1 A o angluno đive ko purano kurko sabalin avile ko limori, thaj ande sunga save čerde, thaj nesave aver romnja lencar. 2 A arakhlje o bar crdimo taro limori. 3 Thaj đele andre thaj ni arakhlje o telo e rajoso e Isuseso. 4 Thaj kana čudisajle golese, dik, duj manuša ačhile angle lende ane sjajna fostanura; 5 A kana von darajle thaj perade pe šore tele, vačarde lenđe: “Sose roden đuvde maškar e mule. 6 Naj kate; uštilo, den tumen gođi kana sasa ani Galileja, 7 Vačardakaj o Čhavo e Manušeso trubul te dolpe ane vasta e manušenđe e bezehalenđe thaj ka čhuven le ko krsto thaj trito đive ka uštol.” 8 Thaj dijepe gođi lese lafurenđe. 9 Thaj irisajle vačarde e dešujekenđe thaj savurenđe averenđe. 10 A gova sasa i Magdalena Marija thaj i Marija e Jakovesi thaj avera save vačarde kava e apostolenđe. 11 Thaj lenđe čerdile lenđe lafura hohaipe thaj ni pačaje. 12 O Petar uštilo prastaja ko limori, kana banđilo diklja samo o pohtano savo ačhilo, thaj đelo čudisajlo ane peste so sasa. 13 Thaj dik, ane gova duj đene lendar đana ane gova đive ano gav savo sasa dur taro Jerusalim šovardeš stadijumura, akhardola Emaus. 14 Thaj von vačarena maškar peste tare kova so sasa. 15 Thaj von ko vačaripe pučlje jek avere, thaj o Isus avilo paše lende, thaj đele lesa. 16 A lenđe jakha phanglile te ma pinđaren le. 17 A vov vačarda lenđe: “Savo si gova vačaripe maškare tumende, thaj sose sem bilošime?” 18 A jekh ko alav o Kleopa, irindoj vačarda lese: “Tu san jekhoro taro Jerusalim savo ni šunda so sasa kala đivesa ane leste?” 19 Thaj vačarda lenđe: “So?” A von phende lese: “Bašo Isus taro Nazaret, savo sasa proroko zuralo ano čeripe thaj ano vačaripeanglo Dol thaj angle sa e manuša; 20 Sar dijele e šerutne e sveštenikurenđe thaj e barutne amare te sudin le ko meripe, thaj čutele ko krsto?” 21 A amen ađučardam kaj si vov kova savo ka ikalol o Izrael; a ake trito đive sar gova sasa. 22 A darade amen nesave đuvlja amare save sesa sabalin ko limori, 23 Thaj ni arakhlje o telo leso avile vačarde kaj e melekura vačarde lenđe kaj si vov đuvdo. 24 Thaj nesave amarendar đele ko limori, thaj arakhlje gija sar e đuvlja so vačarde, a le ni dikhlje. 25 A vov vačarda lenđe: “O bigođače thaj poločhe ilese pašo pačaipe so vačarde e prorokura! 26 Ni li trubuja o Hristos te načhol bilačhipe te đal ane piri slava? 27 Thaj lija taro mojsije thaj tare sa e prorokura te vačarol lenđe so ačhol ano Lil. 28 Thaj kana avile pašo gav ane savo đele, thaj vov čerola kaj manđol te đal dur lendar. 29 Thaj von ačhade le vačarindoj: “Ač amencar, kaj o đive đelo, thaj i rat paše. Thaj đelo lencar te račarol. 30 Thaj kana bešlo lencar ko astali, lija o mangro phaglja le bahtarda le thaj dija len. 31 Tegani lenđe jakha putajle, thaj pinđarde le. Thaj sigate najstalo. 32 Thaj von vačarde jekh averese: “Ni li phabile amare ile kana vov vačarda ko drom thaj kana vačarda amenđe o Lil?” 33 Thaj utile ane gova časo, irisajle ano Jerusalim, thaj arakhlje e dešujekhen sar bešen savore thaj save sesa lencar. 34 Save vačarde: “Čače uštilo o Rajo, thaj sikadape e Simonese. 35 Thaj von vačarde so sasa ko drom, thaj sar pinđarde le kana phaglja o mangro. 36 A kana von gova vačarde, thaj korkoro o Isus ačhilo maškare lende thaj vačarda lenđe: “Mir tumenđe.” 37 A von darajle, gija darandoj, dije gođi kaj dičhen duxo. 38 Thaj vačarda lenđe: “Sose daran? Thaj sose gija ane tumare ile den gođi? 39 Dičhen me vasta thaj me pingre: me sem šoresa, dolen man thaj dičhen golese kaj o duxo naj le telo thaj kokala sar so dičhen man isi. 40 Thaj kana vačarola gova sikada pe vasta thaj pe pingre. 41 A dok von ni pačaje taro lošipe thaj so čudisajle vačarda lenđe “Isi li kate khanči hamase?” 42 A von dijele kotor mačhe peče, thaj avđin. 43 Thaj lija em xalja angle lende. 44 Thaj vačarda lenđe: “Kava si me lafura save vačardem tumenđe kana sema tumencar, kaj trubul te avol sa so pisime ano zakono e Mojsijaso thaj ane prorokura thaj ane psalmura.” 45 Tegani putarda lenđi gođi te haljaren o Lil. 46 Thaj vačarda lenđe: “Gija si pisime, gija trubul o Hristos te mudardol thaj te uštol tare mule ko trito đive; 47 Thaj te vačarol pe pokajanje ane leso alav thaj oproštenje pe sa e manuša počnindoj kataro Jerusalim. 48 A tumen sen kola save dikhlje kava. 49 Thaj dik, me ka bičhalav o alavdipe (obećanje) e Dadeso pe tumende; a tumen bešen ano foro ko Jerusalim sa dok ni uraven tumen ani zor taro učipe.” 50 Thaj ikalda len avral đi ki Vitanija, thaj vazdija pe vasta savoren bahtarda len. 51 Thaj kana bahtarda len mukhlja le, thaj uštilo ko ćeri. 52 Thaj von pele pe pire koča, irisajle ano Jerusalim bare lošimasa. 53 Thaj sesa ano Hram hvalisade thaj bahtarde e Devle. Amin.