Tai Dam Nả ꞌviạk ꞌchí ꞌchọ pên ók 15

Chết tiên ꞌchạư khắm chết ꞌláng ꞌhại nắc

1ꞌLẹo khỏi đảy hên mai lák nháư luông máư cá#ꞌphạ. ꞌMí chết tiên ꞌchạư khắm chết ꞌláng ꞌhại#nắc, pên ꞌláng ꞌhại ꞌnéo lả#sút, ăn ꞌnị ꞌviạk Chảu Pua ꞌPhạ pút nhay sáư ꞌsội ꞌcọ ꞌpó#mết. 2ꞌLẹo khỏi đảy hên ꞌnéo bớng pên ꞌsướng ꞌnặm bể saư lưởm ꞌquá#ꞌpháy, ꞌtếng#cá ꞌpứng ꞌcốn báu#ꞌlạy vảy ꞌháu tô sắt ꞌhại ꞌhứ#ꞌva hún pẳn#ꞌmắn, kéng báu#ꞌdệt dáu tô số mai ꞌchư#ꞌmắn. Sau dưn dú nẳng ꞌhím ꞌnặm bể#ꞌnặn, khắm tính Chảu Pua ꞌPhạ dao#hảư. 3Sau au căn khắp ꞌvái pú ꞌMô‑ꞌsê phủ ꞌkhớng nả ꞌviạk Chảu Pua ꞌPhạ ꞌnặn kéng ꞌvái ꞌDo ꞌnọi Chảu Pua ꞌPhạ lỏ#ꞌva:

ꞌChiếng Chảu Pua ꞌPhạ pên Chảu Chom

ꞌmí phép nháư ꞌquiến luông ꞌsứa mết

ꞌViạk ꞌTan sảng nháư luông lả ꞌngám

ꞌTan pên pua téng đa ꞌchu ꞌphắn ꞌcốn

ꞌLuống ꞌtáng ꞌTan pên đi ꞌmí ꞌmen.

4ꞌChiếng Chảu Pua ꞌPhạ pên Chảu Chom

Phaư chắng ꞌhiạk báu nể dăm ꞌTan chảu

ꞌLẹo ꞌchí báu páo ꞌchư siêng ꞌTan chảu ꞌva ꞌhung#ꞌhướng

ꞌMí ꞌto ꞌTan chảu phủ hák ꞌpẹk saư

ꞌChu ꞌphắn ꞌcốn ꞌchí ꞌmá ꞌlạy vảy ꞌháu tó nả ꞌTan

ꞌPưa ꞌva nả ꞌviạk sét ꞌván ꞌluống đi ꞌmí ꞌmen ꞌTan chảu ꞌcọ ꞌdệt ók hảư#hên.

5Lăng ꞌpứng nả ꞌviạk ꞌnặn, khỏi ta siểng ꞌlé hên bón khết dăm nẳng ꞌhướn vảy ꞌsớ Chảu Pua ꞌPhạ cá ꞌmướng ꞌphạ ꞌnặn đảy khay#ók, ꞌnặn lỏ khék#ꞌva ꞌhướn phả pên#chứng. 6Chết tiên ꞌchạư khắm chết ꞌláng ꞌhại nắc ꞌnặn ók nẳng bón khết#dăm. Phaư ꞌcọ ꞌnung sửa ꞌpẹk saư đón#lưởn, ꞌmí phải ꞌvá ꞌcắm ꞌhạng#ớc. 7ꞌMí tô#ꞌnưng cuông sí tô sắt ꞌmí ꞌlới dú ꞌnặn đảy au chết baư thuổi ꞌcắm hảư chết tiên#ꞌchạư, pên thuổi ꞌcắm têm ꞌviạk pút nhay Chảu Pua ꞌPhạ phủ ꞌmí ꞌlới dú báu#sút báu#ꞌtún. 8ꞌMí ꞌcuốn têm bón khết#dăm, pên ꞌviạk ꞌhung ꞌhướng kéng phép nháư ꞌquiến luông khong Chảu Pua#ꞌPhạ, báu#ꞌmí phaư khảu cuông bón khết dăm đảy ꞌtạu ꞌhọt chết tiên ꞌchạư ꞌdệt chết ꞌláng ꞌhại nắc ꞌnặn ꞌlẹo mết#cón.