ⅠanantaraM yIzu ryadA mandirAd bahi rgacchati, tadAnIM ziSyAstaM mandiranirmmANaM darzayitumAgatAH|
Ⅱtato yIzustAnuvAca, yUyaM kimetAni na pazyatha? yuSmAnahaM satyaM vadAmi, etannicayanasya pASANaikamapyanyapASANeाpari na sthAsyati sarvvANi bhUmisAt kAriSyante|
ⅢanantaraM tasmin jaitunaparvvatopari samupaviSTe ziSyAstasya samIpamAgatya guptaM papracchuH, etA ghaTanAH kadA bhaviSyanti? bhavata Agamanasya yugAntasya ca kiM lakSma? tadasmAn vadatu|
ⅣtadAnIM yIzustAnavocat, avadhadvvaM, kopi yuSmAn na bhramayet|
Ⅴbahavo mama nAma gRhlanta AgamiSyanti, khrISTo'hameveti vAcaM vadanto bahUn bhramayiSyanti|
ⅥyUyaJca saMgrAmasya raNasya cADambaraM zroSyatha, avadhadvvaM tena caJcalA mA bhavata, etAnyavazyaM ghaTiSyante, kintu tadA yugAnto nahi|
ⅦaparaM dezasya vipakSo dezo rAjyasya vipakSo rAjyaM bhaviSyati, sthAne sthAne ca durbhikSaM mahAmArI bhUkampazca bhaviSyanti,
ⅧetAni duHkhopakramAH|
ⅨtadAnIM lokA duHkhaM bhojayituM yuSmAn parakareSu samarpayiSyanti haniSyanti ca, tathA mama nAmakAraNAd yUyaM sarvvadezIyamanujAnAM samIpe ghRNArhA bhaviSyatha|
ⅩbahuSu vighnaM prAptavatsu parasparam RृtIyAM kRtavatsu ca eko'paraM parakareSu samarpayiSyati|
ⅪtathA bahavo mRSAbhaviSyadvAdina upasthAya bahUn bhramayiSyanti|
ⅫduSkarmmaNAM bAhulyAJca bahUnAM prema zItalaM bhaviSyati|
ⅩⅢkintu yaH kazcit zeSaM yAvad dhairyyamAzrayate, saeva paritrAyiSyate|
ⅩⅣaparaM sarvvadezIyalokAn pratimAkSI bhavituM rAjasya zubhasamAcAraH sarvvajagati pracAriSyate, etAdRzi sati yugAnta upasthAsyati|
ⅩⅤato yat sarvvanAzakRdghRNArhaM vastu dAniyelbhaviSyadvadinA proktaM tad yadA puNyasthAne sthApitaM drakSyatha, (yaH paThati, sa budhyatAM)
ⅩⅥtadAnIM ye yihUdIyadeze tiSThanti, te parvvateSu palAyantAM|
ⅩⅦyaH kazcid gRhapRSThe tiSThati, sa gRhAt kimapi vastvAnetum adheा nAvarohet|
ⅩⅧyazca kSetre tiSThati, sopi vastramAnetuM parAvRtya na yAyAt|
ⅩⅨtadAnIM garbhiNIstanyapAyayitrINAM durgati rbhaviSyati|
ⅩⅩato yaSmAkaM palAyanaM zItakAle vizrAmavAre vA yanna bhavet, tadarthaM prArthayadhvam|
ⅩⅪA jagadArambhAd etatkAlaparyyanantaM yAdRzaH kadApi nAbhavat na ca bhaviSyati tAdRzo mahAklezastadAnIm upasthAsyati|
ⅩⅫtasya klezasya samayo yadi hsvo na kriyeta, tarhi kasyApi prANino rakSaNaM bhavituM na zaknuyAt, kintu manonItamanujAnAM kRte sa kAlo hsvIkariSyate|
ⅩⅩⅢaparaJca pazyata, khrISTo'tra vidyate, vA tatra vidyate, tadAnIM yadI kazcid yuSmAna iti vAkyaM vadati, tathApi tat na pratIt|
ⅩⅩⅣyato bhAktakhrISTA bhAktabhaviSyadvAdinazca upasthAya yAni mahanti lakSmANi citrakarmmANi ca prakAzayiSyanti, tai ryadi sambhavet tarhi manonItamAnavA api bhrAmiSyante|
ⅩⅩⅤpazyata, ghaTanAtaH pUrvvaM yuSmAn vArttAm avAdiSam|
