௧தேவனே, அரசனும் உம்மைப்போன்று ஞானமுள்ள முடிவுகளை எடுக்க அவருக்கு உதவும்.

௨அரசன் உமது ஜனங்களுக்குத் தகுதியான நீதி வழங்க உதவும்.

௩தேசம் முழுவதும் சமாதானமும் நீதியும் நிலவட்டும்.

௪ஏழைகளுக்கு அரசன் நல்லவனாக இருக்கட்டும்.

௫சூரியன் ஒளிவிடும் மட்டும், சந்திரன் வானிலுள்ள மட்டும் ஜனங்கள் அரசனுக்குப் பயந்து அவனை மதிப்பார்கள் என நான் நம்புகிறேன்.

௬வயலில் விழும் மழையைப்போன்றிருக்க அரசனுக்கு உதவும்.

௭அவன் அரசனாக இருக்கும்போது நன்மை மலரட்டும்.

௮ஐபிராத்து நதியிலிருந்து பூமியின் தூரத்து எல்லை வரைக்கும்,

௯பாலைவனத்தில் வாழும் எல்லா ஜனங்களும் அவனுக்குத் தலை வணங்குவார்கள்.

௧௦தர்ஷீசின் அரசர்களும் தூரத்துத் தேசங்களின் அரசர்களும் அவனுக்குப் பரிசுகளைக் கொண்டுவரட்டும்.

௧௧எல்லா அரசர்களும் நமது அரசனை விழுந்து வணங்கட்டும்.

௧௨நமது அரசன் திக்கற்றோருக்கு உதவுகிறார்.

௧௩ஏழையான திக்கற்ற ஜனங்கள் நம் அரசனைச் சார்ந்திருப்பார்கள்.

௧௪அவர்களைத் துன்புறுத்த முயலும் கொடியோரிடமிருந்து அரசன் அவர்களைக் காப்பாற்றுகிறார்.

௧௫அரசன் நீடூழி வாழ்க!

எப்போதும் அரசனுக்காக ஜெபம் செய்யுங்கள்.

௧௬வயல் நிலங்கள் மிகுதியான தானியத்தை விளைவிக்கட்டும்.

நிலங்களில் புல் வளர்வது போன்று

௧௭அரசன் என்றென்றும் புகழ்பெறட்டும்.

ஜனங்கள் அவரால் ஆசீர்வதிக்கப்படட்டும்.

௧௮இஸ்ரவேலரின் தேவனாகிய, கர்த்தராகிய தேவனைத் துதியுங்கள்.

௧௯அவரது மகிமைபொருந்திய நாமத்தை என்றென்றும் துதியுங்கள்!

௨௦ஈசாயின் மகனாகிய தாவீதின் ஜெபங்கள் இங்கு முடிகின்றன.