1 O Isus askal phendas pire sikavnenđe: “Sas varesavo barvalo manuš save sas upraviteljo. 2 O barvalo manuš akhardales thaj phendas lešće: “So godova ašunav pale tute? Položisar o računo pale ćiri uprava kaj majbut naštik aves upraviteljo!” 3 Pe godova o upravitelo phendas ande peste:” So te ćerav kana mungro gospodali lel mandar e komanda? Te hanavav najman snaga. Te prosiv? Ladžavo si manđe. 4 Džanav so ćerava! Kana gajda ćereva, lačhe avava ande ćhera e manušenđe kana ačhava bi bućak.” 5 Askal akharda jećhe po jećhe katar o kola save sas udžile e gospodarešće. Thaj phučlas e prvo: “Kozom san udžile mungre gospodarešće? šel mere e maslinesko ulje phendas o manuš. 6 A o upravitelljo phendas lešće: “Le ćiri knjižica beš thaj odma isoravisar pe pandžvardeš. 7 Pale godova phendas averešće: “A tu, kozom san tu udžile?” Šel mere điv.” Phendas vi lešće: “Le ćiri knjižica thaj ispravisar pe ohtovardeš.” 8 Posle godova o gospodari pohvalisarda e nepravedno upravitelje. Kaj e manuša akale themešće si maj snalažljive ando postupanje prema okola save si lenđe slične nego o them svetlosti.” 9 “A me phenav tumenđe, araćhen tumenđe drugaren, hohavne barvalipeja, pa te jek đes kana avel dži ko krajo primintumen ande lenđe večne stanurja.” 10 “Ko si paćivalo ande maj cikno, vi ande maj baro si paćivalo; a ko si ande majcikno bipaćivalo, vi ande majbaro avela bipaćivalo. 11 Ako najsenas paćivale ande hohavno barvalipe, ko poverila tumenđe čačo? 12 Thaj ako ande averesko najsenas paćivale, ko delatumen tumaro?” 13 Ni jek suga naštik služisarel duje gospodaen Ili jećhe mrzala, a avere čumidela; ili jećhešće avela paćivalo a avre mrzala. Naštik služisle e Devlešće thaj e barvalipešće.” 14 Sa gadava ašundine e lakoumne fariseja, thaj marenas muj katar o Isus. 15 A o Isus phendas lenđe: “Tumen ćerentumen kaj sen pravedne anglo them, ali džanel o Del tumare ile. Kaj so e manuša smatrisaren vredno, e Devlešće gadilpe.” 16 O zakon thaj e prorokurja važinas dok či avilo o Jovano savo bolelas, a katar askal navestilpe o carstvo e Devlesko. Thaj svako navalisarel te del ande leste. 17 Ali godova či značil kaj o zakon majbut či vredil kaj majloće naćhela o nebo thaj e phuv, nego te propadnisarel jek tačkica andar o zakono.” 18 Svako kova savo mućel pire romnja thaj lel avrja, ćerel preljub; thaj ko ženilpe raspuštenicasa, preljub ćerel. 19 Sas vasesosko barvalo manuš, savo lelas pe peste majšukar pohtan katar o grimiz, svila, thaj trailas svako đes raikane thaj veselilaspe. 20 A angle lesko vudar pašljolas varesavo čoro manuš savo sas sa ande čirurja, lesko alav sas Lazar, 21 thaj želilas samo te čaljol e mrvicenca kaj perenas katar e barvalešći sinija; dok gajda pašljolas avenas e džućhela thaj čarnas e čirurja pe leste. 22 A kana mulo o čoro, e anđelurja inđardinele ande Avramošće angalja; pale godova mulo vi o barvalo manuš, thaj prahosardine les. 23 A lešći duša đeli ando pakao, thaj dok sas ande bare muke vazda pire jakha thaj dadural dikhlas e Lazare ande Avramešće angalja 24 Thaj čhutas muj: “Dade Avahame, smiluitu manđe thaj bičhal e Lazare te umočil piro naj ando paj thaj šudrjale mungri čhib kaj zurales mučiman ande kava palmeno.” 25 Pe godova phendas o Avram: “ Detu gođi čhaveja, kaj tu pale ćiro trajo primisardan ćiro lačhipe, a gajda vi o Lazar piro bilačipe. Akana vo akate tešilpe, a tu mučistu. 26 Osim godova, maškar amende thaj tumende si bari provalija, thaj vi okola save kamlinesas naštik naćhen okotar akaring, niti akatar okoring.” 27 Pe godova o barvalo manuš phendas: “Molivtu askal, dade, bičhal e Lazare ando ćher mungre dadesko. 28 Siman pandž phral, pa neka džal thaj upozorilen te na vi von aven akaring ande kava than e mukengo.” 29 A o Avram phendas lešće: “Opominlen o Mojsija thaj e prorokurjaande prire zapisurja. Neka čiton len thaj čhon kan lende” 30 A vo phendas: “O na, dade Avrame! Nego te avilo lende vareko andar e mule, obratinape.” 31 A vo phendas lešće: “Ako či ašunen e Mojsija thaj e prorokonen, či paćana sa vi te uštel thaj avel lenđe vareko andar e mule.