Ⅰཨཏོ ཧེཏོ རྦྷིནྣཛཱཏཱིཡཱནཱཾ ཡུཥྨཱཀཾ ནིམིཏྟཾ ཡཱིཤུཁྲཱིཥྚསྱ བནྡཱི ཡཿ སོ྅ཧཾ པཽལོ བྲཝཱིམི།

Ⅱཡུཥྨདརྠམ྄ ཨཱིཤྭརེཎ མཧྱཾ དཏྟསྱ ཝརསྱ ནིཡམཿ ཀཱིདྲྀཤསྟད྄ ཡུཥྨཱབྷིརཤྲཱཝཱིཏི མནྱེ།

Ⅲཨརྠཏཿ པཱུཪྻྭཾ མཡཱ སཾཀྵེཔེཎ ཡཐཱ ལིཁིཏཾ ཏཐཱཧཾ པྲཀཱཤིཏཝཱཀྱེནེཤྭརསྱ ནིགཱུཌྷཾ བྷཱཝཾ ཛྙཱཔིཏོ྅བྷཝཾ།

Ⅳཨཏོ ཡུཥྨཱབྷིསྟཏ྄ པཋིཏྭཱ ཁྲཱིཥྚམདྷི ཏསྨིནྣིགཱུཌྷེ བྷཱཝེ མམ ཛྙཱནཾ ཀཱིདྲྀཤཾ ཏད྄ བྷོཏྶྱཏེ།

Ⅴཔཱུཪྻྭཡུགེཥུ མཱནཝསནྟཱནཱསྟཾ ཛྙཱཔིཏཱ ནཱསན྄ ཀིནྟྭདྷུནཱ ས བྷཱཝསྟསྱ པཝིཏྲཱན྄ པྲེརིཏཱན྄ བྷཝིཥྱདྭཱདིནཤྩ པྲཏྱཱཏྨནཱ པྲཀཱཤིཏོ྅བྷཝཏ྄;

Ⅵཨརྠཏ ཨཱིཤྭརསྱ ཤཀྟེཿ པྲཀཱཤཱཏ྄ ཏསྱཱནུགྲཧེཎ ཡོ ཝརོ མཧྱམ྄ ཨདཱཡི ཏེནཱཧཾ ཡསྱ སུསཾཝཱདསྱ པརིཙཱརཀོ྅བྷཝཾ,

Ⅶཏདྭཱརཱ ཁྲཱིཥྚེན བྷིནྣཛཱཏཱིཡཱ ཨནྱཻཿ སཱརྡྡྷམ྄ ཨེཀཱདྷིཀཱརཱ ཨེཀཤརཱིརཱ ཨེཀསྱཱཿ པྲཏིཛྙཱཡཱ ཨཾཤིནཤྩ བྷཝིཥྱནྟཱིཏི།

Ⅷསཪྻྭེཥཱཾ པཝིཏྲལོཀཱནཱཾ ཀྵུདྲཏམཱཡ མཧྱཾ ཝརོ྅ཡམ྄ ཨདཱཡི ཡད྄ བྷིནྣཛཱཏཱིཡཱནཱཾ མདྷྱེ བོདྷཱགཡསྱ གུཎནིདྷེཿ ཁྲཱིཥྚསྱ མངྒལཝཱརྟྟཱཾ པྲཙཱརཡཱམི,

Ⅸཀཱལཱཝསྠཱཏཿ པཱུཪྻྭསྨཱཙྩ ཡོ ནིགཱུཌྷབྷཱཝ ཨཱིཤྭརེ གུཔྟ ཨཱསཱིཏ྄ ཏདཱིཡནིཡམཾ སཪྻྭཱན྄ ཛྙཱཔཡཱམི།

Ⅹཡཏ ཨཱིཤྭརསྱ ནཱནཱརཱུཔཾ ཛྙཱནཾ ཡཏ྄ སཱམྤྲཏཾ སམིཏྱཱ སྭརྒེ པྲཱདྷཱནྱཔརཱཀྲམཡུཀྟཱནཱཾ དཱུཏཱནཱཾ ནིཀཊེ པྲཀཱཤྱཏེ ཏདརྠཾ ས ཡཱིཤུནཱ ཁྲཱིཥྚེན སཪྻྭཱཎི སྲྀཥྚཝཱན྄།

