1 O Isus pherdo Dux Sveti irisajlo tari len i Jordan, thaj inđarda le o Dux ano than kaj naj khoni 2 thaj saranda đive o beng kušisada le. Thaj gola đive khanči ni xalja, thaj kana nakhle, vov bukhajlo.

3 Thaj vačarda lese o beng: “Te san e Devleso Čhavo phen kale barese te avol mangro.”

4 Thaj o Isus phenda lese: “Ano Sveto Lil ačhol: 'Ni ka avol đuvdo samo taro mangro.'”* 5. Mojs 8:3

5 Thaj ikalda le o beng ko učo than thaj sikada lese sa e thagaripa ki phuv tari jekh drom. 6 Thaj o beng vačarda lese: “Tuče ka dav sa kava lengo zuralipe thaj i slava, golese kaj manđe dijape, thaj me ka davla kase mangav. 7 Tu ako pere angle mingre koča sa ćiro ka avol.

8 Thaj o Isus vačarda lese: “Ano Sveto Lil ačhol: “Per ke koča e Rajose e Devlese ćirese, thaj lese jekhese kande.” † Pnz 6:13

9 Thaj inđarda le ano Jerusalim, thaj čutale najučeste po Hramo, thaj vačarda lese: “Te san e Devleso Čhavo, čude tu katar tele, 10 golese kaj ano Sveto Lil ačhol: 'Vov ka phenol pe melekurenđe te aračhen tut'

11 thaj: 'ka lol tut ke vasta te ma čalave tut ko bar će pingresa.'”‡ Psalam 91,11–12

12 Thaj o Isus vačarda lese: “Ano Sveto Lil si vačardo: 'Ma iskuši e Rajo e Devle ćire.'” § Pnz 6,16

13 Thaj kana ačhile sa e kušnje, o beng đelo nesavo vreme lestar đi ke aver nesavi prilika.

14 Thaj irisajlo o Isus ano zuralipe e Duxoso ani Galileja, thaj o lafi lestar đelo pe sa e thana. 15 Thaj sikada ane lenđe sinagoge, thaj savore šukar lestar vačarde.

16 Thaj avilo ano Nazaret kaj barilo, thaj avilo sar đala o adeti piro ko đive e savatoso ani sinagoga, thaj uštilo te čitil. 17  Thaj dijele o Lil e prorokoso e Isaijaso, putarda o Lil thaj araklja than kaj sasa pisimo:

22 Savorenđe sasa šukar, thaj sesa bahtale kale šukar lafesa so iklilo andaro leso muj, thaj phende: “Naj li kava e Josifeso čhavo?”

23 Thaj vačarda lenđe: “Čače, tumen manđe ka vačaren kaja poslovica: 'Lekarona, sastar korkore tut!' So šundam kaj čerdan ano Kafarnaum čer i kate ane ćo than kaj bariljan.'” 24 Tegani vačarda: “Čače vačarav tumenđe, nisavo proroko naj manglo ano po than kaj barilo'.” 25 A čače vačarav tumenđe: “But đuvlja kase roma mule sesa ano Izrael ano vreme e Ilijaso kana o ćeri phanglilo trin berš thaj šov čhon thaj sasa baro bukhalipe pe sa i phuv. 26 Thaj ki nijekh lendar naj sasa bičhaldo o proroko Ilija. Bičhaldo sasa ke abanđijengo foro Sarepta pašo Sidon ki jekh đuvli kaso rom mulo. 1 Kr 17. 27 Thaj but sesa gubava ano Izrael ko vreme e prorokoso e Jelisijeso, thaj khoni ni thodilo lendar, nego thodilo o Neman Sirijanco.” 2 Kr 5,1–14.

28 Thaj savore ani sinagoga pherdile holi kana kava šunde. 29 Thaj uštile thaj tradijele avral taro foro, thaj inđardele ko brego najuče kaj sasa čerdo lengo foro te čhuden le odupral natele. 30 A vov naklo maškar lende, thaj đelo pire dromesa.

31 Pale gova, o Isus ulilo ano Kafarnaum ano foro Galilejsko, thaj sikada ko đive e savatoso. 32 Thaj čudisajle lese sikavimasa, golese kaj leso vačaripe sasa zuralo. 33 Gothe ani sinagoga sasa manuš ane kaste sasa melalo dux e demoneso, thaj dija vika zurale 34 Vačarda: “Nakhav amen! So manđe amendar, Isuse taro Nazaret? Aviljan te mudare amen? Đanav ko san: Sveco e Devleso. 35 Thaj zorasa phenda lese o Isus: “Phande čo muj, thaj iklji lestar!” Thaj perada le o demono maškar e manuša, iklilo lestar, thaj khanči ni čerda lese bilačhe.

36 Thaj ane savorende avili i dar thaj čudisajle, thaj jekh averese vačarde: “Save si kala lafura! E zorasa thaj e autoritesa vačarol e melale duxurenđe, thaj von ikljen!”

37 Thaj đelo o lafi lestar ane sa e pašutne thana.

38 Uštilo gothar andari sinagoga thaj avilo ano čher e Simonese, a e Simonese sasuja sasa la bari groznica, thaj rodije lestar te vazdol la. 39 Thaj ačhilo upral late, pretisada e groznicaće, thaj mukhlja la. Sigate uštili thaj kandlja len.

40 Thaj kana pelo o kham, savoren kas sasa nasvale tare sajekh nasvalipe ande len angle leste, a vov pe savorende čhuta pe vasta, thaj sastarda len. 41 Thaj e benga iklile tare pherdo thaj dije vika thaj vačarena: “Tu san o Čhavo e Devleso!” Thaj darada len te ma vačaren khanikase golese kaj đanglje kaj si vov o Hrist.

42 Thaj kad iklilo o đive, iklilo thaj đelo ko than kaj naj khoni, thaj e manuša rodije le, thaj avile leste, thaj manglje te ačhaven le te ma đal lendar. 43 A vov vačarda lenđe: “Trubul ane avera forora te vačarav o Lačho lafi taro thagaripe e Devleso, golese sem bičhaldo.” 44 Thaj ni ačhada te vačarol ane sinagoge ani Judeja.