1 Ana zupa Naomina neve kazigati vahe'a mani'ne, agi'a Boasi'e. Agra Elimeleki naga nofipinti afufeno ne' mani'nege'za, rama'a vahe'mo'za ke'za antahi'za hu'naze.

2 Mago zupa Ruti'a Moaputi a'mo, Naomi asmino, natrege'na hozafi vu'na atresaza bali rga knarerema hunantesage'na tragama hanaza naga zamage nevu'na zogi'neno. Higeno Naomi'a mofa'nimoka, tagri tavutva'kinka amne vugahane huno hunte'ne. (Diut 24:19) 3 Higeno Ruti'a vuno bali rga traga nehaza vahe zamage nevuno evuramiama'a zogi atru huno vu'ne. Menima agra Boasi hozafi eri'zama omo eri'neana, agra Elimeleki naga nofipinti nere huno ontahi'ne.

4 Anama nehia knafi Boasi'a Betrehem kumateti eno, hoza traga nehaza vahe'agu kezatino Ra Anumzamo'a tmagrane manigahie, hige'za zamagra nona'a, Ra Anumzamo'a asomu hugantesie, hu'za hu'naze. 5 Boasi'a, hoza traga nehaza vahe'mokizmi kva ne' antahigeno, Amu zahufa ara aza naga nofipinti a' emani'ne? 6 Bali traga nehaza vahe'te kva ne'mo anage hu'ne, Agra Moabuti zahufa are, Moabu kumateti Naomi'ene magoka ena'e. 7 Ruti'a eme nantahigeno, Knare bali tragahu vahe'mokizmi zamage nevu'na, bali rga manute ananekisafinti evu ramisiama'a zogi atru hutere hugaho? Huno hige'na, knarere hunte'noe. E'neregati nantera agafa huno hampona atino tusi eri'za manigsa osu enerino, tona nompina osi'a kna manigsa nehie.

8 Higeno Boasi'a anage Rutinku hu'ne, Mofanimoka antahi ankero, mago hozafina atrenka vunka bali rga ome zogi atru osutfa huo. Kagra ama'na hozafinti'ra, atrenka ru hozafina ovugahane. Eri'za a'ne nagani'ane tragotenka eri'zana erigahane. 9 Ke ankerenka vene'ne mo'za e'i'na hozafi eri'zana eri'zanki nehunka, eri'za a'ne naga zamage huo. Vene'nemo'za kvako osiho hu'na nagra zamasmi'gahue. Kagri'ma tinku kvesi snigenka, vunka vene'nemo'za ome afi'za eme ante'naza kvofinti afinka no. 10 Ruti'a agiafi rena reno anuna mopafi avugosagati hunteno, agriku anage hu'ne, Nahigenka nagrira knare'zana hunantenka, nagrikura kagesa antahi nenamine, nagrama ru mopareti a'ma mani'noana? 11 Higeno, Boasi'a nona'a Rutinku anage hu'ne, Maka'zama negave'ma fri'nereti'ma negnoferoma huntenka e'nana'zane, negfane, anta'kane, mopaka'anema atretenka kora antahinka, kenka osu'nana vahe'enena emani'nana kagenke ka'a ko nagrira nasmige'na antahi'noe. 12 Anama hu'nana nona'a, Ramo mizana kamisie. Knare kvukva zantera Israeli Ra Anumzamo nona huno ante avitegantesie, kagrama kva hunante'snie, hunkama hu'nana Anumzamo. 13 Anante Ruti'a anage hu'ne, Kagra knare'za nagrira hunenantane ramoka, na'ankure nagra mago kagri eri'za ara omni'noanagi, kagra nazeri so'e nehunka, knare keaga hunami'nane.

14 Henka ne'za nenaza knare, Boasi'a Rutinku anage hu'ne, Amare enka breti eme nenenka, hagi breti ka'a vinega timpi refru hunka no! Higeno bali tragahu vahe'mokizmi zamasoparega umani'negeno tevefi kre hagege hu'naza bali rga fko humigeno Ruti'a nenegeno amu higeno mago'a eriri'ne.

15 Anante Ruti'a otino bali rga eri atru hunaku nehigeno, Boasi'a eri'za vahe'a zamasmino, Atrenkeno ama a'mo'a bali rga ko'nama anakinte'naza amu'nompi vano nehuno zogino. Ahe onatiho. 16 Anahu kna hutma agri tfana, ko'na anakinte'pintira rga'a rmina avazuhu atre'nenkeno agra zogirino, hagi i'o hutma huonteho.

17 Ana higeno Ruti'a hozafinti bali rga zogi atru nehigeno kinaga se'ne. Anante agrama zogi atru huno hareno eriri'nea bali rgamofo kna'amo'a 10ni'o, 13ni'a kilo naza fore hu'ne.

18 Ruti'a zogirino, erino rankumate vigeno, nenofero'a nama'a zogirino e'neo ke'ne. Agra mago'a kre hagegehu balima feru nenegeno amu'ma higeno eriri'nea ne'zana Naomina hefimi'ne. 19 Naomi'a, nenoferona amanage huno antahige'ne, Inante menina bali rga eritru hu'nane? Inante eri'zana eri'nane? Aza'o kagriku'ma agesa antahino kza hu'nesimofona asomu huntegahie. Higeno Ruti'a nenoferona aza'ene eri'zana eri'neo, nesmino anage hu'ne, Nagrama menima eri'zama eri'noa ne'mofo agi'a, Boasi'e huno asmi'ne. 20 Naomi'a nenoferonku anage hu'ne, Ra Anumzamo agrira asomu huntegahie, na'ankure Ramo fri'naza nagakura age oknino, mani'nona nagara so'e hunerante. Anante Naomi'a, Rutina asmi'ne, Ama'na nera tagri tvate kora mani'ne, agra tagri kegva hurantegahie. 21 Ruti, Moapu a'mo ke nona'a anage hu'ne, mago'ane nagriku anage hu'ne, Kagra eri'za vaheni'a mokizmi zamate manitere nehnanke'za nagri hozafinti ne'zana tragahu vgaregahaze huno nasmi'ne. 22 Naomi'a, anante nenofero Rutina anage huno asmi'ne, Mofa'nimoka agri eri'za mofa'nene tragotenka eri'zante vnanana knare hugantegahie. Na'ankure ru vahe hozafi'ma eri'za omerisanana, hazenke'zamo kvufare egahie.

23 Ana higeno Ruti'a, Boasi eri'za mofane zgane tragoteno bali rga zogino eritru nehigeno, bali hozama tragahu eri'zamo'a vgaregeno, witi hozama tragahu eri'zamo'a anante vgare'ne. Ana eri'zama vgaregeno'a Ruti'a nenofero'ene mani'ne.