Pola ma lamŋirina reik, ma ndomo mona kam ndoprina
16
(16.1-24)
Pol ma Ierusalemma neaŋ taŋna kitukndukna kamma an ndoprina
Up 24.17, na Ro 15.25-26, na 2 Ko 8.1-9, na Gal 2.10Na mandeaca aku gan kitcartukara ne iurenanmo, Raraŋ Aetaniacna meikramtaɨra Ierusalem ndeacrenanna, neaŋna morena kitukndukna kammap. Na an Iesusna rɨtɨpaikta meikramtaɨrta tumbunna an Galesia ndeacrenan, aku minmo taup wandacrinan, na ne toco ne ainda mo. Up 20.7, na KIEK 1.10Na karwaina ŋgat kabe, kabena rai lacaumo, nena kabe, kabea an ra taŋga maiapekna ŋgatna rana inikca, ne aŋgɨra tɨkrina kitukndukarmo titaca tɨpmo ndorita kaikca tɨkca moi aniac motem ndaruna. Ŋarikca aku kɨp te, ne mina neaŋna kituknduk nake mba oreitndai. Ne minmo neaŋna kituknduk emtemap eacnandet. Na kaina oitna mɨnna aku kɨpi laruek, ne ndorita ramtaɨr ndepik larapaca, ne minmo an wanaiŋna opotaca momona kituknduk aŋgɨca neaŋca mina Ierusalemma taŋna. Te, aku minmo timbiŋ rapara moi neaŋca minmo mandaca mina taŋna. Na aku minap taŋna ndamŋi te, anna laŋ auk toco minap taŋnande, te, mina aukap taŋnande.
Pol ma Korinnanda watna taŋna toŋgorina
Up 19.21Na aku Masedoniana pitrik waŋ aniacna inik ndeacrena meikramtaɨrmo pac taŋi watcarica, iŋmbaia aku kɨpca nenmo watnande. Ro 15.24, na Ta 3.12Na aku nenapmo emtem pac eac mandacnande. Na aku mba lamŋiri, aku nenapmo eaci taŋi macait aniacapa wat gagau aniac mait ki? Te, iŋmbaia aku kabena auŋa taŋna mo te, ne aukmo otaca aku taŋnandet. Up 18.21Na aku ndomo nenapmo kɨdrɨk tekemmotem niŋgikca ndeteac mba toŋgori. Wanaiŋ. Na Kacootta ndo aukmo watcari te, aku nenapmo kɨdrɨk rocotcait motemma nenap eacnande. TN 23.15-21, na TW 16.9-11 Up 19.8-10Na aku ndomo Epesus ndeaci taŋi Pentikosna ra ndaru ndopat tik. Up 14.27, na 19.8-10, na 2 Ko 2.12, na Kol 4.3, na KIEK 3.8Aintik Raraŋ Aetaniaca ma aukna taupmo ma moa waekerina. Na aku aiŋ bagaraniacap, aku meikramtaɨrmo otaca minmo moi meikramtaɨr wandoik taruna. Na puŋnaŋgep wɨt aniac toco maeacreke.
10  1 Ko 4.17Na iŋmbaia Timoti ma nen ndambuŋ nakɨp te, ne mataucari, ma nena inikmo ma nikinik iro wetwet ŋgoin ndeacnande. Na ne warac, ma Kacootna aiŋa morena ramoot, an auk morena aiŋna kirar. 11 Na ŋarikca nena ianna manmo, anmo ramoot wanaiŋ ndopca mana kamma warac narica kari nari. Wanaiŋ. Ne mana iromo moi laŋa moca, manmo otaca, iŋmbaia ne manmo auk ndambuŋ nakɨpna taup wandaca ma auk ndambuŋ nakɨpnandet. Na aku Iesusa rɨpacrena laiplacar ndeida manap kɨpna lambinande.
12  1 Ko 1.12, na 3.6Na aina kaka Apolosna kam mananna gaind, memetmbaca auk manmo gagaraca mboprena manapa Iesusa rɨpacrena laiplacar ndeidap, minmo nena kɨpi watna moca. Na ma ndomo mandebanna tataŋa karica. Na iŋmbaia ma kɨpna ndop te, ma kɨpnandet.
