Ɔ̃mɛ wá taitai,

kási a wá gbã́gbãɛ.

Ɔ̃mɛ wá kɛ́ ĩa,

kási a ɛsɛkɛwàwɛ̃ɛɛ.

2Gↄↄpla gbɛa a wá lɛ́ ń láo,

a gↄↄ àaↄ̃de zĩ́ i wá fɛlɛ,

wíↄ kuaànↄ.

3Wà Dii dↄ̃ wà pɛ́lɛ aà dↄ̃ai.

Lá gudↄa sea vĩo, a bↄ mↄ́wá,

a mↄ́wá lán káabuan louwa,

lán lou gbɛzã pↄ́ ì kwɛ tↄↄlɛwawa.

4Ɛflaiũ buiↄ, bↄ́ má kɛánↄi?

Yudaↄ, bↄ́ má kɛánↄi?

Á yeamazi dɛ lán suawaɛ,

lán kↄↄkↄↄ fíi pↄ́ ì gɛ̃zɛawa.

5A yã́i tò ma á zↄ̃́ɛzↄ̃ɛ

ń yã́ pↄ́ bↄ̀ ma lɛ́uo,

ma á dɛdɛ ń ma ãnabiↄ yã́o.

Ma yã́kpalɛkɛaánↄ bↄ̀ lán loupilɛawa.

6Gbɛ̃kɛkɛakↄ̃ɛ ↄ̃ má yei,

i kɛ ma gbagbaa no.*

Ma dↄ̃a Lua ũ maa dɛ sa pↄ́ wì a pↄ́ kátɛu à tɛ́kũa.

7Aa ma bàakuańnↄ yã́ gbòo,

aa bↄ ma kpɛ Adama.

8Galada bùsudeↄá yãvãikɛnaↄnɛ,

gbɛ̃dɛ'au mɛ́ ìↄ tɛ́ ń iau.

9Lá gbãamↄnɛdeↄ ì gbɛ̃́ↄ kpákpa,

màa sa'on gãliↄ ì kɛ,

aaì gbɛ̃́ↄ dɛdɛ Sikɛũ zɛ́u,

we aaì dàakɛunɛ́.

10Ma yã́ pↄ́ ì dimá è Isailiↄwa,

Ɛflaiũ buiↄ ńzĩa kpà gbãsĩkɛawa,

Isailiↄ gbãlɛ̀.

11Á Yudaↄ sↄ̃ a ma vãikɛa guu,

a ka kɛkɛa!