परमप्रभु यावेमी वारच पशो
लां ङा कुम्सो। दाऊद आ कुम्सो।
1परमप्रभु यावे गोपुकी नु मबाक्शो हना, 2मुरपुकीमी आंइ कली लडाइ तोव़मेनु, परमप्रभु यावे गोपुकी नु मबाक्शो हना, 3मेकोपुकीमी आंइ कली तशा गाइक्तमेनु, आंइ कली सेलीन दाक्गेम वा। 4मिनु बारशा जाक्शो ब्वाक्कुम आंइ कली योल्द वा। मिनु मेको ब्वाक्कुम आंइ कली सुम वा। भजन संग्रह ६९:१६; भजन संग्रह ४२:८ 5मेको बारशो ब्वाक्कुम आंइ कली मोशा योल्शा लद वा।
6परमप्रभु यावे ठेयब बाक्ब। मारदे हना मेकोमी आंइ कली क्रिम्चा मगेव। 7मिनु गोपुकी सिखारी आन ब्वारद रे ब्रोंइशो चिक्ब खोदेंशो पा प्रोक्तक। मेको ब्वारद ब्रोइक्त। मिनु गोपुकी प्रोक्तक।
8सरीङ नु रागी सेल्ब परमप्रभु यावेमी आंइ कली वारच पशो बाक्ब।