Voyo ra kusononesa
1Ee Mwenyezi Mlungu, tambukira garigohuphaha;
lola na uone waibu wehu.
2Urisi wehu ukahewa ajeni,
nyumba zehu zikalaviwa kpwa ajeni.
3Hukakala anachiya, asio na baba,
mayo zehu ni magungu.
4Ni lazima huriphire madzi hunwago,
kuni uhumirazo ni huzigule.
5Nyo auzoresao anahukpwala majimbe,
hukaremwa ela tauruhusiwa kuoya.
6Hukaagolosera mikono Amisiri na Aashuru
ili huphahe chakurya cha kukola.
7Baba zehu ahenda dambi, nao taako tsona
naswi hunagaya kpwa dambi zao.
8Atumwa anahutawala,
taphana wa kuhuokola kula mwao mikononi.
9Hunaphaha chakurya kpwa kuhatarisha maisha gehu,
kpwa sababu ya upanga ko weruni.
10Miri yehu i moho dza dziko ra kuochera mikahe,
chisa ni ndzala.
11Achetu agbwavukirwa ko Sayuni,
na anamwali kahi ya midzi ya Juda.
12Vilongozi afungbwa mikowa mikononi achileweswaleweswa,
atumia taahewa ishima.
13Barobaro anashurutishwa kusaga na lala
avulana anadedeleka kpwa mahiha maziho ga kuni.
14Atumia taasagala tsona pho ryango ra mudzi,
avulana akaricha kuimba mawira gao.
15Tahuna raha tsona,
Kuvwina kpwehu kukagaluzwa kukala chiriro.
16Tadzi ya chifalume ikagbwa kula chitswani phehu,
ni shauri yehu mana hukahenda dambi.
17Kpwa sababu iyo, mioyo yehu ni minyonje,
kpwa utu uho matso gehu tagaonato,
18mana mwango Sayuni, ukarichwa wekee bila mutu,
makala nkunyendeka dzuluye.
19Ela uwe Mwenyezi Mlungu unatawala hata kare na kare.
Chihicho cha endzi chinadumu chivyazi hadi chivyazi.
20Kpwa utu wani unaenderera kuhuyala?
Mbona ukahuricha kpwa muda mure?
21Huuyize kpwako ee Mwenyezi Mlungu, ili naswi hukuuyire!
Henda siku zehu zikale dza zo za kare!
22Ebu ukahurema tsetsetse?
Dze, ukahutsukirirwa kpweli-kpweli?