Ⅺཡཏོ ཝཡཾ ཡསྨིན྄ ཝིཤྭསྱ དྲྀཌྷབྷཀྟྱཱ ནིརྦྷཡཏཱམ྄ ཨཱིཤྭརསྱ སམཱགམེ སཱམརྠྱཉྩ

Ⅻཔྲཱཔྟཝནྟསྟམསྨཱཀཾ པྲབྷུཾ ཡཱིཤུཾ ཁྲཱིཥྚམདྷི ས ཀཱལཱཝསྠཱཡཱཿ པཱུཪྻྭཾ ཏཾ མནོརཐཾ ཀྲྀཏཝཱན྄།

ⅩⅢཨཏོ྅ཧཾ ཡུཥྨནྣིམིཏྟཾ དུཿཁབྷོགེན ཀླཱནྟིཾ ཡནྣ གཙྪཱམཱིཏི པྲཱརྠཡེ ཡཏསྟདེཝ ཡུཥྨཱཀཾ གཽརཝཾ།

ⅩⅣཨཏོ ཧེཏོཿ སྭརྒཔྲྀཐིཝྱོཿ སྠིཏཿ ཀྲྀཏྶྣོ ཝཾཤོ ཡསྱ ནཱམྣཱ ཝིཁྱཱཏསྟམ྄

ⅩⅤཨསྨཏྤྲབྷོ ཪྻཱིཤུཁྲཱིཥྚསྱ པིཏརམུདྡིཤྱཱཧཾ ཛཱནུནཱི པཱཏཡིཏྭཱ ཏསྱ པྲབྷཱཝནིདྷིཏོ ཝརམིམཾ པྲཱརྠཡེ།

ⅩⅥཏསྱཱཏྨནཱ ཡུཥྨཱཀམ྄ ཨཱནྟརིཀཔུརུཥསྱ ཤཀྟེ ཪྻྲྀདྡྷིཿ ཀྲིཡཏཱཾ།

ⅩⅦཁྲཱིཥྚསྟུ ཝིཤྭཱསེན ཡུཥྨཱཀཾ ཧྲྀདཡེཥུ ནིཝསཏུ། པྲེམཎི ཡུཥྨཱཀཾ བདྡྷམཱུལཏྭཾ སུསྠིརཏྭཉྩ བྷཝཏུ།

ⅩⅧཨིཏྠཾ པྲསྠཏཱཡཱ དཱིརྒྷཏཱཡཱ གབྷཱིརཏཱཡཱ ཨུཙྩཏཱཡཱཤྩ བོདྷཱཡ སཪྻྭཻཿ པཝིཏྲལོཀཻཿ པྲཱཔྱཾ སཱམརྠྱཾ ཡུཥྨཱབྷི རླབྷྱཏཱཾ,

ⅩⅨཛྙཱནཱཏིརིཀྟཾ ཁྲཱིཥྚསྱ པྲེམ ཛྙཱཡཏཱམ྄ ཨཱིཤྭརསྱ སམྤཱུརྞཝྲྀདྡྷིཔཪྻྱནྟཾ ཡུཥྨཱཀཾ ཝྲྀདྡྷི རྦྷཝཏུ ཙ།

ⅩⅩཨསྨཱཀམ྄ ཨནྟརེ ཡཱ ཤཀྟིཿ པྲཀཱཤཏེ ཏཡཱ སཪྻྭཱཏིརིཀྟཾ ཀརྨྨ ཀུཪྻྭན྄ ཨསྨཱཀཾ པྲཱརྠནཱཾ ཀལྤནཱཉྩཱཏིཀྲམིཏུཾ ཡཿ ཤཀྣོཏི

ⅩⅪཁྲཱིཥྚཡཱིཤུནཱ སམིཏེ རྨདྷྱེ སཪྻྭེཥུ ཡུགེཥུ ཏསྱ དྷནྱཝཱདོ བྷཝཏུ། ཨིཏི།