Ⅰhe bhrAtaraH, kAlAn samayAMzcAdhi yuSmAn prati mama likhanaM niSprayojanaM,

Ⅱyato rAtrau yAdRk taskarastAdRk prabho rdinam upasthAsyatIti yUyaM svayameva samyag jAnItha|

ⅢzAnti rnirvvinghatvaJca vidyata iti yadA mAnavA vadiSyanti tadA prasavavedanA yadvad garbbhinIm upatiSThati tadvad akasmAd vinAzastAn upasthAsyati tairuddhAro na lapsyate|

Ⅳkintu he bhrAtaraH, yUyam andhakAreNAvRtA na bhavatha tasmAt taddinaM taskara iva yuSmAn na prApsyati|

Ⅴsarvve yUyaM dIpteH santAnA divAyAzca santAnA bhavatha vayaM nizAvaMzAstimiravaMzA vA na bhavAmaH|

Ⅵato 'pare yathA nidrAgatAH santi tadvad asmAbhi rna bhavitavyaM kintu jAgaritavyaM sacetanaizca bhavitavyaM|

Ⅶye nidrAnti te nizAyAmeva nidrAnti te ca mattA bhavanti te rajanyAmeva mattA bhavanti|

Ⅷkintu vayaM divasasya vaMzA bhavAmaH; ato 'smAbhi rvakSasi pratyayapremarUpaM kavacaM zirasi ca paritrANAzArUpaM zirastraM paridhAya sacetanai rbhavitavyaM|

Ⅸyata Izvaro'smAn krodhe na niyujyAsmAkaM prabhunA yIzukhrISTena paritrANasyAdhikAre niyuुktavAn,

ⅩjAgrato nidrAgatA vA vayaM yat tena prabhunA saha jIvAmastadarthaM so'smAkaM kRte prANAn tyaktavAn|

Ⅺataeva yUyaM yadvat kurutha tadvat parasparaM sAntvayata susthirIkurudhvaJca|

Ⅻhe bhrAtaraH, yuSmAkaM madhye ye janAH parizramaM kurvvanti prabho rnAmnA yuSmAn adhitiSThantyupadizanti ca tAn yUyaM sammanyadhvaM|

ⅩⅢsvakarmmahetunA ca premnA tAn atIvAdRyadhvamiti mama prArthanA, yUyaM parasparaM nirvvirodhA bhavata|

ⅩⅣhe bhrAtaraH, yuSmAn vinayAmahe yUyam avihitAcAriNo lokAn bhartsayadhvaM, kSudramanasaH sAntvayata, durbbalAn upakuruta, sarvvAn prati sahiSNavo bhavata ca|

ⅩⅤaparaM kamapi pratyaniSTasya phalam aniSTaM kenApi yanna kriyeta tadarthaM sAvadhAnA bhavata, kintu parasparaM sarvvAn mAnavAMzca prati nityaM hitAcAriNo bhavata|

ⅩⅥsarvvadAnandata|

ⅩⅦnirantaraM prArthanAM kurudhvaM|

ⅩⅧsarvvaviSaye kRtajJatAM svIkurudhvaM yata etadeva khrISTayIzunA yuSmAn prati prakAzitam IzvarAbhimataM|

ⅩⅨpavitram AtmAnaM na nirvvApayata|

ⅩⅩIzvarIyAdezaM nAvajAnIta|

ⅩⅪsarvvANi parIkSya yad bhadraM tadeva dhArayata|

ⅩⅫyat kimapi pAparUpaM bhavati tasmAd dUraM tiSThata|

ⅩⅩⅢzAntidAyaka IzvaraH svayaM yuSmAn sampUrNatvena pavitrAn karotu, aparam asmatprabho ryIzukhrISTasyAgamanaM yAvad yuSmAkam AtmAnaH prANAH zarIrANi ca nikhilAni nirddoSatvena rakSyantAM|

ⅩⅩⅣyo yuSmAn Ahvayati sa vizvasanIyo'taH sa tat sAdhayiSyati|

ⅩⅩⅤhe bhrAtaraH, asmAkaM kRte prArthanAM kurudhvaM|

ⅩⅩⅥpavitracumbanena sarvvAn bhrAtRn prati satkurudhvaM|

ⅩⅩⅦpatramidaM sarvveSAM pavitrANAM bhrAtRNAM zrutigocare yuSmAbhiH paThyatAmiti prabho rnAmnA yuSmAn zapayAmi|

ⅩⅩⅧasmAkaM prabho ryIzukhrISTasyAnugrate yuSmAsu bhUyAt| Amen|