1Higa ndigo madzina ga Ayahudi ariouya Jerusalemu na midzi yanjina ya Juda kula jimbo arikokala akatsamizwa kpwa lazima ni Nebukadineza, mfalume wa Babeli. Osi auya kpwenye midzi yao. 2Atu aha auya phamwenga na Zerubabeli, Jeshuwa, Nehemia, Seraya, Reelaya, Modekai, Bilishani, Misipari, Bigbwai, Rehumu na Baana.

Na hino ndiyo isabu ya alume a Chiiziraeli ariouya kula ko arikokala akatsamizwa kpwa lazima: 3Kula chivyazi cha Paroshi, atu elufu mbiri gana mwenga mirongo sabaa na airi. 4Atu a chivyazi cha Shefatia kala ni magana mahahu mirongo sabaa na airi. 5Kula chivyazi cha Ara, atu magana sabaa mirongo sabaa na atsano. 6Atu a chivyazi cha Pahathi-Moabu, ariokala ni a chivyazi cha Jeshuwa na Joabu kala ni atu elufu mbiri magana manane na kumi na airi. 7Atu a chivyazi cha Elamu kala ni elufu mwenga magana mairi mirongo mitsano na ane. 8Atu a chivyazi cha Zatu kala ni magana tisiya mirongo mine na atsano. 9Atu a chivyazi cha Zakai kala ni magana sabaa na mirongo sita. 10Atu a chivyazi cha Bani kala ni magana sita mirongo mine na airi. 11Atu a chivyazi cha Bebai kala ni magana sita mirongo miiri na ahahu. 12Atu a chivyazi cha Azigadi kala ni elufu mwenga magana mairi mirongo miiri na airi. 13Atu a chivyazi cha Adonikamu kala ni magana sita mirongo sita na sita. 14Atu a chivyazi cha Bigbwai kala ni elufu mbiri mirongo mitsano na sita. 15Atu a chivyazi cha Adini kala ni magana mane mirongo mitsano na ane. 16Atu a chivyazi cha Ateri, kutsupira chivyazi cha Hezekiya, kala ni mirongo tisiya na anane. 17Atu a chivyazi cha Bezai kala ni magana mahahu mirongo miiri na ahahu. 18Atu a chivyazi cha Jora kala ni gana mwenga kumi na airi. 19Atu a chivyazi cha Hashumu kala ni magana mairi mirongo miiri na ahahu. 20Atu a chivyazi cha Gibari kala ni mirongo tisiya na atsano.

21Atu a Bethilehemu kala ni gana mwenga mirongo miiri na ahahu. 22Atu kula mudzi wa Netofa kala ni mirongo mitsano na sita. 23Atu a Anathothi kala ni gana mwenga mirongo miiri na anane. 24Atu a Azimawethi kala ni mirongo mine na airi. 25Atu kula mudzi wa Kiriathi-Jearimu, Kefira na Beerothi kala ni magana sabaa mirongo mine na ahahu. 26Atu a mudzi wa Rama na wa Geba kala ni magana sita mirongo miiri na mmwenga. 27Atu a mudzi wa Mikimashi kala ni gana mwenga mirongo miiri na airi. 28Atu a mudzi wa Betheli na Ai kala ni magana mairi mirongo miiri na ahahu. 29Atu a mudzi wa Nebo kala ni mirongo mitsano na airi. 30Kula Magibishi, atu gana mwenga mirongo mitsano na sita. 31Atu a mudzi wanjina wa Elamu kala ni elufu mwenga magana mairi mirongo mitsano na ane. 32Atu a mudzi wa Harimu kala ni magana mahahu mirongo miiri. 33Atu a mudzi wa Lodi, Hadidi na Ono kala ni magana sabaa mirongo miiri na atsano. 34Atu a mudzi wa Jeriko kala ni magana mahahu mirongo mine na atsano. 35Atu a mudzi wa Senaa kala ni elufu tahu magana sita mirongo mihahu.

36Hinya ndio alavyadzi-sadaka ariouya kula ko arikokala akatsamizwa kpwa lazima: A chivyazi cha Jedaya kutsupira Jeshuwa kala ni magana tisiya mirongo sabaa na ahahu. 37A chivyazi cha Imeri kala ni elufu mwenga na mirongo mitsano na airi. 38Atu a chivyazi cha Pashihuri kala ni elufu mwenga magana mairi mirongo mine na sabaa. 39Kula chivyazi cha Harimu kala ni atu elufu mwenga na kumi na sabaa.

