ሜሌ ዓሲዳፓ ዒዛም ኬኤዚንታ ፒዜ ማሊሢታቴታዖ ዒፂ ማማካኔ።

ዔራቶ ሜሌ ዓሲዳፓ ዔኪሢ ዒዛ ዎዛሱዋሴ።

ኔኤኒ ቦንቺንቲ ባኣቴ ቦቦርሲንታንዳኔ።

ኮሺ ዔታዼ ዔቴይዳ ዓኣ ዋኣሢጉዲኬ፤

ሃሣ ዓልቃ ዋኣሢጉዲያኣ ዓኣፃያኬ።

ጌኤሺ ዓሲ ፒዜ ዎጌ ዴንቁዋጉዲ ማዺሢ ኮይሳያቱዋሴ።

ዒዚ ጉሪ ጌስቲ ሺራ ባካ ኮኦሎና ጳርቂሳኔ።

ዒዛኮ ጌኤዛ ፒሮ ማዒ ዒዛ ዓርቃኔ።

ዎዛሲ ዎዛሲ ዴንዲ ዓሽኮ ጋሮ ሄላያኬ።

ዬያሮ ኮሺ ዓሲ ዬያ ባንሢ ዶጪጋፓ ዻቃኔ።

ሃሣ ጊንሣ ዶዲ ኬኤሌ ማዒ ዔያቶ ካፓያ ዔያቶም ማላኔ።

ሼሌዔ ዓሲ ቦቦንቺንታኔ።

ሼሌዑሞ ጋዓንቴ ቦንቾፓ ቢራኔ።

ዔኤያ ማሃኔ፤ ሃሣ ቦርሲሳያኬ።

ላቢ ሺኢታያ ማዔቴ ማኣዳ ባኣዚ ባኣሴ።

ማሊ ጶቂሣ ዓሶኮ ዋያ ዔራቶ ኮዓኔ።

ዼኤፖ ዓሶ ቤርቶዋ ዒዛ ኬሳኔ።

ዒዛና ሞኦታሢ ሙኪ ዒዛ ዖኦጫንዳያ ሄላንዳኣና

ቢያ ዎዴ ዒዚ ሌሊ ፒዜ ማዔያ ዒዛም ማላኔ።

ላምዖ ዶዲ ማርማዞንሢያ ዎላ ቡቡኩሳኔ።

ዒዛና ኔ ፑርቴቴ ጋዓንቴ ካሮ ኔኤም ዒ ዎዻንዳኔ።

ኔኤኒ ዎዛዺ ናንጋኔ።

ዬያሮ ኔ ዻንጎና ላጌ ኔኤኮ ኔ ማዤቴ ዎዛዺ ናንጋንዳኔ።

ማቾ ኔኤኒ ዔኬቴ ኮሺ ባኣዚ ኔ ዴንቄኔ ጌይሢኬ።

ዖርጎቺ ዓሲ ጋዓንቴ ሄርሺንቲና ማሂ ኬኤዛኔ።

ጎኔ ላጌ ጋዓንቴ ጌርሲዳፓ ባሼኬ።