1 Tegani savore uštile thaj inđarde e Isuse ko Pilato. 2 Thaj lije te vačaren: “Arakhljam kale sar hohavol amare manušen, thaj ni dol te počinen o porez amare carose, a pese vačarol kaj si o Hristo, caro.” 3 O Pilato pučlja le: “Tu san o caro tari Judeja?” A vov irindoj vačarda lese: “Tu vačare.” 4 A o Pilato vačarda e šerutnenđe: “Me ni arakhav nisavo banđipe ane kava manuš.” 5 A von dije zori vačarindoj: “Vov pire sikaimnasa e manupen čerol bilačhen ki sa i Galileja thaj tari galileja đi akari. 6 O Pilat šunda baši Galileja pučlja: “Vov si Galilejco? 7 Thaj haljarda kaj si taro than e Irodeso bičhalda le ko Irodo, savo sasa gola đivesa ano Jerusalim. 8 A o Irod diklja e Isuse thaj sasa but lošame, golese kaj manglja te dičhol le, golese kaj but šunda lestar, thaj dija gođi kaj ka dičhol nesavo čudo. 9 Thaj pučlja baše but buča, a vov khanči ni vačarda lese. 10 A e šerutne e sveštenikurenđe thaj e učitelji tare Mojsijaso zakono ačhile, thaj but bilačhipe vačarde lestar. 11 A o Irod lađarda le angle pe vojnikura, thaj marda lesa muj, urada le ane parne fostano, thaj bičhalda le palal ko Pilat. 12 Thaj ane gova đive mirisajle o Pilat thaj o Irodo maškare peste, golese kaj angleder sesa ane čingara. 13 A o Pilat čidija e šorutnen e sveštenikurenđe thaj e barutnen thaj e manušen 14 Vačarda: “Anden manđe kale manuše kova sar e manušen banđarol, ake me angla tumende pučljem le, thaj ni arakhav ni jekh banđipe so tumen čhuven pe leste; 15 A i o Irod, golese kaj bičhaldem le leste, thaj ak khanči ni čerda te mudardol. 16 Gija ka mara le thaj ka mukha le. 17 A trubuja ke sa e bare đivesa te mučhol po jekhe Phangle. 18 A e manuša sa dije vika vačarindoj: “Le kale a muk amenđe e Varnava, 19 Savo sasa čudimo ano phanglipe savo čerda vazdipe ano foro thaj bašo rat. 20 A o Pilat Pilat vaĐi jekh drom vačarda kaj bi vov mučhola e Isuse. 21 Thaj von dije vika: “Čhu le ko krsto, čhu le.” 22 Thaj vov trito drom vačarda: “Savo bilačhipe vov čerda?” me khanči ni dikhav so bi mudardol, gija ka marav le thaj ka mukhav le.” 23 A von po but vazdije po glaso thaj manglje te čhuvolpe ko krsto, thaj lengo vačaripe šundilo po but nego e šerutnengo tare sveštenikura. 24 Thaj o Pilat vačarda te avol sar von so manđen. 25 Thaj mukhlja gole so manđen, savo sasa ano phanglipe bašo vazdipe thaj bašo rat, a e Isuse ačhada lenđe manđipase. 26 Thaj kana inđarde le, dolde nesave Simone tari Kirinija savo avola taro polje, thaj čute pe leste o Krsto te inđarol palo Isus. 27 A pale leste đele but manuša thaj đuvlja, save ruje thaj žalisade le. 28 A o Isus dikhlja pale lende vačarda: “Čhejalen e Jerusalemese! ma roven pale mande, roven pale tumende thaj pale tumare čhave. 29 Golese dik, đan e đivesa ane save ka vačarolpe: “Bahtarde kola đuvlja save našti bijanen, thaj e ođenđe save ni bijande, thaj e čučenđe save ni dije čuči. 30 Tegani ka vačaren e bregurenđe: “Peren pe amende”, thaj e planinenđe: “Učharen amen.” 31 Golese kaj ako akana čerolpe kava e jale kaštesa, so ka avol taro šuko? 32 Inđarde vađi duje bilačhe manušen lesa te mudaren. 33 Thaj kana avile ke kova than savo akhardola kokalo e šoreso, gothe čute ko krsto le thaj e duje bilačhe manušen, jekhe tari desno rig a avere ki levo. 34 A o Isus vačarda: “Dade! oprosti lenđe, golese kaj ni đanen so čeren.” A paše lese fostanura čudije barbuto. 35 A e manuša ačhile thaj dikhlje, a e barutne marde muj thaj vačarde: “Averenđe pomožisada, so ni pomožil korkoro pes akana, te si vov o Hristo, birimo e Devleso.” 36 A e vojnikura marde muj lesa, thaj avile paše leste thaj dijele šut. 37 Thaj vačarde “Te san tu caro e Judejako pomogni korkoro tuče. 38 A sasa pe leste upre pisipem, pisime ko grčko ko latinski thaj ko je jevrejsko: “Kava si caro e Judejako.” 39 A jekh tare bilačhe manuša so sesa ko krsto marda muj thaj vačarda lese: “Te san tu o Hristo pomogni tuče thaj amenđe.” 40 A o dujto aČhada le vačarda kale dujtonese: “Tu ni dara taro Dol, kana san i tu korkoro gija osudime? 41 Amen sam čače osudime, golese sam kate amare bučenđe, a vov nisavo bezeh ni čerda: 42 Thaj vačarda e Isusese: “Detu gođi manđe, Rajo! kana ka ave ane ćo thagaripe. 43 Thaj vačarda lese o Isus: “Čače vačarav tuče: ađive ka ave mancar ano raj.” 44 A sasa paše šovto časo, thaj o kalipe učharda i phuv đi ke enjato časo. 45 Thaj kalilo o kham, thaj e kanđiraći perdava pharadili ke opaš. 46 Thaj dija vika o Isus ande sa o glaso: “Dade! ane ćire vasta dav mo đi.” Vačarindoj gova mulo. 47 A kana diklja o kapetano so sasa, lija te hvalil e devle thaj vačarda: “Čače kava manuš sasa čačukane pačavno manuš.” 48 Thaj sa e manuša save čidijepe te dičhen kava, thaj kana dikhlje so sasa, a irisajle thaj mardepe ane pire kolina. 49 A savore save đangljele aČhile pi rig, thaj e đuvlja save đana pale leste tari Galileja, Thaj dikhlje kava. 50 Thaj dik, manuš, po alav Josif, sikavno, lačho manuš, thaj čače phačala sasa kotor taro sinedron 51 savo ni đelo pale lende thaj lenđe bučenca, tari Arimeteja o foro e Judejako, savo i korkoro ađučarda o thagaripe e Devleso, 52 Vov avilo ko Pilat thaj manglja o telo e Isuseso. 53 Thaj uljarda le, pačarda le pohtanosa, thaj čuta le ano limori čhindo, ane savo khoni naj sasa čuto. 54 Thaj o đive sasa paraštuj, a o savato lija te ikljol. 55 A e đuvlja save avile e Isusesa andari Galileja, đele palo Josif, dikhlje o limori thaj sar o telo čhuven. 56 Irisajle te čeren sung thaj miro, thaj savatone ačhade ko mir te avol palo zakon.