ጫሪንጮ ሌካ ኬስኪ ዼጊ ጌይ ዴዔዞ

ዒስራዔኤሌኮ ሄርሺንቶዞ ዒዚ ሳዓ ጎቺ ዔኪ ኬኤሬኔ፤

ዔኤቢኬያ ጌይ ሺሪ ዛጊባኣሴ።

ዒዚ ዻጋዺ ዪሁዳ ዴሮኮ ዋርዲዮ ሻሄኔ፤

ዒኢካ ዓኣ ካኣቶና ቢታንታ ዓኣ ዓሶና ሳዓ ዔኪ ዢቢ ዻውሲሴኔ።

ሞርካ ዒስራዔኤሌይዳ ሙካኣና ዒዚ ዔያቶ ማኣዶ ሃሺ

ያይቆኦቤ ዜርፆይዳ ፔኤኮ ዻጎ ታሞ ዔኤሤኔ፤

ኮይላ ዓኣ ባኮ ቢያ ሙዓ ታሚጉዲ ሙዔኔ።

ዒዛኮ ሚዛቆ ኩጫ ኑና ማኣሳንሣኒ ጊኢጌኔ፤

ዬሩሳላሜይዳ ዓኣ፥ ኑኡኒ ናሽካ ዓሶ ቢያ ዒ ዎዼኔ፤

ፔኤኮ ዻጎ ታሚጉዲ ዒዚ ዔኤሤኔ።

ካኣቱሞ ማኣሮዋ ዶይሲ ኩርሴኔ።

ዪሁዳ ዴሮይዳ ዬኤፒና ዒላቲና ዺቢሼኔ።

ፂዮኔይዳ ቦንቾ ቦንቾንታ ሃውሾ ኬሎዋ ዓይሴኔ፤

ፔኤኮ ዼኤፖ ዻጎና ካኣቲንታ ቄኤሶዋ ዻውሲሴኔ።

ፔኤኮ ጌኤዦ ማኣሮዋ ሃሼኔ።

ካኣቱሞ ማኣሮኮ ኬኤሎ ዲፆ ሞርካ ዶይሳንዳጉዲ

ዒዚ ዓኣሢ ሞርኮም ዒንጌኔ፤

ዬያሮ ሞርካ ቦንቾ ኬሊና ማዺንታ ጎይሢ

ጌኤዦ ማኣሮይዳ ዎዛና ኮርጌኔ።

ሚፆ ሱዞ ሊካ ኬይሴኔ፤

ካታሞ ካፖ ዼጌ ኬኤሎ ዲፃኣ ዹኡቂ ሻሂንቴኔ፤

ዬይ ቢያ ፔቴና ዶዔኔ።

ኮምባልቂ ዎዾ ጋጋርዛኣ ሜቂ ሜቂ ጋፔኔ፤

ካኣቲንታ ዒዚ ቢታንቶ ዒንጌ ሱኡጎንታ

ሜሌ ዴሮ ባኣኮይዳ ዳውሲንቲ ዴንዲ ዓኣኔ፤

ሙሴ ዔርዜ ዎጎ ሃካፓ ሴካ ኬኤዚ ዔርዛ ዓሲ ባኣያ ማዓንዳኔ፤

ፆኦሲ ማሊፆ ኬኤዛ ዓሶም ሃካፓ ሴካ ናንጊና ናንጋ ጎዳ ፔጋሲ ዻዋንዳ ባኣዚ ባኣሴ።

ዔያታ ፔኤኮ ቶኦኮይዳ ሲላሊ ዋሂ፥ ሲዬ ፓቲሌያ ማኣዔኔ፤

ዒኢካ ካታሞይዳ ዓኣ ዉዱሮ ናኣታ ካራ ባይዚ ሳኣ ዛጌኔ።

ናኣታ ካታሞ ሳዞ ጎይፆይዳ ላቢ ሎኦማሢሮ

ዬኤኬ ጎይሣ ዓኣፓ ታኣኮ ዶጬኔ፤

ጎጳኣ ታኣኮ ዋኣፄኔ፥ ሃጊ ማዓ ዎዛኣ ታኣኮ ባኣያ ማዔኔ።

ካታሞ ሳዞ ጎይፆይዳ ላቢ ሎኦሚ ላሂ ላሂ

ዒንዶንሢኮ ቃሶይዳ ጌኤቂንቲ ዴዒ

«ዒንዴ! ሙኡዚ፥ ዋኣሢ ዒንጌ» ጌይ ዬኤኪ ዬኤኪ

ሼምፓሢ ዔያቶኮ ዬያይዲ ዱጲ ጋፓኔ።

ታኣኒ ናሽካ፥ ዬሩሳላሜ ካታሞ ዴራ!