ⅩⅩⅥataH pazyata, sa prAntare vidyata iti vAkye kenacit kathitepi bahi rmA gacchata, vA pazyata, sontaHpure vidyate, etadvAkya uktepi mA pratIta|
ⅩⅩⅦyato yathA vidyut pUrvvadizo nirgatya pazcimadizaM yAvat prakAzate, tathA mAnuSaputrasyApyAgamanaM bhaviSyati|
ⅩⅩⅧyatra zavastiSThati, tatreva gRdhrA milanti|
ⅩⅩⅨaparaM tasya klezasamayasyAvyavahitaparatra sUryyasya tejo lopsyate, candramA jyosnAM na kariSyati, nabhaso nakSatrANi patiSyanti, gagaNIyA grahAzca vicaliSyanti|
ⅩⅩⅩtadAnIm AkAzamadhye manujasutasya lakSma darziSyate, tato nijaparAkrameNa mahAtejasA ca meghArUDhaM manujasutaM nabhasAgacchantaM vilokya pRthivyAH sarvvavaMzIyA vilapiSyanti|
ⅩⅩⅪtadAnIM sa mahAzabdAyamAnatUryyA vAdakAn nijadUtAn praheSyati, te vyomna ekasImAto'parasImAM yAvat caturdizastasya manonItajanAn AnIya melayiSyanti|
ⅩⅩⅫuDumbarapAdapasya dRSTAntaM zikSadhvaM; yadA tasya navInAH zAkhA jAyante, pallavAdizca nirgacchati, tadA nidAghakAlaH savidho bhavatIti yUyaM jAnItha;
ⅩⅩⅩⅢtadvad etA ghaTanA dRSTvA sa samayo dvAra upAsthAd iti jAnIta|
ⅩⅩⅩⅣyuSmAnahaM tathyaM vadAmi, idAnIntanajanAnAM gamanAt pUrvvameva tAni sarvvANi ghaTiSyante|
ⅩⅩⅩⅤnabhomedinyo rluptayorapi mama vAk kadApi na lopsyate|
ⅩⅩⅩⅥaparaM mama tAtaM vinA mAnuSaH svargastho dUto vA kopi taddinaM taddaNDaJca na jJApayati|
ⅩⅩⅩⅦaparaM nohe vidyamAne yAdRzamabhavat tAdRzaM manujasutasyAgamanakAlepi bhaviSyati|
ⅩⅩⅩⅧphalato jalAplAvanAt pUrvvaM yaddinaM yAvat nohaH potaM nArohat, tAvatkAlaM yathA manuSyA bhojane pAne vivahane vivAhane ca pravRttA Asan;
ⅩⅩⅩⅨaparam AplAvitoyamAgatya yAvat sakalamanujAn plAvayitvA nAnayat, tAvat te yathA na vidAmAsuH, tathA manujasutAgamanepi bhaviSyati|
ⅩⅬtadA kSetrasthitayordvayoreko dhAriSyate, aparastyAjiSyate|
ⅩⅬⅠtathA peSaNyA piMSatyorubhayo ryoSitorekA dhAriSyate'parA tyAjiSyate|
ⅩⅬⅡyuSmAkaM prabhuH kasmin daNDa AgamiSyati, tad yuSmAbhi rnAvagamyate, tasmAt jAgrataH santastiSThata|
ⅩⅬⅢkutra yAme stena AgamiSyatIti ced gRhastho jJAtum azakSyat, tarhi jAgaritvA taM sandhiM karttitum avArayiSyat tad jAnIta|
ⅩⅬⅣyuSmAbhiravadhIyatAM, yato yuSmAbhi ryatra na budhyate, tatraiva daNDe manujasuta AyAsyati|
ⅩⅬⅤprabhu rnijaparivArAn yathAkAlaM bhojayituM yaM dAsam adhyakSIkRtya sthApayati, tAdRzo vizvAsyo dhImAn dAsaH kaH?
ⅩⅬⅥprabhurAgatya yaM dAsaM tathAcarantaM vIkSate, saeva dhanyaH|
ⅩⅬⅦyuSmAnahaM satyaM vadAmi, sa taM nijasarvvasvasyAdhipaM kariSyati|
ⅩⅬⅧkintu prabhurAgantuM vilambata iti manasi cintayitvA yo duSTo dAso
ⅩⅬⅨ'paradAsAn praharttuM mattAnAM saGge bhoktuM pAtuJca pravarttate,
Ⅼsa dAso yadA nApekSate, yaJca daNDaM na jAnAti, tatkAlaeva tatprabhurupasthAsyati|
ⅬⅠtadA taM daNDayitvA yatra sthAne rodanaM dantagharSaNaJcAsAte, tatra kapaTibhiH sAkaM taddazAM nirUpayiSyati|