj čhave. 12 O maj terno phendas pire daešće: “Dade, deman akana mungro naslestvo savo pripadil manđe.” thaj o dad podelisardas o barvalipe. 13 Kana nakhlo varesave đesa o majterno čhavo ćidas sa piro, thaj otputuisarda ande dur e phuv thaj okote potrošisarda sa piro barvalipe e rasokošne trajosa.” 14 “Kana potrošisarda sa, dija e bari bok ande godoja phuv, thaj vo arakhlape ande nevolja. 15 Askal đelo thaj zaposlisajlo sago sluga (najamniko) ke jek manuš ande godoja phuv thaj čarjarelas lešće balen. 16 O čhavo sas gajda bokhalo kaj rado halasas vi e ljuske katar e maune save hanas e bale, ali khonikal čidelas len lešće. 17 Kana napokon avilo peste, phendas: “Ke mungro dad e sluge mungre dadešće si habe po pretek, a me akate merav bokhatar! 18 Uštava, teljarava ke mungro dad thaj phenava lešće: “Dade, sagrešisardem protiv tute thaj protiv o nebo! 19 Najsem majbut dostojno te akharama ćire čhavesa. Primima sago jećhe katar ćire sluge.” 20 Uštilo thaj teljarda ke piro dad. Dok sas još dur, lesko dad dikhlales, prastajas sažalisajlo pe leste prastaja angle leste dijale mrtiko thaj čumideles. 21 A o čhavo phendas lešće: “Dade! sagrešisardem protiv tute thaj protiv o Del! Najsem majbut dostojno te akharama ćire čavesa.” 22 A o dad phendas e sugenđe: “Brzo inkalen e majšukar haljina thaj den pe leste! čhon lešće e angrušći po naj thaj e sandale pe lešće pungre! 23 anen e maj thule guruv thaj denle čhurjasa, pa de pogostime thaj te veselime 24 Kaj akava mungro čhavo sas mulo thaj džudilo, hasardo sas thaj arakhadilo!” Thaj počnisardine te veselinpe.” 25 Pale godoj vrjama lesko majpurano čhavo ćerelas bući ande njive. A kana boldelaspe thaj sas već paše, andar o ćher ašundolas e svirka thaj o ćhelipe 26 Pa akharda jećhe slugo te phučel so si godova. 27 A o aluga ohensa: “Boldapes ćiro phral thaj ćiro dad dija čhurjasa e ugoime guruve kaj te proslavil kaj lesko čhavo boldapes džudo thaj sasto.” 28 O majpurano phral holjajlo thaj či kamla te del andre. Askal o dad inkljisto thaj počnisarda te m oliles te del andre. 29 A vo phendas pire dadšće: “ Me ake gaći brš služiv tuće thaj nikada či odbisardem te ćerav so phendan manđe, a tu nikada ni jarco či dijanman te proveseliman mungre drugarenca. 30 A akava ćiro čhavo savo e bludnicenca potrošisardas o barvalipe, a tu des lešće čhurjasa maj uzgoime guruv a avilo kava ćiro čhavo savo e kurvenca haljarda sa ćiro barvalipe, tu dijan lešće čhurjasa majthule guruve.” 31 Pe godova o dad lesko phendas lešće: “Čhaveja, tu san uvek manca thaj sa mungro vi ćiro si. 32 Ali trubul te radujimen thaj veselimen kaj akava ćiro phral sas mulo thaj džudilo, hasardo thaj arakhape!