JAMES CAPAT
(Letter from James)
ABOUT THIS LETTER
This is a good example of a general letter, because it is addressed to Christians scattered throughout the Roman Empire. Though written as a letter, it is more like a short book of instructions for daily living.
For James faith means action! In fact, the entire book is a series of examples that show faith in action in wise and practical ways.
His advice was clear and to the point: If you are poor, don't despair! Don't give up when your faith is being tested. Don't get angry quickly. Don't favour the rich over the poor. Do good things for others. Control your tongue and desires. Surrender to God and rely on his wisdom. Resist the devil. Don't boast about what you are going to do. If you are rich, use your money to help the poor. Be patient and kind, and pray for those who need God's help.
A QUICK LOOK AT THIS LETTER
Greetings (1.1)
A Life of Faith and Wisdom (1.2-18)
Hearing and Obeying God's Message (1.19-27)
Don't Favour the Rich and Powerful (2.1-13)
Faith and Works (2.14-26)
Wisdom and Words (3.1-18)
Warning against Friendship with the World (4.1—5.6)
Patience, Kindness, and Prayer (5.7-20)
Uemnah Ol
1 Pathen neh Boeipa Jesuh khrih kah sal James loh canglak mupoe koca hlainit taengah ka omngaih.
Noemcainah neh Hing Soepnah
2Ka manuca rhoeh noemcainah rhoepsaep na um uh te omngaihnah la boeih poek uh. 3Nangmih kah nuemnainah loh tangnah dongkah uehnah a thoeng sak te ming uh. 4Uehnah loh khoboe te a lungcuei la khueh saeh. Te daengah ni lungcuei neh hlangsoep la na om vetih na vawtthoek pawt eh.
5Nangmih khuiah khat khat loh cueihnah a vawt atah kohuet kolla hawt boeih aka pae Pathen taengah bih saeh lamtah anih te a paek bitni. 6Tedae boelhkhoeh kolla tangnah neh bih saeh. Aka boelhkhoeh tah tuili kah tuiphu aka niknuk neh aka kilkul banghui ni. 7Tekah hlang loh boeipa taengkah pakhat khaw a dang ham la cai boel saeh. 8Cikcok hlang tah rhoepsaep dongah a longpuei khaw likloek sut.
9Tedae manuca aka tlayae long tah amah kah a sang neh pomsang saeh. 10 Kuirhang long khaw a mathoe neh thangpom seh. Anih khaw khopol rhaipai bangla khum ni. 11Khomik loh a linglai neh a thoeng vaengah khopol te koh. Rhaipai khaw rhul tih a maelhmai kah mueithen long khaw tlum. Kuirhang khaw a caehlong ah muei tangloeng.
12Yoethen hlang long tah noemcainah a ueh. Ueppang la aka om long ni hingnah rhuisam te a dang eh. Te tah amah aka lungnah rhoek ham a kam pah coeng. 13Noemcai vaengah Pathen loh n'noemcai ti boel saeh. Pathen ham tah a thae he hnalbat la om tih amah khaw a noemcai moenih. 14Cuekcawn hlang boeih tah amah kah hoehhamnah loh a payawk tih a yoek. 15Hoehhamnah loh a cuen dongah tholhnah a cun. Tholhnah loh a ham vaengah dueknah a cun.
16Thintlo ka manuca rhoek te n'rhaithi uh boel saeh. 17Doedannah then boeih neh lungcuei kutdoe tah a so lamkah ni. Pa kah vangnah khui lamkah ha suntla coeng. Anih taengah poehlipnah neh hoilaenah mueihlip a om moenih. 18A kutngo khuiah thaihcuek pakhat la mamih om sak ham ni oltak kah a ngaih vanbangla a ol loh mamih n'cun.
A Yaak te Khoboe neh Rhoih
19Ka thintlo manuca rhoek ming uh lah. Hlang boeih loh hnatun ham te voeiloe la, cal ham te a hnong a yai la, thintoek ham khaw a hnong a yai la om saeh. 20Hlang kah thintoek loh Pathen kah duengnah te a saii moenih. 21Te dongah khoboe rhong neh phayoenah dongkah baecoihnah te boeih hnawt uh. Na hinglu khang ham aka coeng thai mutue ol te muelhtuetnah neh doe uh.
22Ol aka rhoihkung la om uh lamtah aka yakung dawk loh amah te yoek uh boel saeh. 23Khat khat loh ol yakung la om tih a rhoihkung pawt atah, anih te hmaidan dongah a rhuirhong kah maelhmai aka dan hlang banghui ni. 24Amah te hmat uh coeng dae a caeh nen tah metla a om khaw hnap a hmaai. 25Tedae poenghalnah lungcuei olkhueng te aka so tih aka om thil, aka yakung te aka hnilhkung la om pawt tih khoboe neh aka rhoihkung, yoethen long tah a bibi neh om ni.
26Khat khat loh aka cuep la a ngai uh tih a ol a tuem kolla, a thinko a hmil a hmak atah, anih kah bawknah tah a honghi ni. 27Pa neh Pathen hmaiah amih phacip phabaem khuikah cadah rhoek neh nuhmai rhoek te hip ham, amah neh amah diklai lamkah cuemhmuet la cue uh he ni aka cuem aka caih bawknah la a om.