Pola Tesalonikanandmo iŋmbaia mac tiratna timbiŋ rapar
Outna kam
Tesalonika auŋ aniacna Iesusna rɨtɨpaikta meikramtaɨrta tumbuna tamtam ŋgoin ndamŋirena. Iesusna nda kɨkɨpna ra, kaina reac ŋgoinna laruit. Na mina ndeida gaindopatna, Kacootna ra aniaca malaruri. Ainda moca Polapa, Sailasapa, Timoti, mina gan timbiŋ rapara tirca minmo, moi iroar inkara moi wandoŋaina.
Na Pola aindopatna, an ra mba larureke. Out ŋgoinna meikramtaɨra kocnai ŋgoinna garurunandet, te, titocna kaina tɨpemb kirarir ŋgorikca kocnaia moi gagraca laruraŋnandet. Te, tɨp wandɨkmo ndarena ramoot ianna larunande, na ma Karaismo puŋndamootta monandet.
Ri, Pola meikramtaɨrmo mbopca mina ndorita rɨtɨpaikmo mo gagraca eacraŋ, na mitkarmo mbukraŋ. Na ma toŋgorinanna, mina gagraca ndorimo bubuocraŋ. Na an tɨpna kirara manapa mana aiŋ kabena ramtaɨra morenanna, Tesalonikananda anna raŋgaina. Ainda moca mina ndori ŋgopotacna aiŋa mona kai ŋate teac, na kabena meikramtaɨrmo otacna kai ŋate teac.
Kacootna ra aniaca iŋmbaia larunande
1
(1—2)
Up 17.1, na 1 Te 1.1Na aia ramtaɨr mbonkac, Sailasapa Timotiapa aukap, aia gan timbiŋ raparmo ne an auŋ aniac Tesalonikana Iesusna rɨtɨpaikta meikramtaɨrta tumbunna, ne aina Raraŋ Aetaniac Aetapa, Kacoot Iesus Karaisap mɨkca eacrenanmo, tirca neaŋga makɨpek.
Ro 1.7Na aina Aet Raraŋ Aetaniacapa Kacoot Iesus Karaisa nenmo, kadmaica nena iroar inkarmo, moi wewettaca laŋ ndeacnandet.
Tesalonikanaŋgepmo mitkara larunanmo kɨdrɨkca mina gagaraca wɨtɨkrenan
1 Te 1.2-3, na 2 Te 2.13Ainda moca aia Iesusa rɨpacrena laiplacar, aia memetmbaca aia nena lamŋireke, na aia Raraŋ Aetaniacmo kam laŋ neaŋrenan. Na aia ainda morinanna anna laŋ ŋgoin, anna nena rɨtɨpaikmo moi gagrar koind tarurnandet, na ne muruŋa kabe, kabea nena mamatŋimo kabena meikramtaɨrmo neaŋrenan. Ri, an tɨpna kirara ma larurinan. 2 Ko 7.4, na 7.14, na 1 Te 2.19, na KIEK 1.9Na anna mɨnɨŋna moca an kɨdrɨkca aia Raraŋ Aetaniacna Iesusna rɨtɨpaikta meikramtaɨrta tumbunna tamtamma taŋ te, aia nena irembmo aŋgɨra ŋgeprenan. Na aia meikramtaɨrmo an tɨpemb kirarir ŋgorik muruŋa puŋnaŋgepca nenmo morenanapa, an mitkara nenmo larurenanna minmo mboprena. Na aia gaindoprena, “Tesalonikananda mina ndorita rɨtɨpaikmo gagraca utiŋrenan, na an mitkarapa gɨgɨrarmo muruŋa mbukrena.”
Raraŋ Aetaniaca ma aimo tɨpemb kirarir wandoikca riptirena
