1 Thaj uštil sa o kova them. Inđardinele ko pilato 2 thaj ačhiline te optužinle: “Akales arakhlam sar sar zavodil amero them thaj branil te delpe o porez e carošće thaj pale peste mothol kaj si vo o Kristo, kraljo.” 3 O pilato phučlales: “Tu san o kraljo e židovengo?” Vo phendas lešće: “Tu phenes!” 4 Askal o pilato phendas e šorvale rašajenđe thaj e themešće: “Nisošći doš či arakhav pe kava rom (manuš)!” 5 No von navalinas: “Bunil e theme pe naukava pe sasti Judeja, andar e Galileja dži akate!” 6 Kana godova ašundas o pilato, Phučlas dali si godova rom (manuš) Galilejco. 7 Thaj haćardas kaj si andar e Irodosko područije bičhaldale ko Irod, Savo sas godola đesa ando Jerusalim. 8 A kana o Irod dikhla e Isuse, zurale raduisajlo kaj dumut već lija te dićheles zbog kova kaj ašundas pale leste thaj nadisajlo kaj lestar dićhela varesosko čudo. 9 Thaj but phučlasles ko si pale soste; ali vo khanči či phendas lešće. 10 A e šorvale rašaja thaj e sikavne e Mojsiješće zakonestar ačhenas, thaj jednako prnasles. 11 O Irod zajedno pe vojnikonenca marda muj lestar: dijas pe leste parne haljne thaj bičhaldale palpale ko pilato. 12 Godova đes o Irod thaj o pilato sprijateljisajle, kaj majsigo sas tušmaja. 13 O pilato akhardas e šorvale rašajen, e većnikonen thaj e themes thaj phendas lenđe: 14 “Andine manđe kale rome sago kaj bunil e themes. Me ake phučavles angle tumende thaj či arakhlem ni jek doš pe leste pale savi prnles. 15 A ni o Irod thaj zato bičhaldales palpale mende. Ake, Vo či ćerda khanči sova zaslužisardas smrto. 16 Kazniva les thaj mukavale. 17 A svako prazniko e paskako trubujas te mućel lenđe po jećhe phangles. 18 A sa o them čhutas muj alavenca: “Le akales a muk amenđe e Varava; 19 Savo sas čhudino ande tamnica pale varesošći buna ande varesosko gav thaj palo rat. 20 A o pilato palem phendas kaj vo kamlasas te mućel e Isuse. 21 A von čhutine muj alavenca: Razapniles, razapniles. 22 A vo trito drom phendas lenđe: “So vo loše ćerda? me khanči či arakhav pe leste sova zaslužisardasas smrto; Dakle te dav te maravle thaj te mukavle. 23 A von navalinas saste glasosa manđenas te razapniles. thaj čhonas muj sa majzurale. 24 O pilato presudisarda te avel lenđe so roden. 25 Muklas o kole savo sas zbog e pobuna thaj zbog o mudaripe čhudino ande tamnica, saves rodenas, a e Isuse dijas lenđe pe volja. 26 Kana inđardineles, astardine varesave Simune Cirenco savo avelas andar e njive thaj čhutine pe leste o trušul te inđareles e Isuseja. 27 Pale leste džalas but them, thaj e romnja save rovenas thaj kukinas pale leste. 28 O Isus boldape lende thaj phendas lenđe: “Čhejalen e Jerusalemske, na roven pe mande, nego roven pe tumende thaj pe tumare čhavra. 29 Kaj ake aven e đesa kana phenelapes: “Blago e nerotkinjenđe, blago e điješće savo či bijanda thaj e čučenđe save či dine thud.” 30 Askal čholape muj e gorenđe: “Peren pe mende!” thaj e begonenđe: “Učharenmen!” 31 ako gajda ćerelpe e zelene kaštenca, so ćerelape e šućeja?” 32 A inđarenas vi aver dujen zločinconen, te lesa mudarenlen. 33 Kana aviline po than savo akhardolas Lubanja, kote rzapnisardine les thaj godole zločinconen, jećhe pe lešći desno rig, a avre pe lešći levo rig, 34 A o Isus phenelas: “Dade, jarosar lenđe, či džanen so ćeren!” Von podelisardine lešće haljine maškar peste thaj čhudine e kocka. 35 O them ačhelaskote thaj dićhelas. A e šorvale marenas muj alavenca: “Averen spasisardas, neka akana spasisarel korkoro pes ako si vo o Kristo e Devlesko, izabraniko!” 36 Vi e vojnikurja marenas muj lestar, avenas paše leste thaj nudinas le e šuteja 37 phenenas: “Ako san tu o caro e židovengo, spasisar korkoro tut!” 38 peleste čhutune vi natpiso pe savo ramolas: “Akava si o caro e židovengo.” 39 Jek kadar e razapnime ratbojnikurja vređolas les: “Najsan li tu o Kristo? spasisar tut thaj vi amen!” 40 Askal aver mothodas: “Zar ni tu či daras e Devlestar, savo san pe isto sudo lesa? 41 amen sam pe pravda kaj primisardam so saslužisardam amare trajosa, a vo_ vo khanči bilačhe či ćerdas.” 42 Askal phendas: “Isuse, detu gođi mande kana aveja ando carstvo ćiro.” 43 A vo phendas lešće: “Čačes phenav tuće: “Ađes aveja manca ando rajo!” 44 Sas već katar o šovto sato kana nastanisarda o tunjariko pe sasti phuv_sa dži ke injato sato, 45 kaj o kha pomrači sajlo, a e hramsko firanglja pharjili po maškaral. 46 Thaj o Isus čhutas muj andar sasto glaso: “Dade, ande vas ćirepredaisarav o duho mungro!” Godova phendas, thaj izdahnisardas. 47 Kana o vojska vođa dikhlas so dogosisajlo, ačhilo te slavil e Devle: “Čačes akava rom (manuš) sas pravedniko!” 48 Sa o them savo ćidape te dićhel godova prizor dikhline so sas, boldenaspe ćhere thaj marenaspe ando kolin. 49 Maj dur ačhenas sa kola kaj pindžarenasles thaj e romnja save džanas pale leste andar e Galileja. 50 Thaj avilo o rom (manuš) alavesa Josif, većniko, rom (manuš) Čestito thaj pravedno; 51 Vo Či odobrisarda e odluka thaj e volja averenđi. Vo sas andar e Arimateja, gav e judejsko thaj ažućarelas o carstvo e Devlesko. 52 avilo ko Pilato thaj rodas o telo e Isusesko. 53 Pale godova fuljardinele katr o trušul, paćardinele ando pohtan thaj čhutineles ando limori ande savo još khonik nas čhutino. 54 Godova sas đes pale pripreme; thaj o savato već osanisardas. 55 A godova pratinas e romnja save aviline e Isuseja andar e Galileja: dićhenas po limori sar si položime o telo lesko. 56 Pale godova boldinepe de pripremisaren e mio mirisurja thaj e pomasti. ando savoto miruinas po propiso.