1 O Isus phendas pire učenikonenđe: “Okova so navodil e manušen po bezah sigurno avela, ali teško okolešće prekal kaste o bezah avel; 2 Maj lačhe avilosas lešće te čhol pešće o mlinsko bar oko e kor thaj te hutel ando more, nego te crdel po bezah jećhe katar akala cikne. 3 Upozorivtumen! Ako ćiro phral savo si verniko pogrešil, kušles thaj jartosarl lešće ako pokailpas. 4 Ako vi efta drom po đes sagrešisarel tuće thaj efta drom po đes avel thaj phenel tuće: “Jartosar manđe pogrešisardem! Jartosar lešće.” 5 E apostolja phendine e Gospodešće: “ Trubulamen majbut paćipe, phen amenđe sar de dobisles!” 6 O Gospod phendas lenđe: “Te aveltumen paćipe sago kaj si e gorišicako zrno, phendinesas akale dudošće: “inkaltu e korenosa thaj presaditut ando more!” thaj vo presadisajlosas.” 7 Ko tumendar phenela pire slugašće savo oril ili lel sama pe stoka, kna boldelapes andar o polje, av brzo thaj beš pale sinija?” 8 Či umesto godova phenena lešće gajda: “Ćer manđe večera! Čhov e kecelja pe tute thaj služisarman dok hav thaj pijav; pale godova tu haja thaj pijeja?” 9 Zar trubus te zahvalisares e slugašće kaj ćerdas piri bući? 10 Gajda vi tumen: kana sen poslušne e Devlešće, phenen: “Sluge sam save či zaslužisaren pohvala! Ćerdam samo so samas udžile te ćeras!” 11 Gajda dok putuilas majdur prema o Jerusalim, o Isus naćhelas maškar e Samarija thaj e Galileja. 12 Kana delas ande varesosko gav, angle leste avile deš gubavcurja. Ačhiline cara maj dur 13 thaj počnisardine te čhon muj: “Isuse, Sikavneja, smiluitu amenđe!” 14 Kana o Isus dikhlalen, phendas lenđe: “Džantar, thaj sikaventumen e rašajenđe!” thaj dok džanas dromesa sastilie katar e guba. 15 Jek lendar dikhla kaj sastilo, boldape thaj slavisarda e Devle andar sasto glaso. 16 čhudape pe koča angle Isusešće pungre thaj zahvalisarda lešće. A sas godova vasesosko samarijanco. 17 Pe godova o Isus phučlas: “Zar či sastile deš džene? 18 Zar nijek lendar či boldapes te zahvalil e Devlešće osim akava tuđinco?” 19 A e manušešće phendas: “Ušti! thaj Dža! ćiro paćipe spasisardatut!” 20 E fariseja phučline e Isuse: “Kana avela o carstvo e Devlesko?” A vo phendas lenđe: “O carstvo e Devlesko či avel gajda de šaj dićhelpes; 21 naštik phenela pes: “Aketalo akate!” ili: “Eketalo okote!” Ake o carstvo e Devlesko si maškar tumende!” 22 Pale godova phendas e učenikonenđe: “Avela e vrjama kana želina te dićhen e Čhaves e Manušešće makar samo jek đes, ali či dićhenales. 23 Phenena tumenđe: “Eketalo kote, aketalo kate!” Na džan thaj na prasten inća! 24 Kaj sago e munja kaj sevil pe jek krajo e nebosko thaj rasvetlil sa dži ke aver kajo, gajda avela vi e Romešće Čhaveja ando đes lesko. 25 No majsigo vo trubul but te pretrpisarel thaj te akava naraštaj odbaciles.” 26 “Thaj sago kaj sas ando đes e Nojasko, gajda avela vi ando đes e Romešće Čhavesko: 27 Hanas, pijenas, ženinas pe thaj udainas pe dži ko đes dok o Noa či dijas ande korablja. thaj avilo o potop thaj sa uništisardas. 28 Askal avela sago ande vrjama e Lotošći: kana hanas thaj pijenas, ćinenas thaj bićinenas, sadinas thaj gradinas. 29 A askal ande kova đes kana o Loto inkljisto andar e Sodoma, andar o nebo zapljuštisarda o oganj thaj o sumpor thaj sa uništisardas. 30 Gajda isto avel ando đes kana objavilape o Čhavo e Romesko.” 31 Ande kova đes, ko avela po krovo, a lešće stvarja si ando ćher, neka na fuljel te lelen. 32 Thaj ko si ande njive, neka či boldelpes palpale. Dentumen gođi ke Lotošći romnji (manušnji)! 33 Ko lela sama pe po trajo te araćheles, hasarelales; A ko hasarela po trajo araćhela les.” 34 Phenav tumenđe, ande koja rjat avena duj džene ande jek than: Jek lelapes, aver mućelapes. 35 Duj meljina zajedno: jek lelape, a aver mućelape 36 Duj avena ande njive jeklelape, a aver mućelapes. 37 Pe godova phučlineles: “Kaj Gospode? A vo phendalenđe: kaj si e strvina kote vi e orlurja ćidenape.