ታ ዒንሢ ዶዲሻኒ ዓይጎና ታ ዒንሢ ቤቂሶንዶይ?

ዒንሢ፥ ዬሩሳላሜ ካታሞ ዴራ!

ዒንሢዳ ሄላንዳ ባይሲንታ ዳልጎ ባዞጉዲ ዼኤፒታሢሮ

ዖኦኒ ዒንሢ ዓውሳኒ ዳንዳዓይ?

ዔያታ ሉኡዚ፥ ሃሣ ዻዻቢሻ ሎንሦ ዒንሢም ኬኤዜኔ፤

ዒንሢም ጊኢጊ ዓኣ ፑርቶ ባካፓ ዒንሢ ማሃኒ

ዒንሢኮ ዻቢንቶ ዒንሢም ፔጋሲ ኬኤዚባኣሴ።

ዒኢካ ሙኪ ዎዛዻዛ፥ ሃኖ ካታሜሎዳ?»

ጌይ ጌይ ጎይፆና ዴንዳ ዓሳ ቢያ

ዬሩሳላሜ ዛጋ ዓሳ ቦሂሢና ኩቺ ባዒ ባዒ

ዒንሢ ቶኦቺ፥ ዓጮ ፔኤኮ ዻዓኔ፤

ሂዚ ጌይያኣ ዒላታኔ፦ «ኑ ዔያቶ ኩርሲናኣኮኬ!

ሂዮ! ሃይማ ኑ ማሊ ሃይቃ ኬሎማዋይ!

ጋፒንሢ ዑስካ ኑ ዓካሪ ዴንቄያኣዋይ።»

ቤርታ ዒዚ ኬኤዜ ቃኣሎ ማዾይዳ ፔኤሼኔ፤

ሚርጌ ዎዴኮ ቤርታ ዒ ማሊ ቱኬ ጎይፆ ማኣሚቃይዶ ሻሄኔ፤

ሞርካ ዒንሢኮ ካሮ ባይዚፆና ዎዛዻንዳጉዲ ዒ ማሄኔ፤

ዒንሢ ሞርኮኮ ዎልቆ ዒዚ ዶዲሼኔ።

ኬኤሎ ዲፆይዳ ማኣሞንጎ!

ናንጊና ናንጋ ጎዳ ዋይዛንዳጉዲ ዒላቱዋቴ!

ዓቢፃ ዒንሢኮ ዋንቶንታ ሮኦሮንታ ቢያ ዲጲጉዲ ዎቶንጎ፤

ፔቴታዖ ሃውሺፖቴ፤ ዓኣፓ ዬኤፖ ሃሻንዳጉዲ ዚቲ ጌይፖቴ።

ዒንሢም ማሊንታ ባኮ ቢያ ናንጊና ናንጋ ጎዳም ኬኤዙዋቴ፤

ካታሞ ሳዛ ዎላ ካኣማ ጎይፆይዳ ናይዺ ላቢንቲ ሎኦማ ናኣቶ ሼምፓሢም

ናንጊና ናንጋ ጎዳ ሺኢቂ፥ ኩጮ ዒንሢኮ ሌካ ዔቂሱዋቴ።

ሃያኮ ቤርታ ሃያይዲ ኔኤኒ ዙሌ ዻዌ ዴሬ ዓኣኖ?

ላኣላ ፔኤኮ ሾይ ዲቼ ናኣቶ ሙዔንቴሞ!

ፆኦሲኮ ጌኤዦ ማኣሮይዳ ቄኤሶንታ

ፆኦሲ ማሊፆ ኬኤዛ ዓሶንታ ዎዺንቴንቴሞ!

ዼጌ ዓቲንቆንታ ዉዱራሢንታ ሞርኮኮ ጬንቾ ዓራፓ ዎዺ ኩርሴኔ፤

ኔኤኒ ዻጋዼ ዓቦና ማኣሚቃይዶ ኔ ዔያቶ ሹኪሲሴኔ።

ኔኤኒ ዻጋዼ ዓቦና ፔቴታዖ ሼምፔና ቶሊ ዓቴ ዓሲ ባኣሴ፤

ታኣኒ ሾይ ዲቼ ናኣቶ ሞርካ ዎዺ ኩርሴኔ።