Pil 1.28Na an reikca nenmo larurenan mbuŋa, Raraŋ Aetaniaca aimo gainda wandacrina, ma tɨpemb kirarir wandoik tiŋgikca morenan, na ma aina tɨpemb kirarirmo ritrirena. Na ne gɨgɨrara aŋgɨrenanna, anna gaind, ne Raraŋ Aetaniacna bubuoca mo ŋgepna moca, te, ma nenmo moa ne mana bubuoca eacna mɨn ŋgoin. Ro 12.19, na KIEK 18.6-7Na Raraŋ Aetaniac, ma tɨp kirar wandoŋmo gainda monandet. Meikramtaɨra nenmo makukara neaŋrenanna, ma minmo makukar anikca nda rutica neaŋnandet. Mt 25.31, na 1 Te 3.13, na 4.16Na mandeaca ne aŋgɨrena makukarmo ma mo mainandet, na ma nenapa aimo wɨktɨtɨkca neaŋnande. Na Raraŋ Aetaniaca an kɨdrɨkca ainda monandet, te, an kɨdrɨkca Kacoot Iesusapa, mana mbaiŋna aiŋa morena ŋerŋgaur gagrara muruŋcamiŋa tamuŋna auŋmo tɨkcarica irikca raekca laru te, ma tac aniac ŋgoin mbuŋa kɨpnandet. Ŋap 79.6, na Ais 66.15, na Ier 10.25, na Ro 2.8, na 1 Pi 4.17Na meikramtaɨra Raraŋ Aetaniacmo lamŋi narica morenanapa, aina Kacoot Iesusna kam wembaŋ laŋa raŋgai ŋgocortanmo, ma minmo mo ŋgocrainandet. Ais 2.10, na 2.19-21, na Pil 3.19, na 2 Pi 3.7Na mina opoik ŋgorikmo gainda aŋgɨnandet. Mina Kacootapa mana memetacna tac aniacna gargarmo tawan ŋgoinna eacnandet, te, mina ŋgocraica iarwara eacraŋnandet. 10  Ŋap 68.35, na 89.7, na Kol 3.4, na 1 Te 3.13Na an ra, Raraŋ Aetaniaca larapacrinanna, mana meikramtaɨra manmo muruŋa rɨpacrenanna, mina mana i aŋgɨ ŋgepca manmo toŋtoŋ aniac ŋgoinna monandet. Na ne toco, manap toŋtoŋa monandet, na anna ne Raraŋ Aetaniacna kambca aia nena rɨkmo wiwitirinanmo, ne manmo gidik ŋgoinna rɨpacrina.
Mina Raraŋ Aetaniacmo mbendeia ma Tesalonikanaŋgepmo moi gagrana
11  Kol 1.9, na 1 Te 1.2-3Na aia an laruna morena reikta moca aia lamŋirena, na memetmbaca aia ndorita Raraŋ Aetaniacmo mbendeirenan, te, ma nenmo otacna. Na aia toŋgorinanna, ma nenmo moca ne mona mɨn ŋgoinna tɨpemb kirarira ma acrinanna ne anna mo. Aintik aia manmo mbendeica ma nenmo gargara neaŋ te, ne an tɨpemb kirarir laiŋga muruŋa nena rɨtɨpaikca mona ŋgeprinanna ne anna mo. 12  Ais 24.15, na Mal 1.11, na 1 Pi 1.7, na 4.14Na an tɨpemb kirarir puŋga ne aina Kacoot Iesusna i aŋgɨ ŋgep te, ma nena iremb motocmo aŋgɨca ŋgepnande. Na aina Raraŋ Aetaniacapa, Kacoot Iesus Karaisa nenmo kadmaica an reikmo nenmo moi larunande.

1:1 Up 17.1, na 1 Te 1.1

1:2 Ro 1.7

1:3 1 Te 1.2-3, na 2 Te 2.13

1:4 2 Ko 7.4, na 7.14, na 1 Te 2.19, na KIEK 1.9

1:5 Pil 1.28

1:6 Ro 12.19, na KIEK 18.6-7

1:7 Mt 25.31, na 1 Te 3.13, na 4.16

1:8 Ŋap 79.6, na Ais 66.15, na Ier 10.25, na Ro 2.8, na 1 Pi 4.17

1:9 Ais 2.10, na 2.19-21, na Pil 3.19, na 2 Pi 3.7

1:10 Ŋap 68.35, na 89.7, na Kol 3.4, na 1 Te 3.13

1:11 Kol 1.9, na 1 Te 1.2-3

1:12 Ais 24.15, na Mal 1.11, na 1 Pi 1.7, na 4.14