ዹሚ ቤሲ ዳውሲ ዳኬኔ።

ታና ሌሊ ዒዚ ጳርቄ ጎይሣ ዴዔኔ።

ሜጌፆዋ ታኣኮ ሜንሤኔ።

ዹሚዳ ታና ዴይሢ ሃሼኔ።

ካኒ ቢራታና ታና ዒ ቱኬኔ።

ታኣሲ ዋይዛኒ ዒዚ ኮዒባኣሴ።

ታኣኒ ዴንዳ ካሮዋ ሺርሺ ዎቢሴኔ።

ጊንሣ ሃሣ ታና ዎዻኒ ጊኢጊ ዔቄ ዞቢ ማዔኔ።

ታና ማኣዳያኣ ባኣያ ማሂ ሃሺ ዴንዴኔ።።

ሆቲና ታና ዱኪ ዓይዲሳኒ ዒ ጊኢጌኔ።

ዔያታ ኮርጋ ኬሎ ዴንዲ ዚሮ ሄላንዳኣና ታና ቦሂ ቦሂ ኮርጋኔ።

ታና ዒዚ ዋላንጋ ላይሲ ሚሼኔ።

ሳዖ ሲላሎይዳኣ ታና ሂዒ ኬኤሬኔ።

ዎዛ ጎዖ ባኣዚ ዓይጎታቴያ ታኣም ጶቁዋሴ።

ናንጊና ናንጋ ጎዳ ታኣም ሃጊ ዒንጋንዳኣዋይ ታ ጋዓ ባካ ቢያ

ሙኪ ታና ሄላ ካራ ባኣያ ማዒ ዓቴኔ» ጌዔኔ።

ዓዳ ዋላንጋና ጪሼናጉዲ ታኣም ጫንቄኔ።

ዒና ታኣኮ ኮሺ ዖያኔ።

ዬኖ ታ ማላማና ሃጊ ማዓንዳ ዎዛና ዒና ታኣኮ ሃውሻኔ።

ኑኡኒ ባይቁዋዖ ሼምፔና ዓቲ ዓኣሢ

ናንጊና ናንጋ ጎዳኮ ሚጪንቲፃ ፔቴታዖ ጋፑዋያ

ናሹማኣ ናንጊና ናንጋያ ማዔሢሮኬ።

ናንጊና ናንጋ ጎዳ ማዔ ኔኤኮ ጉሙርቂንቲፃ ዼኤፒኬ።

ዒዛ ሌሊ ታኣኒ ጉሙርቃንዳኔ።

ዒዛ ኮዓዞንሢናም ዒዚ ኮሺኬ።

ጉሙርቂ ካፔያታቴ ቃራኬ።

ዳንዳዒ ዔኬቴ ኮሺኬ።

ዚቲ ጌይ ፔኤሮ ዒ ዴዔቴ ቃራኬ።

ሳዓ ባሊቲና ላሂ ናንጊና ናንጋ ጎዳም ዓይሢንቲ ዎርቆንጎ።

ጫሺታቴያ ዔዔኮንጎ።

ናኣናና ኬንኬሊዲ ዓሲ ሃሹዋሴ።

ዒዛ ማሊሢ ማዔቴያ

ዒዛኮ ዑሣ ዓኣዼ ዺቦ፥ ናንጊና ናንጋ ናሹሞና

ዓሲም ዒዚ ሚሚጪንታኔ።

ዓሲዳ ሜቶና ዖዪሢና ሄሊሱዋኣሢሮኬ።

ጌኔ ጎይሢና ሄርቂንታሢ፥

ዓሲኮ ቶኦኪ ባይዞሢ፥

ጎኔና ናንጊና ናንጋ ጎዳ ሃያ ባኮ ዛጉዋዓዳ?

ዒዛ ዓይሢ ፔቴ ባኣዚታዎ ማዺሻኒ ዳንዳዓ ዓሲ ዖናዳይ?

ዼኤፖ ፆኦዛሢ ዓይሤምኬ።

ጉንዱማሢ ዓይጎሮዳዖ?

ናንጊና ናንጋ ጎዳ ባንሢ ኑ ማዖም።

ኑ ፆኦዛሢ ባንሢ ኑ ዔቂሲ፥ ሂዚ ኑ ጎዖም፦

ጎሜ ማዼኔ፤ ኔኤኒ ኑና ማኣሪባኣሴ።»

ማኣሚቃይዶ ኑና ኔ ዎዼኔ።

ዲም ጌዔ ሻኣሬና ኔና ኔኤኒ ዓኣቼኔ።

ሚኢጪ ኑና ዓማሌኔ።

ሜቶንታ ሂርጋንታ ሙኪ ኑና ሄሌኔ።

ዓቢሢ ታኣኮ ዓኣፓፓ ዎርዚ ዋኣሢጉዲ ጎዓኔ።»

ናንጊና ናንጋ ጎዳ ጫሪንጫፓ ሊካ ዛጊ ዴንቃንዳያ ሄላንዳኣናኬ።

ሄሌ ባኮ ዛሎና ታኣኒ ካራ ባይቂ ታ ዒኖና ማሊ ሜታዼኔ።»

ካፒም ፒሮ ፒሮጉዲ ታኣም ፒሬኔ።

ዔቶ ካሮ ሹቻ ዔያታ ዎዼኔ።

ታኣኒ ሃይቃንዳ ዎዳ ዑኬያ ታኣም ማሌኔ።»

ታኣኒ ጌሊ ዓኣዖ ኔና ሺኢቄኔ።

ዑኬና ሙኪ ታና ማኣዴ› ጌይ ሺኢቃሢ ኔኤኒ ዋይዜኔ።»

ኔኤኒ፦ «ዒጊጪፖ!» ጌይ ታና ዶዲሼኔ።

ታና ኔኤኒ ዓውሴኔ።

ታኣም ማዾና ጌኖ ቢያ ኔኤኒ ዛጌሢሮ

ታኣም ጌስቲ ዎጌ።

ዎላ ጌስቲ ቱኬ ቱኡዞ ኔኤኒ ዴንቄኔ።»

ታና ዔያታ ጫሽኬ ጫዦና

ታኣም ዔያታ ማሌ ጌኖ ኔ ዋይዜኔ።

ሞርካ ታና ባይዞንዶ ጎይፆ

ዎላ ካሽካሺ ጌስታኔ።

ታና ጫርጋ ጫጮ ዔያቶኮ ዛጌ።»

ኮይሳማጉዴያ ማሂ ዔያቶም ዒንጌ።

ካራ ዔያቶኮ ባይዜ!

ጫሪንጮ ዴማፓ ጋፒሲ ዔያቶ ኩርሴ!»