Kabena kamb ndeid
13  Ŋap 31.24, na 1 Ko 15.1, na Epe 6.10, na Pil 1.27, na Kol 1.11, na 1 Te 5.6Na ne matau rɨpac gagraca, ndori koindmo matau wati eac. Na ne matau wɨtɨk gagra, na ne kai nanambi teac. 14  1 Ko 14.1, na 1 Pi 4.8Na an reik wɨt anikca ne morenan, ne ndorita mamatŋimo Raraŋ Aetaniacapa, meikramtaɨrmo gidikca neaŋ.
15  Ro 16.5, na 1 Ko 1.16Na ne Iesusa rɨpacrena laiplacar, ne Stepanasna wiwitnanmo ne malamŋireke. Mina Akaiana pitrik waŋna meikramtaɨr, na mina outta Iesusa rɨpacatna laiplacar ndaruatna. Na mina toŋtoŋ mbuŋ, mina Raraŋ Aetaniacna meikramtaɨr ŋgotacna aiŋna ramtaɨr ndaruatna. Na aku nenmo digdigi gargar madigiek, 16  1 Te 5.12aintik ne ainta ramtaɨrap, na an ramtaɨra min ŋgotaca an aiŋa morena ramtaɨrta kaŋgauk ndeac.
17 Na Stepanasapa, Potunatasapa, Akaikasap, mina auk ndambuŋ nakɨpatke, anna moca aku toŋtoŋ ŋgoin. Na anna gaind, ne auk ndambuŋ nakɨpna mɨnna wanaiŋ, aintik mina nen ŋgotaca mina auk ndambuŋ nakɨpatna, 18  Pil 2.29na an ramtaɨra mina aukna iro inikca moa wewettari, nena iro inik motocmo moa wewettarina. Aintik ne aintocna ramtaɨrmo mina irembmo aŋgɨri ŋgep.
19  Up 18.2, na 18.18, na 18.26, na Ro 16.5, na 2 Ti 1.15Na Iesusna rɨtɨpaikta meikramtaɨrta tumnambca Esiana pitrik aniacna inik ndeacrenanna, mina nenmo ra laŋ neaŋrina. Na Akuwilaapa, Pirisila, maniŋna kacnɨma punirena Iesusna rɨtɨpaikta meikramtaɨrta tumbunap, mina memetmbac ŋgoinna nenmo Kacootna i mbuŋa nenmo ra laŋ neaŋrena. 20  Ro 16.16, na 2 Ko 13.12Na an Iesusa rɨpacrena laiplacar mina muruŋa nenmo ra laŋ neaŋrina. Na an kirara aia Raraŋ Aetaniaca raŋgaica morena kirar mbuŋa, ne muruŋa kabe, kabea an Iesusa rɨpacrena laiplacarmo, minmo pipopotaca mo.
21  Kol 4.18, na 2 Te 3.17Na aku Pol, aku ndona par mbuŋa nenmo an ra laŋ tirrina.
22  Gal 1.8-9Na ramoot ianna ma ndona mamatŋimo Kacootmo neaŋ ŋgocor te, ma ŋgocrainandet. Na aina Kacoot, u kɨp!
23 Na Kacoot Iesus Karaisna kakadmai aniac mananna nenap eacnande. 24 Na Karais Iesusna i mbuŋa aku ndona mamatŋimo nenmo muruŋcamiŋa neaŋrina, na anna gidik.

16:1 Up 24.17, na Ro 15.25-26, na 2 Ko 8.1-9, na Gal 2.10

16:2 Up 20.7, na KIEK 1.10

16:5 Up 19.21

16:6 Ro 15.24, na Ta 3.12

16:7 Up 18.21

16:8 TN 23.15-21, na TW 16.9-11

16:8 Up 19.8-10

16:9 Up 14.27, na 19.8-10, na 2 Ko 2.12, na Kol 4.3, na KIEK 3.8

16:10 1 Ko 4.17

16:12 1 Ko 1.12, na 3.6

16:13 Ŋap 31.24, na 1 Ko 15.1, na Epe 6.10, na Pil 1.27, na Kol 1.11, na 1 Te 5.6

16:14 1 Ko 14.1, na 1 Pi 4.8

16:15 Ro 16.5, na 1 Ko 1.16

16:16 1 Te 5.12

16:18 Pil 2.29

16:19 Up 18.2, na 18.18, na 18.26, na Ro 16.5, na 2 Ti 1.15

16:20 Ro 16.16, na 2 Ko 13.12

16:21 Kol 4.18, na 2 Te 3.17

16:22 Gal 1.8-9