40Hinya ndio Alawi ariouya kula ko arikokala akatsamizwa kpwa lazima, kula chivyazi cha Jeshuwa wa Kadimieli, a mbari ya Hodavia kala ni atu mirongo sabaa na ane. 41Alawi aimbadzi ariouya kala ni: kula chivyazi cha Asafu, atu gana mwenga mirongo miiri na anane. 42Arindzi a miryango ariouya kala ni a chivyazi cha Shalumu, Ateri, Talimoni, Akubu, Hatita na Shobai, osi kala ni atu gana mwenga mirongo mihahu na tisiya.

43Atumishi a nyumba ya kuvoya Mlungu ariouya kala ni a chivyazi cha Siha, Hasufa, Tabaothi, 44Kerosi, Siaha, Padoni, 45Lebana, Hagaba, Akubu, 46Hagabu, Shalimai, Hanani, 47Gideli, Gahari, Reaya, 48Resini, Nekoda, Gazamu, 49Uza, Pasea, Besai, 50Asina, Meunimu, Nefusimu, 51Bakibuku, Hakufa, Harihuri, 52Baziluthi, Mehida, Harisha, 53Barikosi, Sisera, Tema, 54Nezia na Hatifa.

55Chivyazi cha atumishi a Selemani ariouya kala ni a chivyazi cha Sotai, Hasoferethi, Peruda, 56Jaala, Darikoni, Gideli, 57Shefatia, Hatili, Pokerethi-Hasebaimu na Ami.

58Jumula ya atumishi a nyumba ya kuvoya Mlungu na atu a chivyazi cha atumishi a selemani kala ni atu magana mahahu mirongo tisiya na airi.

59Hinya alungirao ni hara ariouya kula midzi ya Teli-Mela, Teli-Harisha, Kerubi, Adoni na Imeri arikokala akatsamizwa kpwa lazima, ela taayaweza kuonyesa kukala akare aho ala Iziraeli. 60Na atu a chivyazi cha Delaya, Tobia na Nekoda kala ni magana sita mirongo mitsano na airi. 61Piya kahi ya chivyazi cha alavyadzi-sadaka, kuna anjina ambao taayaweza kuonyesa kukala akare aho ala Iziraeli nao ni atu a nyumba ya Habaya, ya Hakozi na ya Barizilai (Barizilai hiyu wahaswa dzina hiro bada ya kulóla mwana mchetu wa Barizilai wa kula Giliadi). 62Atu aha aendza madzina gao kpwenye chitabu cha kumbukumbu za madzina ga vivyazi, ela taagaonere tse, kpwa hivyo achikahazwa kukala alavyadzi-sadaka mana aisabiwa kukala ni najisi. 63 *Kpwa hivyo liwali achiaambira asirye chakurya chitakatifu zaidi hadi mlavyadzi-sadaka ndiphouza ushauri kpwa Mwenyezi Mlungu kuhumira Urimu na Thumimu.*

64Jumula ya atu ariouya kula arikokala akatsamizwa kpwa lazima kala ni atu elufu mirongo mine na mbiri magana mahahu na mirongo sita. 65Mbali na hinyo, kala ana atumishi alume na achetu elufu sabaa magana mahahu mirongo mihahu na sabaa, na aimbadzi magana mairi, alume kpwa achetu. 66Piya kala ana farasi magana sabaa mirongo mihahu na sita, nyumbu magana mairi mirongo mine na atsano, 67ngamia magana mane mirongo mihahu na atsano, na punda elufu sita magana sabaa na mirongo miiri.

68Ariphofika nyumba ya Mwenyezi Mlungu yokala hiko Jerusalemu, vilongozi anjina a mbari alavya mitsango yao kpwa ajili ya kudzenga luphya nyumba ya kuvoya Mlungu pho phokala yo ya mwandzo. 69Chila mutu walavya kadiri ya uwezowe kpwa ajili ya kazi iyo, na vyosi phamwenga kala ni kilo magana matsano za zahabu, kama kilo elufu mbiri magana manane za feza na mavwazi gana mwenga ga alavyadzi-sadaka.

70 *Kpwa hivyo alavyadzi-sadaka, Alawi, aimbadzi, arindzi a maryango na atumishi a nyumba ya kuvoya Mlungu asagala kahi ya midzi yao, na nyo Aiziraeli anjina ariosala nao asagala mwao midzini.