1Mame tynonory põkõ tyrohmanohpose tuisa Xerexe a, emero ehpio exiketomo te, nono rãnao exiketõ roropa. Typoetory tõme tyrohmanohpose toto eya. 2Tuisa Xerexe nyrityã kurã emero tymerose pape pokona esety Tuisa tõ Ehtopõpyry Metia po Perexia po, enara. Moro ao tymerose roropa Moatekai menekatopõpyry eya takorehmaneme, erohtohme kowenu erohtoh poko. 3Tuisamehxo toehse Moatekai tuisa Xerexe akorehmaneme. Imehnõ emero motye toehse ynororo. Tuisa Xerexe rokẽ imotye kynexine. Juteu tõ emero ise toh nexiase, ipyno toh nexiase, toerohse yronymyryme Moatekai exiryke toto ewomatohme, kure rokẽ toto ehtohme, enara.